Ndutịm Esoputom

Urua Ọtọn̄ọde December 9

Ikwọ 193

Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ke adade mme ekikere ke page 8, nam wụt nte ẹkpenọde Enyọn̄-Ukpeme December 15 ye Awake! December 22.

Min. 15: “Ẹtan̄a Etop Obio Ubọn̄.”a Ke ini enemede ikpehe ekikere 3, nọ ekikere ke nte ẹkpekotde n̄kpọ nnennen ke Bible ke ini ẹbuanade eti mbụk ye mme owo.—km-EF 12/01 p. 1 ikp. eki. 3.

Min. 18: N̄wụm Mfri ke Kpukpru Nti Utom. Utịn̄ikọ ye ebuana otuowo. Ebiowo edise aban̄a. Nam ndụn̄ọde ban̄a ntọn̄ọ ye n̄kọri esop n̄kann̄kụk, ọkọrọ ye mme ukeme ẹkesịnde man esop oro edidu. Babak nam ndutịm ye mbon oro ẹkedude ini ẹketọn̄ọde esop mbufo ndinọ mme ifiọkutom oro ẹkamade nsịnudọn̄. Tịn̄ ban̄a idotenyịn n̄kọri efen efen, nyụn̄ sịn udọn̄ nọ kpukpru owo ndinọ ndutịm esop ibetedem ifịk ifịk.

Ikwọ 119 ye akam ediberi.

Urua Ọtọn̄ọde December 16

Ikwọ 29

Min. 10: Mme ntọt n̄kann̄kụk. Ntọt ibatokụk. Tịn̄ san̄asan̄a ndutịm an̄wautom oro ẹnamde ẹnọ December 25 ye January 1.

Min. 15: Mmọ eke Ẹnyenede Eti Ibuot Ẹyedi Asian. (Dan. 12:3, 10) Nnamn̄wụt. Owo oro enyenede udọn̄ obụp ete: “Didie ke n̄keme nditịm mfiọk ke mbufo ẹmenen̄ede ẹfiọk se Bible ekpepde?” Asuanetop owụt nte ẹkemede ndida mme ibuot nneme nnam ndụn̄ọde ke Bible. (w96-EF 5/15 p. 19-20) Ke adade uwụtn̄kpọ kiet m̀mê iba oto n̄wed Reasoning, page 112-117, enye owụt nte nnyịn idide ididiọn̄ọ se idide uduak Abasi kaban̄a isọn̄ ebe ke nditịm ndụn̄ọde mme ikọ N̄wed Abasi. Asuanetop owụt nte ẹkemede ndida ukem usụn̄ emi mfiọk mme ukpepn̄kpọ Bible eken nnennen nnennen onyụn̄ enyịme nditọn̄ọ ukpepn̄kpọ Bible ye owo oro.

Min. 15: “Ẹti Mbonusọn̄ Emi Ẹnamde Akpanikọ.”b Sịn se idude ke Enyọn̄-Ukpeme eke August 1, 1994, page 29. Tịn̄ ban̄a ndutịm oro ẹnamde ẹnọ mbon n̄kpọnnam nditọt ibatutom an̄wautom mmọ ke iduọk minit 15, 30, ye 45. Nam owo ifan̄ ẹbụk ifiọkutom oro ẹwụtde nte itie ebuana mmọ ye mbonusọn̄ emi adade edidiọn̄ ọsọk mmọ mbiba.

Ikwọ 154 ye akam ediberi.

Urua Ọtọn̄ọde December 23

Ikwọ 136

Min. 10: Mme ntọt n̄kann̄kụk. Ke adade mme ekikere ke page 8, nam wụt nte ẹkpenọde Enyọn̄-Ukpeme January 1 ye Awake! January 8. Sịn udọn̄ nọ kpukpru owo ndise vidio oro No Blood—Medicine Meets the Challenge ke nditịm idem nnọ nneme ke Esoputom eke urua January 6.

Min. 18: “Wụt Edinam Akpanikọ Christian ke Ini Ẹsiode Iman Ẹfep.”c (Ikpehe ekikere 1-8) Ebiowo oro etịmde odot edise aban̄a emi, adade mme mbụme oro ẹnọde. Nam eyenete oro esikotde n̄wed etịm ọfọn okot kpukpru ikpehe ekikere.

Min. 17: “Ndi Afo Emetịp Esịn ke Ndinam Ẹnyene Nnennen Ibatutom?”d Ke ini enemede ikpehe ekikere 2, sịn se idude ke n̄wed Utom Nnyịn, page 106-109.

Ikwọ 165 ye akam ediberi.

Urua Ọtọn̄ọde December 30

Ikwọ 152

Min. 10: Mme ntọt n̄kann̄kụk. Ti mme asuanetop ndinọ ibatutom an̄wautom eke December. Edieke esop mbufo edikpụhọde ini mbono esop ke obufa isua, mbọk sịn udọn̄ nọ kpukpru owo ndidụk mbono esop kpukpru ini ke obufa ini oro ẹdinịmde. Tịn̄ mme n̄wed ẹdinọde ke January, nyụn̄ nam ẹfiọk mme n̄wed emi esop enyenede ke itie ubonn̄wed.

Min. 15: “Obufa Ndutịm Mbono Circuit.” Utịn̄ikọ. Tọt usen mbono circuit efen. Sịn udọn̄ nọ kpukpru owo ndidụk mbono emi nnyụn̄ ntịm nnọ n̄kpan̄utọn̄. Sịn udọn̄ nọ mme asuanetop oro mînaha baptism ndikere mban̄a ndinam n̄kpọ mbịne ndidot ndina baptism. Sịn san̄asan̄a ukeme ndikot nditọ ukpepn̄kpọ Bible.

Min. 20: “Wụt Edinam Akpanikọ Christian ke Ini Ẹsiode Iman Ẹfep.”e (Ikpehe ekikere 9-14) Ebiowo oro etịmde odot edise aban̄a emi, adade mme mbụme oro ẹnọde. Nam eyenete oro esikotde n̄wed etịm ọfọn okot kpukpru ikpehe ekikere.

Ikwọ 125 ye akam ediberi.

Urua Ọtọn̄ọde January 6

Ikwọ 67

Min. 8: Mme ntọt n̄kann̄kụk.

Min. 20: Un̄wam ke Ndisụk Ibuot Nnọ Ibet Abasi Aban̄ade Iyịp. Utịn̄ikọ emi ebiowo oro odotde ọnọde, ọkọn̄ọde ke n̄wed utịn̄ikọ oro ọfis n̄kọk itieutom ọnọde. Ewetn̄wed ekpenyene ndinyene kad Advance Medical Directive/Release ye Identity Card oro ekemde ndideme. Ẹyenọ mme asuanetop oro ẹma ẹkena baptism kad emi ke mbono esop asuanade mbubịteyo emi, edi owo IKPENYENEKE ndiwet n̄kpọ nyọhọ enye mbubịteyo emi. Ẹdisịn ubọk, ẹtie ntiense, ẹnyụn̄ ẹsịn usenọfiọn̄ ke kad ke Ukpepn̄kpọ N̄wed Esop en̄wen asuanade, ye un̄wam esenyịn ukpepn̄kpọ n̄wed ke ebiet ẹyomde. [Ẹkpenyene ndinọ mme ete ye eka Identity Card man ẹnọ nditọ mmọ.] Mbon emi ẹsịnde ubọk nte mme ntiense ẹkpenyene ndinen̄ede n̄kụt nte andinyene esịnde ubọk ke kad esie. Mme asuanetop oro mînaha baptism ẹkeme ndida mme ikọ oro ẹdude ke kad emi n̄wet ndausụn̄ eke idemmọ ye eke nditọ mmọ nte ekemde ye mme idaha mmọ ye se mmọ ẹnịmde ke akpanikọ.

Min. 17: “Afo Enyene Ndise Vidio No Blood—Medicine Meets the Challenge.” Ebiowo oro odotde edise aban̄a. Tọn̄ọ nneme vidio No Blood nnennen nnennen ye otuowo, bụp mme mbụme ẹdude ke ekebe ke page 7. Ke oro ebede, kot akpatre ikpehe ekikere ke ekebe oro. Mîdịghe, neme “Afo Emekeme Ndinyene Ata Mbuọtidem.” Utịn̄ikọ emi ebiowo ọnọde, ọkọn̄ọde ke Enyọn̄-Ukpeme eke October 1, 2001, page 4-7.

Ikwọ 79 ye akam ediberi.

[Mme ikọ idakisọn̄]