Mme Esoputom Eke June

Urua Ọtọn̄ọde June 2

Ikwọ 181

Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ n̄kpọ ban̄a ibatutom an̄wautom March eke idụt ye eke esop n̄kann̄kụk.

Min. 15: “Sịn Ifịk.” Mbụme ye ibọrọ.—Se n̄ko Enyọn̄-Ukpeme eke April 15, 1993, page 28-30.

Min. 22: “Ifiọk Otode Abasi Ọbọrọ Ediwak Mbụme.” Etieibuot eneme ibuotikọ ye asuanetop iba m̀mê ita, esịnede uyen. Tịn̄ n̄kpọ ban̄a ikpehe ekikere 1, ọsọn̄ọde etịn̄ ntak emi n̄wed Ifiọk enyenede uforo ntre ke ndin̄wam nnyịn ibọrọ mme mbụme. Nam ini ndomonse wụt, nyụn̄ nọ ekikere ban̄a edinam n̄kọri ke nneme kiet kiet okụrede.

Ikwọ 200 ye akam ediberi.

Urua Ọtọn̄ọde June 9

Ikwọ 215

Min. 7: Mme ntọt n̄kann̄kụk. Nọ ekikere ban̄a mme n̄kpọ oro ẹkemede ndida nnyene nneme ke mme magazine eke ndondo emi.

Min. 20: “Kwọrọ Eti Mbụk ke Kpukpru Ebiet.” Mbụme ye ibọrọ. Kụre ikpehe ekikere 1-15 kpọt. Kot ikpehe ekikere 3 ye 5. Sịn mme ifiọkutom n̄kann̄kụk eke mbon oro ẹma ẹkekụt unen ke ndinọ ikọ ntiense ke efak m̀mê ke n̄kpọisan̄ ofụri owo.

Min. 18: Ndinọ Mbon En̄wen Ukpep—Usọp Usọp Udọn̄. Utịn̄ikọ emi ebiowo ọnọde. Dụn̄ọde ibatutom ofụri ererimbot eke 1996 ke page 33 ke 1997 Yearbook. N̄kaiso ukeme ndinọ mme owo ikọ ntiense ke ebiet ekededi ẹkemede ndikụt owo ke on̄wụm mfri. Usọp usọp udọn̄ idahaemi edi ndinam n̄kpọ mban̄a kpukpru n̄wed oro ẹnịmde nnyụn̄ n̄kpep mme owo akpanikọ. Ke ini isobode mmọ ke mme an̄wan̄wa ebiet, da mbufiọk bụp ban̄a enyịn̄ ye adres mmọ man otodo ekeme ndinam mfiakn̄ka. Oyom nnyịn inam n̄kpọ ikan sụk editọ n̄kpasịp Obio Ubọn̄; ana nnyịn n̄ko iduọk mmọn̄. (1 Cor. 3:6-8) Ke ini ẹtọde n̄kpasịp ke eti isọn̄, eti ukpep ekeme ndin̄wam owo oro ọfiọk se emi ọwọrọde. (Matt. 13:23) Nnyịn ikpenyene ndibuana ọyọhọ ọyọhọ ye ke usọ nte ikekeme ke utom edikpep emi. (Heb. 5:12a) Buan mme akpan n̄kpọ ẹtode esịne-esịt Utom Obio Ubọn̄ Nnyịn eke June 1996, ikpehe ekikere 25-26. Sọn̄ọ tịn̄ ete ẹdomo nditọn̄ọ mme ukpepn̄kpọ ke ediye uduot ekpri n̄wed Oyom m̀mê ke n̄wed Ifiọk.

Ikwọ 204 ye akam ediberi.

Urua Ọtọn̄ọde June 16

Ikwọ 171

Min. 10: Mme ntọt n̄kann̄kụk. Ntọt ibatokụk.

Min. 20: “Kwọrọ Eti Mbụk ke Kpukpru Ebiet.” Mbụme ye ibọrọ. Kụre ikpehe ekikere 16-33. Wụt nte ẹkemede ndida mme ekikere oro nsịn ke edinam ke n̄kann̄kụk. Nam ikpehe ekikere 22-24 wụt. Kot ikpehe ekikere 33.

Min. 15: Ndidiọn̄ọ m̀mê Ido Ukpono Fo Edi Akpanikọ m̀mê Nsu. Ebiowo ada usụn̄ ke nneme ye asuanetop iba m̀mê ita ẹdotde, ọkọn̄ọde ke Awake! eke December 22, 1989, page 18. Ẹsiwaha ẹkese mbon ẹmi ẹtiede nte ẹnyene esịt akpanikọ ndien ndien. Nte ededi, mmọ akananam inyịmeke ukpepn̄kpọ Bible. Neme nte ẹkemede ndida mme akpan n̄kpọ ibuotikọ Awake! emi nnam mmọ ẹfiọk ufọn edinam n̄kpọ ke n̄kemuyo ye nnennen ifiọk. Tịn̄ tụk mme akpan n̄kpọ ke n̄wed Ifiọk, ibuot 5: “Utuakibuot Anie ke Abasi Onyịme.” Kot ikpehe ekikere 20. Ẹkeme ndinam mme mfiakn̄ka ye mme utọ owo oro man ẹsịn udọn̄ ke mfọnido ye ke mbufiọk ẹnọ mmọ ndinyịme ukpepn̄kpọ nnyụn̄ ndụk mme mbonoesop.

Ikwọ 201 ye akam ediberi.

Urua Ọtọn̄ọde June 23

Ikwọ 193

Min. 10: Mme ntọt n̄kann̄kụk. Tịn̄ ndutịm an̄wautom ẹnamde ẹnọ utịturua emi.

Min. 15: Mmọ Ẹsitịn̄ Nso Ẹban̄a Nnyịn? Utịn̄ikọ emi ọkọn̄ọde ke Watch Tower Publications Index 1986-1995, page 341-343. Mek n̄wọrọnda “Statements by Others” (Ikọ Oro Mbon En̄wen Ẹtịn̄de) ẹban̄a Mme Ntiense Jehovah—ido nnyịn ye utom nnyịn. Wụt nte mbon en̄wen ẹtịmde ẹkop inemesịt ẹban̄a se mmọ ẹkụtde ke idem nnyịn. Nam an̄wan̄a ntak emi okponụkde nnyịn kpukpru ini ndidu uwem nte ọfọnde nnyụn̄ nsịn ifịk ke utom nnyịn. Wụt nte ẹkemede ndikama mme utọ nti ikọ ẹmi ke ini inyenede nneme ye mme ọdiọn̄ọ ye mbon ẹmi ẹnyenede udọn̄ ẹmi ẹyomde ndifiọk n̄kpọ efen efen mban̄a nnyịn.

Min. 20: “Mme Ete ye Eka—Ẹnọ Nditọ Mbufo Ukpep Ndikwọrọ Ikọ.” Mbụme ye ibọrọ. Sịn ndausụn̄ oro odude ke n̄wed Utom Nnyịn, page 99-100, ke idak ibuotikọ oro “Ndin̄wam N̄kpri Owo.”

Ikwọ 211 ye akam ediberi.

Urua Ọtọn̄ọde June 30

Ikwọ 197

Min. 10: Mme ntọt n̄kann̄kụk. Ti kpukpru owo ẹnọ ibatutom an̄wautom mmọ eke June.

Min. 20: “Mme Uyen—Nso Idi Mme Utịtmbuba eke Spirit Mbufo?” Ete iba ẹneme ibuotikọ emi ọtọkiet. Mmọ ẹneme nte ẹkpen̄wamde nditọ mmọ ẹfiọk ntak emi edide akpan n̄kpọ ndinịm mme utịtmbuba ukara Abasi, ẹmi ẹdidade mme edidiọn̄ eke spirit ẹdi, utu ke ndibịne mme udọn̄ n̄kpọ obụkidem.—Se n̄ko n̄wed Utom Nnyịn, page 116-118.

Min. 15: Nditịm Idem nnọ Mme N̄wed Ẹnọde ke July. Mek ediye uduot ekpri n̄wed kiet m̀mê iba oro ẹsinen̄erede ẹbọ ke efakutom n̄kann̄kụk, nyụn̄ dụn̄ọde ndusụk n̄wọrọnda n̄kpọ ẹban̄ade mmọ kiet kiet. Nọ ekikere ban̄a mme usụn̄ ẹmi ẹkemede ndida mmọemi ndisịn ke nneme. Ti kpukpru owo ndinịm n̄wetnnịm n̄kpọ kaban̄a mme n̄wed ẹmi ẹnịmde, nnyụn̄ mfiak n̄kanam udọn̄ ọkọri.

Ikwọ 109 ye akam ediberi.