Mme Esoputom Eke March
Urua Ọtọn̄ọde March 2
Ikwọ 3
Min. 8: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn.
Min. 15: “Ẹnam Emi Nditi Mi.” Utịn̄ikọ emi ebiowo ọnọde. Tịn̄ ibio ibio ban̄a n̄wed Utom Nnyịn, page 80-81, ọsọn̄ọde etịn̄ nte edidụk Editi edide akpan n̄kpọ.
Min. 22: “Nam Mbon En̄wen Ẹnyene Idotenyịn Nsinsi Uwem.” Otuowo eneme ibuotikọ. Nam an̄wan̄a ibio ibio nte ẹkemede ndida mbụme uforo uforo n̄ka iso ke nneme. Nọ ndusụk uwụtn̄kpọ mbụme ndausụn̄ ye mbụme ẹdade ẹfiọk ekikere owo ẹmi ẹkemede ndikama ke nneme. (Se Ñwed-item Ufök-ñwed, page 50-51, ikpehe ekikere 10-12.) Dọhọ asuanetop emi enyenede ukeme anam kiet ke otu akpa nneme oro ẹnọde ekikere ẹban̄a ye mfiakn̄ka esie owụt, owụtde nte ẹtọn̄ọde ukpepn̄kpọ Bible.
Ikwọ 88 ye akam ediberi.
Urua Ọtọn̄ọde March 9
Ikwọ 60
Min. 8: Mme ntọt n̄kann̄kụk. Nọ kpukpru mbon oro ẹnyenede udọn̄ ikot ndidụk akpan utịn̄ikọ an̄wa ke March 29. Ibuotikọ utịn̄ikọ oro edi “Ntak Afo Ekemede Ndiberi Edem ke Bible.”
Min. 15: Mme Akpan N̄kpọ Ẹtode Obufa Ediye Uduot Ekpri N̄wed, N̄wed Ofụri Owo. Nneme otuowo kaban̄a mme ntak odotde nnyịn ikere iban̄a Bible. Ẹketịm ediye uduot ekpri n̄wed emi ndin̄wam mme owo ẹmi ẹkemede nditịm mfiọk n̄wed edi ẹmi ẹdiọn̄ọde esisịt ẹban̄a Bible. Utu ke ndidomo ndinam mmọ ẹnịm ke akpanikọ nte ke ẹkeda odudu spirit Abasi ẹwet Bible, ediye uduot ekpri n̄wed emi ayak mme akpanikọ ẹtịn̄ ikọ idem mmọ. Nnyịn ikpenyene ndikot enye inyụn̄ ibuana enye ye mbon en̄wen, esịnede mbon oro nnyịn ikpepde n̄kpọ.
Min. 22: “Nte Nnyịn Iyafiak Inam?” (Ikpehe ekikere 1-11) Mbụme ye ibọrọ. Bụk mme akpan n̄kpọ eke ubịnikọt usiakusụn̄ unọ un̄wam isua oko, nte ẹtọtde ke 1998 Yearbook. Siak ibat mbon ẹmi ẹkenamde usiakusụn̄ unọ un̄wam ke n̄kann̄kụk ke ini oro. Neme mme ata ọkpọkpọ ufọn emi ibọde ito usiakusụn̄, nyụn̄ wụt nte udiana ukeme emi etịpde esịn ke n̄kọri esop. Tịn̄ ban̄a mme ndutịm an̄wautom ẹmi ẹdiomide ke n̄kann̄kụk ke April ye May ndin̄wam ediwak owo ẹsiak usụn̄. Mme asuanetop ẹkeme ndibọ n̄wed eben̄e ke mbono esop asuanade.
Ikwọ 195 ye akam ediberi.
Urua Ọtọn̄ọde March 16
Ikwọ 43
Min. 8: Mme ntọt n̄kann̄kụk. Ntọt ibatokụk.
Min. 15: Mme udọn̄ n̄kann̄kụk.
Min. 22: “Nte Nnyịn Iyafiak Inam?” (Ikpehe ekikere 12-19) Mbụme ye ibọrọ. Dụn̄ọde mme n̄kpọ oro ẹnamde owo odot ẹmi ẹwụtde ke n̄wed Utom Nnyịn, page 113-114. Nam an̄wan̄a nte usiakusụn̄ unọ un̄wam etịmde owo idem ọnọ utom usiakusụn̄ ofụri ini. Dọhọ ndusụk mbon oro ẹkenamde usiakusụn̄ unọ un̄wam isua oko ẹtịn̄ nte mmọ ẹkenamde ndutịm man ẹsịm hour 60 oro ẹyomde. Ewe uwụtn̄kpọ ndutịm ke akpatre page esịne-esịt ekenen̄ede ọfọn ye mmọ? Nte ini ayakde, bụk mme ifiọkutom ke 1987 Yearbook, page 48-49, 245-246. Sịn udọn̄ nọ mme asuanetop ndibọ n̄wed eben̄e ke mbono esop asuanade.
Ikwọ 224 ye akam ediberi.
Urua Ọtọn̄ọde March 23
Ikwọ 94
Min. 10: Mme ntọt n̄kann̄kụk. Sịn udọn̄ nọ kpukpru owo ẹtọn̄ọ ndikot mbon oro ẹnyenede udọn̄ ẹdi Editi, ke April 11. Wụt n̄wedikot kiet, nyụn̄ sịn udọn̄ nọ kpukpru owo ẹbọ ẹnyụn̄ ẹtọn̄ọ ndideme urua emi. Tọt enyịn̄ kpukpru mbon ẹmi ẹnamde usiakusụn̄ unọ un̄wam ke April. Nam an̄wan̄a nte ke ini ibehe ikaha ndinọ n̄wed eben̄e. Wụt ofụri ndutịm mbono an̄wautom emi ẹdiomide ẹnọ April.
Min. 20: Tịm Mbufa Owo Idem nọ Utom An̄wautom. Utịn̄ikọ ye nneme otuowo. Mbon oro ẹnịmde ukpepn̄kpọ ke n̄wed Ifiọk ẹkpenyene ndikere mban̄a nditịm nditọ ukpepn̄kpọ mmọ idem ndibuana ke utom an̄wautom. Wụt se ẹwetde ke n̄wed Ifiọk, page 105-106, ikpehe ekikere 14, ye page 179, ikpehe ekikere 20. Dụn̄ọde ndutịm ke Enyọn̄-Ukpeme, November 15, 1988, page 16-17, ikpehe ekikere 7-10, kaban̄a mbufa owo ndikabade ndi se ẹdiọn̄ọde nte mme asuanetop oro mînaha baptism. Neme ban̄a mme ekikere ẹmi ẹdude ke esịne-esịt Utom Obio Ubọn̄ Nnyịn eke June 1996, ikpehe ekikere 19, kaban̄a ndin̄wam mbufa mme asuanetop oro mînaha baptism ẹtọn̄ọ utom.
Min. 15: Ekebe Mbụme. Mbụme ye ibọrọ. Ebiowo odụn̄ọde se idude ke n̄wed Utom Nnyịn, page 131, ikpehe ekikere 1 ye 2.
Ikwọ 47 ye akam ediberi.
Urua Ọtọn̄ọde March 30
Ikwọ 29
Min. 12: Mme ntọt n̄kann̄kụk. Ti kpukpru owo ẹnọ ibatutom an̄wautom mmọ eke March. Wụt mme nsiondi magazine eke ndondo emi, nọ ekikere ban̄a mme ibuotikọ ẹmi afo ekemede ndiwụt ke ini ẹnọde mmọ, nyụn̄ tịn̄ ndusụk akpan n̄kpọ ndida nnyene nneme. Dụn̄ọde “Se Ẹtide Owo Ẹban̄a Editi,” nyụn̄ neme mme ndutịm Editi n̄kann̄kụk. Kpukpru owo ẹkpenyene ndinam mme akpatre ndutịm ndin̄wam nditọ ukpepn̄kpọ Bible ye mbon efen oro ẹnyenede udọn̄ ndidụk. Ti kpukpru owo ẹkụt ẹte ke ẹtiene edikot Bible eke Editi ẹtịmde ẹnọ April 6-11, nte ẹwụtde ke Ẹdụn̄ọde N̄wed Abasi ke Usen ke Usen.
Min. 13: “Nditọ—Mbufo Ẹdi Idatesịt Nnyịn!” Mbụme ye ibọrọ. Bụk mme ifiọkutom ẹtode Enyọn̄-Ukpeme (Ikọmbakara) eke August 1, 1987, page 25.
Min. 20: Ndusụk Usụn̄ Ndibiọn̄ọ Mmemidem eke Spirit. Mbiowo iba ẹneme ekebe oro odude ke Enyọn̄-Ukpeme, May 15, 1986, page 19. Kaban̄a kiet kiet ke otu “Mme Idiọn̄ọ Mmemidem,” da N̄wed Abasi nam an̄wan̄a nte owo ekemede ndibọ ufọn nto “Mme Un̄wam Ndiyọ” oro ẹsan̄ade ẹkekem. Ekem nam ndụn̄ọde ye asuanetop iba ẹmi ẹtịn̄de n̄kpọ ẹban̄a nte edida mme utọ akpan n̄kpọ oro nsịn ke edinam akan̄wamde mmọ ndimụm odudu eke spirit mmọ n̄kama.
Ikwọ 140 ye akam ediberi.