Ndutịm Esoputom
Urua Ọtọn̄ọde July 10
Ikwọ 7
Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Tịn̄ ban̄a ibatutom an̄wautom March eke idụt ye eke esop n̄kann̄kụk. Dụri ntịn̄enyịn wụt ekebe oro “Se Page Edem,” nyụn̄ nam kiet ke otu ekikere oro ẹnọde, oro edinyenede uforo ke efakutom n̄kann̄kụk, wụt.
Min. 15: “Nnyịn Ikemeke Nditre Nditịn̄.” Da se isụhọrede ikan minit kiet tịn̄ ntọn̄ọikọ, ekem neme ke mbụme ye ibọrọ. Sọn̄ọ tịn̄ ntak emi nnyịn idade utom ukwọrọikọ nnyịn ke ata akpan n̄kpọ. Sịn mme akpan n̄kpọ ẹtode Enyọn̄-Ukpeme eke January 15, 1997, page 23-24.
Min. 18: “Ẹnam Kpukpru N̄kpọ Ẹyom N̄kọri.” Mbiowo iba ẹneme ibuotikọ. Kot ikpehe ekikere kiet kiet ye mme itien̄wed Abasi oro ẹsiakde ẹsịn. Sio mme edumbet oro ẹbuanade wụt. Sọn̄ọ tịn̄ nte oyomde mbufiọk ke ini ẹnamde m̀mê ẹsịnde okụk ke mbubehe. Dụn̄ọde item odude ke Enyọn̄-Ukpeme eke March 15, 1997, page 18-19, 22.
Ikwọ 15 ye akam ediberi.
Urua Ọtọn̄ọde July 17
Ikwọ 23
Min. 12: Mme ntọt n̄kann̄kụk. Ntọt ibatokụk. Nam an̄wan̄a ibio ibio nte ẹkemede ndida ediye uduot ekpri n̄wed Enyịn̄ Abasi n̄n̄wam owo oro enyenede udọn̄ ọfiọk ufọn edidiọn̄ọ nnyụn̄ nda ọkpọkpọ enyịn̄ Abasi.—Se n̄wed Reasoning, page 196-197.
Min. 13: “Ẹbuana N̄kpọ ye Mbon En̄wen nte Ekemde ye Unana Mmọ.” Utịn̄ikọ emi ebiowo ọnọde.
Min. 20: Anie ke Afo Ekpekpebe? Ete enịm ukpepn̄kpọ ubon esịnede uyen kiet m̀mê iba. Enye omokụt ke ndondo emi ete ke mmọ ẹsiwak ndineme mban̄a mme ọwọrọiso owo ke mbre mbuba, nta mbre senima, mbon edinam TV, ye mme ebre ikwọ. Enye owụt edikere mban̄a koro utọ udọn̄ emi edi uyarade edu ererimbot. Mmọ ẹneme Awake! eke May 22, 1998, page 12-14. Mme uyen oro ẹkụt ke n̄kpọndịk odu ke ndituak ibuot nnọ mme ọwọrọiso owo ke ererimbot ẹnyụn̄ ẹnyịme ke uwọrọiso ererimbot inyeneke ufọn ndomokiet inọ mme Christian. Mmọ ẹneme mme ufọn ẹdude ke ndise mme ete ye eka, mbiowo, ye mbon en̄wen oro ẹnịmde eti uwụtn̄kpọ ke esop—akpan akpan Jesus Christ—nte mme owo emi mmọ ẹkpekpebede.
Ikwọ 34 ye akam ediberi.
Urua Ọtọn̄ọde July 24
Ikwọ 45
Min. 5: Mme ntọt n̄kann̄kụk.
Min. 15: Ndiwụt Nte ke Idi Mme Asan̄autom Abasi. Asan̄autom unamutom iba ẹneme item N̄wed Abasi oro ẹnọde ke Enyọn̄-Ukpeme eke December 15, 1998, page 19-20. Mmọ ẹkụt nte oyomde ẹnam n̄kpọ ke eti usụn̄ nte mme asan̄autom unamutom ẹnyụn̄ ẹdụn̄ọde se mmọ ke idemmọ ẹkpenamde man ẹwụt nte ke mmimọ ke inam utom mmimọ. Mmọ ẹkụt ufọn edidi eti uwụtn̄kpọ ke an̄wautom ẹnyụn̄ ẹneme mme usụn̄ oro mmọ ẹkemede ndidi n̄kpọ un̄wam nnọ mbiowo ke ndinọ mbon en̄wen ọkpọkpọ un̄wam. Mmọ ẹnyịme ẹte ke mmimọ iyom ndinam kpukpru se ikemede ndin̄wam esop ẹfiọk nte ini edide usọp usọp ẹnyụn̄ ẹkọri ẹnyụn̄ ẹnyene uforo ke n̄kan̄ eke spirit.
Min. 10: Ndiwet Leta nnọ Mme Owo Oro Nnyịn Mîkemeke Ndisobo. Utịn̄ikọ ye nneme otuowo. Nte ọdiọn̄de-diọn̄ edi ọkpọsọn̄ n̄kpọ ndikụt mme owo ke ufọk, ndusụk asuanetop ẹnyene nti utịp ebe ke ndiwet leta. Kere ban̄a mme ndausụn̄ emi. Mme leta ẹkpenyene ndidi mbio mbio, ẹkọn̄ọ ke N̄wed Abasi, ẹnyụn̄ ẹwụt ukpono. Kûnọ leta oro owo mîsịnke enyịn̄. Wet mîdịghe taip ediye ediye ye nte ẹkemede ndikot. Nọ ebiet ubọ n̄wed Ufọkmbono Obio Ubọn̄ ye mme ini mbono esop ọkọrọ ye ikot ndidụk. Kûda itie ubọ n̄wed N̄ka. Dụn̄ọde mme ekikere ẹnọde ke Ñwed-item Ufök-ñwed, page 87-88, ye Ekebe Mbụme ke Utom Obio Ubọn̄ Nnyịn eke November 1996.
Min. 15: Da Mme Ntọn̄ọikọ Oro Ẹnyenede Uforo. Mek ntọn̄ọikọ iba m̀mê ita to ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible, nyụn̄ neme nte ẹkemede ndikama mmọ uforo uforo ke efakutom n̄kann̄kụk. Bụp otuowo ete: “Ewe ntọn̄ọikọ ke afo esida ke ini osobode ye owo ke efak, ke ido nneme, m̀mê ke mme ini eken?” Nam ntọn̄ọikọ kiet m̀mê iba wụt nte ini ayakde.
Ikwọ 54 ye akam ediberi.
Urua Ọtọn̄ọde July 31
Ikwọ 66
Min. 15: Mme ntọt n̄kann̄kụk. Ti kpukpru owo ndiyak ibatutom an̄wautom eke July nnọ. Dọhọ otuowo ẹtịn̄ mme ọkpọkpọ ifiọkutom oro ẹkenyenede ke ọfiọn̄ emi ke ini ẹkesuande ndiye uduot n̄kpri n̄wed.
Min. 12: Mme udọn̄ n̄kann̄kụk.
Min. 18: “Nte Afo Omowụt Esịtekọm Aban̄a Ime Jehovah?” Mbụme ye ibọrọ. Tịn̄ mme akpan n̄kpọ ẹban̄ade anyanime Jehovah.—Se Insight, Eboho 2, page 263-264.
Ikwọ 75 ye akam ediberi.
Urua Ọtọn̄ọde August 7
Ikwọ 88
Min. 8: Mme ntọt n̄kann̄kụk.
Min. 17: “Nte Afo Edi Owo Emi Esikopde Bụt?” Mbụme ye ibọrọ. Bụk ọnọ-nsịnudọn̄ ifiọkutom odude ke 1997 Yearbook, page 43-44.
Min. 20: Nyene Eti Ibuot ke Ini Iso Fo. Utịn̄ikọ emi ebiowo ọnọde. N̄kparawa owo ẹnyene udọn̄ ndidara inem inem ini iso ye mbon oro mmọ ẹmade. Ke adan̄aemi oro edide ndammana n̄kpọ, ana mmọ ẹda item Abasi ẹnam n̄kpọ edieke anade mmọ ẹkụt unen. (N̄ke 19:20) Udọn̄ ndidu ye owo isio uduot esisọn̄ ubọk ke ini uyen. Edieke owo mîkarake mme ntụk, utịp ekeme ndikama afanikọn̄. Ediwak mbụme ẹdemede ẹban̄a ọniọn̄ emi odude ke mme uyen ndinyene ebuana ke n̄kan̄ eke ntụk ye owo isio uduot, ẹkọride itie ebuana asan̄ade ye ima ntụk oro adade ekesịm uwọrọ an̄wa. Dụn̄ọde item ẹnọde ke n̄wed Young People Ask, page 231-235. Wụt mme akpan n̄kpọ ke Enyọn̄-Ukpeme eke November 15, 1999, page 18-23, oro owụtde nte edide akpan n̄kpọ mme uyen ndinam ofụri utom mmọ nnọ Abasi. Sịn udọn̄ nọ mme uyen ndikere mban̄a item emi nnyụn̄ nneme enye ye mme ete ye eka mmọ edieke mmọ ẹnyenede mbụme.
Ikwọ 101 ye akam ediberi.