Edifiak-nse Eke Ufọkn̄wed Utom Ukara Abasi

Edifiak-nse ẹkịbide-kịbi n̄wed, ẹkụrede se ẹkenọde ẹnam ke Ufọkn̄wed Utom Ukara Abasi ke mme urua September 1 esịm December 22, 1997. Kama san̄asan̄a ikọn̄n̄wed da wet ibọrọ ke adan̄a ediwak mbụme nte afo ekekeme ke ini oro ẹnọde.

[Tịm fiọk: Ke ini edifiak-nse emi, emekeme ndikama Bible kpọt mbọrọ mbụme ekededi. Mme n̄kpọ oro ẹwetde ẹdian ke etienede mme mbụme ẹdi kaban̄a ọkpọkpọ ndụn̄ọde fo. Ekeme ndidi mme nọmba page ye ikpehe ekikere ididụhe ke kpukpru se ẹdade ẹto Enyọn̄-Ukpeme.]

Bọrọ m̀mê mme utịn̄ikọ ẹtienede mi ẹdi Akpanikọ m̀mê Nsu:

1. Exodus 21:22, 23 an̄wam nnyịn ndifiọk ke Abasi ese eyen oro mîmanake kan̄a nte ọsọn̄urua uwem. [kl-EF p. 128 ikp. eki. 21]

2. Ke Luke 22:30, “esien Israel duopeba” ọwọrọ ukem n̄kpọ nte eke Matthew 19:28, ke ebiet emi enyenede n̄kpọ ndinam ye se ikande mme udiana oku Jesus oro ẹbonde ke spirit onyụn̄ abuanade ofụri ubonowo eken. [Edikot Bible eke urua ke urua; se w87-EF 3/1 p. 23 ikp. eki. 10; p. 24 ikp. eki. 12.]

3. Ntak emi mme mbet Jesus ẹkekopde n̄kpaidem ẹban̄a enye nditịn̄ ikọ ye n̄wan Samaria ekedi koro n̄wan emi okodude oburobụt uwem. (John 4:27) [Edikot Bible eke urua ke urua; se w95-EF 7/15 p. 15 ikp. eki. 1-2.]

4. Ikọ oro “toto ke editọn̄ọ” ke John 6:64 owụt ete ke Jesus ama ọfiọk ke ini ẹkemekde Judas nte apostle ke enye edidi enyeoro edidade Imọ inọ. [Edikot Bible eke urua ke urua; se gt-EF ibuot 55 ikp. eki. 9.]

5. Ndidara uwem ubon Christian edi sụk n̄kpọ aban̄ade edikpọn̄ oburobụt ido idan̄ nnyụn̄ nsịn ndọ ke n̄wed nte ekemde ye ibet. [uw-EF p. 139 ikp. eki. 1]

6. Edide ẹda ke ukara obio enen m̀mê ke inenke, mme ata Christian ẹkpenyene ndisịn ndọ mmọ ke n̄wed ye mmọ nte odotde. [kl-EF p. 122 ikp. eki. 11]

7. “Usọrọ mme Jew” oro ẹtịn̄de ẹban̄a ke John 5:1 aban̄a Passover eke 31 E.N. [Edikot Bible eke urua ke urua; se gt-EF ibuot 29.]

8. Edieke ekemmọ andituak ibuot eduede nnyịn, akpakwan̄a ndisio andidue oro mfep ofụri ofụri ke uwem nnyịn, itrede kpukpru ebuana ye enye. [uw-EF p. 134 ikp. eki. 7]

9. Kpukpru nnyịn imoyom item ye ntụnọ. [uw-EF p. 130 ikp. eki. 12]

10. Luke ekewet n̄wed Utom ke adan̄aemi enye okodude ke Ephesus. [w90-EF 5/15 p. 24 ikp. eki. 3, 4]

Bọrọ mme mbụme ẹtienede mi:

11. Didie ke ana ẹkama itieibuot Christian? [uw-EF p. 142 ikp. eki. 7]

12. Ke n̄kemuyo ye uwụtn̄kpọ mme Christian akpa isua ikie ke Ephesus, nso idi akpan usio-ukot kiet oro anade ẹnam ndibiọn̄ọ ndiọi spirit? (Utom 19:19) [kl-EF p. 114 ikp. eki. 14]

13. Ntak emi Jesus ekesịnde ndisịn idem ke eneni aban̄ade n̄kpọ akpa? (Luke 12:13, 14) [Edikot Bible eke urua ke urua; se w97-EF 4/1 p. 28.]

14. Nso ke mme mbet mîkọfiọkke ke ini mmọ ẹkebụpde Jesus m̀mê enye ọmọn̄ ọtọn̄ọ ntak ayak Obio Ubọn̄ ọnọ Israel, nte ẹwetde ke Utom 1:6? [Edikot Bible eke urua ke urua; se w90-EF 6/1 p. 11 ikp. eki. 4.]

15. Siak n̄kpọ iba ẹmi ẹkemede nditịp n̄kpọ nsịn ke ndọ oro ebịghide. [uw-EF p. 140 ikp. eki. 4]

16. Didie ke ndusụk angel ẹkenam idiọkn̄kpọ ke eyo Noah? [kl-EF p. 109 ikp. eki. 4]

17. Nte ekemde ye n̄wed Ediyarade, nso ididi utịt “mbia idiọn̄” edieke mmọ mîkabakede esịt inyụn̄ ikpụhọ mme usụn̄ mmọ? [kl-EF p. 111 ikp. eki. 8]

18. Didie ke Ibet Moses akanam “ndudue owụt idem”? (Gal. 3:19) [uw-EF p. 147 ikp. eki. 4]

19. Sia Jesus ekedide mfọnmma owo enye okonyụn̄ enyịmede utom esie nte Andikpep, ntak emi enye mîkenyịmeke ẹkot imọ “Eti Andikpep”? (Luke 18:18, 19) [Edikot Bible eke urua ke urua; se w95-EF 3/1 p. 15 ikp. eki. 7.]

20. Nso ikedi obufa ke ibet oro ẹwetde ke John 13:34? [Edikot Bible eke urua ke urua; se w90-EF 2/1 p. 21 ikp. eki. 5-6.]

Dọn̄ ikọ m̀mê ubak udịmikọ ẹyomde man ẹyọhọ mme utịn̄ikọ kiet kiet ẹtienede mi:

21. Edieke nnyịn ifiọkde ite ke eyenete nnyịn enyene ikọ ye nnyịn, oyom _________________________ oro asan̄ade ye _________________________ man inam usio-ukot inyụn̄ idomo ndifiak nnyene _________________________. [uw-EF p. 135 ikp. eki. 10]

22. “Okụk duop” oro ẹda ẹban̄a _________________________ oro mme mbet ẹmi ẹbonde ke spirit ẹkemede ndida nnam n̄kpọ ke ndision̄o _________________________ Obio Ubọn̄ heaven efen efen ndi. (Luke 19:13) [Edikot Bible eke urua ke urua; se w89-EF 10/1 p. 8.]

23. Nsunsu edori ikọ ita oro mme Jew ẹkedoride Jesus ke iso Pilate, andikara Judea emi ekedide owo Rome, ama esịne edibiat mbio _________________________ ibuot, edikpan ete _________________________, ye edidọhọ ke Imọ ke Idem Imọ ikedi _________________________. (Luke 23:2) [Edikot Bible eke urua ke urua; se w90-EF 12/1 p. 9 ikp. eki. 1.]

24. Ima oro inyenede inọ nditọete nnyịn ekeme ndikọri edieke nnyịn isịnde udiana ukeme ndifụk n̄kpri _________________________ ekededi oro ikụtde ke mmọ, ikụt nti _________________________ mmọ, ikụt mme usụn̄ emi _________________________ adade mmọ anam n̄kpọ. [uw-EF p. 137 ikp. eki. 15]

25. Nte nditọ ukpepn̄kpọ Bible, akpana nnyịn ikpep ndida mme index oro ẹdude nyom mme n̄kpọ, ikpenyeneke ndidori enyịn ndikụt _________________________ m̀mê _________________________ ke kpukpru mbụme, ndien ikpenyene ndinam _________________________ oro ẹwụtde ima oro imade _________________________ ye mbonubon nnyịn. [uw-EF p. 144 ikp. eki. 13]

Mek nnennen ibọrọ ke mme utịn̄ikọ kiet kiet oro ẹtienede mi:

26. Mme ata Christian isidiaha Christmas m̀mê usen nduọkodudu efen ekededi emi ọkọn̄ọde ke mme nsunsu edinịm ke akpanikọ eke ido ukpono sia mmọ ẹnọde Jehovah (san̄asan̄a utuakibuot; utuakibuot esịt kiet; ntotụn̄ọ utuakibuot) mmọ n̄ko isinịmke mme usen nduọkodudu ẹmi (ẹkponode; ẹsịnde udọn̄ ẹnọ; ẹmade) mme anamidiọk owo m̀mê mme idụt. [kl-EF p. 126 ikp. eki. 16]

27. Akpanikọ oro anamde mme owo ẹwọrọ ufụn edi akpanikọ oro aban̄ade (ifiọk ntaifiọk; nsunsu ido ukpono; Jesus Christ) koro ebede ke enye kpọt ke nnyịn ikeme ndibọhọ (mme nsunsu ukpepn̄kpọ; nsunsu ekikere ererimbot; akama-n̄kpa idiọkn̄kpọ). (John 8:12-36) [Edikot Bible eke urua ke urua; se w88-EF 5/1 p. 9 ikp. eki. 5.]

28. “Mme erọn̄ en̄wen” oro ẹtịn̄de ẹban̄a ke John 10:16 aban̄a (mme Christian ẹdide gentile; mme Christian ẹdide mme Jew; kpukpru mbon oro ẹnyenede idotenyịn uwem ke Paradise ke isọn̄). [Edikot Bible eke urua ke urua; se w95-EF 4/15 p. 31 ikp. eki. 4.]

29. Ke ini Jesus okobụpde apostle Peter ete, “Nte ama Mi akan mmọemi?,” Enye okobụp Peter m̀mê enye ama ama Imọ akan (nte enye akamade mme mbet eken; nte mme mbet eken ẹkemade Jesus; nte enye akamade mme n̄kpọ ẹmi, utọ nte iyak). (John 21:15) [Edikot Bible eke urua ke urua; se w88-EF 11/1 p. 31 ikp. eki. 9.]

30. Idem nte n̄kpa esie akasan̄ade ekpere, Jesus nte (Eti Ekpemerọn̄; Eti Andikpep; Ata Vine) ama ọnọ mme mbet esie ima ima item onyụn̄ ọbọn̄ akam ke ibuot mmọ. (John 10:1-11) [w90-EF 3/15 p. 25 ikp. eki. 2]

Wet mme itien̄wed Abasi ẹtienede mi ẹkekem ye mme utịn̄ikọ ẹwetde mi ke idak:

Ex. 31:12, 13; Luke 13:4, 5; N̄ke 3:9, 10; Rome 7:6, 7; 2 Tim. 3:12

31. Jesus ama afan̄a akama-nsobo ekikere edibem iso mbiere n̄kpọ nnịm, etịn̄de otụk n̄kpọ mmọn̄eyet oro mme andikpan̄ utọn̄ nnọ enye ẹketịmde ẹdiọn̄ọ oro nte an̄wan̄ade enye okonyụn̄ abuande ye ini ye unọmọ. [Edikot Bible eke urua ke urua; se w96-EF 9/1 p. 5 ikp. eki. 5.]

32. Owo ikedehede inam Ibet Moses ndibọp ofụri ubonowo. [uw-EF p. 147 ikp. eki. 5]

33. Nnyịn ndidu uwem uten̄e Abasi idịghe isọn̄ nte ke mbon en̄wen ẹyenam n̄kpọ ye nnyịn kpukpru ini nte ọfọnde. [kl-EF p. 118 ikp. eki. 2]

34. Ibet Duop ama esịne ke ini ẹkebiatde Ibet Moses ẹfep. [uw-EF p. 147 ikp. eki. 5]

35. Jehovah ọyọdiọn̄ nnyịn nte nnyịn idade ini, odudu, ye inyene nnyịn eken, esịnede okụk, in̄wam utuakibuot akpanikọ. [kl-EF p. 120 ikp. eki. 8]