Ifiopesịt Oro Edemerede Ediwak Owo

Apostle Paul ama otoro mbon Corinth koro ifiopesịt oro mmọ ẹkenyenede ẹban̄a nti utom ama “edemede ediwak” ekemmọ Christian. (2 Cor. 9:2) Ediwak ini, owo, ubon, otu ukpepn̄kpọ n̄wed, m̀mê ofụri esop ekeme ndinyene ukem utịp emi ebe ke ndibuana ke utom ukwọrọikọ ye ifiopesịt. Emi edi ndusụk usụn̄ oro afo ekemede ndiwụt ifiopesịt ke utom ukwọrọikọ.

◼ Sio mme Saturday nịm nọ utom Usen Magazine.

◼ Buana ke ndusụk utom an̄wautom ke mme Sunday.

◼ Buana ke mme akpan usen unọ ikọ ntiense ekededi oro ẹdiomide.

◼ Da usen nduọkodudu kiet oro mûkaha utom m̀mê ufọkn̄wed nam utom an̄wautom.

◼ Nọ utom ukwọrọikọ ibetedem ke ini edidi esenyịn circuit.

◼ Nam usiakusụn̄ unọ un̄wam ke ọfiọn̄ kiet m̀mê akande oro ke isua.

◼ Nam ukpụhọde ke mme idaha fo man odụk utom usiakusụn̄ ofụri ini edieke ekemede.

Se 2000 Yearbook of Jehovah’s Witnesses, page 17-19.