Ndutịm Esoputom

Urua Ọtọn̄ọde May 12

Ikwọ 1

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti kpukpru owo ndinọ ibatutom an̄wautom ufọt ọfiọn̄ May. Ke adade mme ekikere ẹnọde ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme May 15 ye Awake! May 22. Ke idaha kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet. Sian enyeneufọk ban̄a ndutịm unọ etịbe.

Min. 20: Mme Ete ye Eka—Ẹn̄wam Nditọ Mbufo Ẹnam N̄kọri. Utịn̄ikọ oro ẹnemede mme akpan n̄kpọ ẹtode n̄wed Ufọkn̄wed Utom, page 9-12 ye 21-38. Sịn udọn̄ nọ mme ete ye eka ndisịn ndusụk akpan n̄kpọ emi ke ukpepn̄kpọ ubon mmọ, ye uduak edinọ nditọ mmọ ukpep ẹnam n̄kọri ke utom ukwọrọikọ. Dụri ntịn̄enyịn wụt mme akpan n̄kpọ oro ẹkemede ndida n̄n̄wam n̄kpri owo ndifori mme usọ oro ẹyomde.

Min. 15: “Ẹyak Gospel Ẹsịn Nnyịn ke Ubọk.”a Babak diomi man asuanetop kiet m̀mê iba ẹnam an̄wan̄a nte mmọ ẹkekemede ndinam mme ukpụhọde ke mme idaha mmọ man ẹkeme ndinyene n̄kponn̄kan udeme ke utom ukwọrọikọ.

Ikwọ 46 ye akam ediberi.

Urua Ọtọn̄ọde May 19

Ikwọ 62

Min. 10: Mme ntọt n̄kann̄kụk. Ntọt ibatokụk.

Min. 15: “Toro Jehovah ke Ndinọ Ikọ Ntiense Ido Nneme.” Utịn̄ikọ ye nneme otuowo. Ke ini enemede ikpehe ekikere 3, bụp otuowo se ẹkemede nditịn̄ man ẹtọn̄ọ nneme Bible ke ndusụk idaha oro ẹtienede mi: (1) ke adan̄aemi oyomde ndidep n̄kpọ, (2) ke ini anamde isan̄ ke n̄kpọisan̄ ofụri owo, (3) ye mbọhọidụn̄ oro anamde utom ke okụre esie, (4) ye nsan̄autom ke itieutom mbufo, (5) ye nsan̄a ubet ukpepn̄kpọ ke ufọkn̄wed. Babak diomi ifiọkutom n̄kann̄kụk oro owụtde nte asuanetop okụtde unen ke ndinọ ikọ ntiense ido nneme.

Min. 20: “Mbono District ‘Ẹnọ Abasi Ubọn̄’ eke Mme Ntiense Jehovah eke 2003.”b Ewetn̄wed esop edise aban̄a, enemede ikpehe ekikere 3-13. Ke ini enemede ikpehe ekikere 13, sọn̄ọ tịn̄ ban̄a utom ewetn̄wed nte anam ndutịm mbono nnọ esop. Nen̄ede toro kpukpru owo ke ndinam ndutịm mbono usọp usọp nte ẹkekeme.

Ikwọ 147 ye akam ediberi.

Urua Ọtọn̄ọde May 26

Ikwọ 174

Min. 10: Mme ntọt n̄kann̄kụk. Ti kpukpru owo ndinọ ibatutom an̄wautom utịtọfiọn̄ May. Ke adade mme ekikere oro ẹnọde ke page 8, dọhọ ẹnam nnamn̄wụt iba ke nte ẹkpenọde Enyọn̄-Ukpeme June 1 ye Awake! June 8. Ke idaha kiet kiet, ẹkpenyene ndidian magazine mbiba nnọ, okposụkedi ẹditịn̄de n̄kpọ ẹban̄a kiet. Ke utịt nnamn̄wụt kiet ke otu iba oro, nọ enyeneufọk oro mînyịmeke ndibọ magazine tract oro Nte Afo Akpama Ndifiọk N̄kpọ Efen Efen Mban̄a Bible?

Min. 15: Mme udọn̄ n̄kann̄kụk.

Min. 20: “Ikọ Abasi Edi Akpanikọ.”c Da mme mbụme oro ẹnọde. Dọhọ otuowo ẹtịn̄ nte mme asuanetop ndikada Bible mbọrọ mme mbụme mmọ akan̄wamde mmọ ndikpep akpanikọ. Ke ini enemede ikpehe ekikere 4, dọhọ asuanetop oro ekemede anam owụt nte ẹkpedade Bible ẹnam n̄kpọ ke akpa ediwaha, adade ndusụk ekikere emi ẹnọde ke ibuotikọ oro “Tịm Siak Ikọ Abasi.”—km-EF 12/01 p. 1 ikp. eki. 3-4.

Ikwọ 188 ye akam ediberi.

Urua Ọtọn̄ọde June 2

Ikwọ 210

Min. 10: Mme ntọt n̄kann̄kụk. Dụn̄ọde ekikere kiet m̀mê iba ke esịne-esịt Utom Obio Ubọn̄ Nnyịn eke January 2002 ke nte ẹkpenọde ediye uduot ekpri n̄wed Oyom ye n̄wed Ifiọk.

Min. 20: Ndọ oro Ẹkponode—Se Abasi Oyomde. Utịn̄ikọ ye nneme otuowo. Ke ediwak idụt, edi ọsọ n̄kpọ eren ye n̄wan ndidụn̄ ọtọkiet ye unana edidọ ndọ nte ekemde ye ibet. Ndusụk owo ẹdọhọ ke emi enyene ufọn. Wụt ekikere Bible, ọsọn̄ọde etịn̄ nte ke Abasi ọkọtọn̄ọ ndọ. (rs-E p. 248-249) Ndidụn̄ ọtọkiet ye unana edidọ ndọ edi use. (fy-EF p. 17) Ke edide isio ye se ediwak owo ẹnịmde ke akpanikọ, ndụn̄ọde ẹwụt nte ke ndidụn̄ ọtọkiet mbemiso ndọ esinam ndọ okûkụt unen. (g02-E 3/8 p. 29; g92-E 9/8 p. 28; g91-E 5/8 p. 28) Mme Christian ẹkpono Jehovah ebe ke ndidu uwem ekekem ye mme idaha esie. Ke ndinam ntre, mmọ ke idemmọ ẹbọ ufọn.—Isa. 48:17, 18.

Min. 15: Didie ke Afo Ọbọ Ufọn? Nneme otuowo emi esenyịn ufọkn̄wed esede aban̄a. Ke January, nnyịn ima itọn̄ọ obufa ndutịm Ufọkn̄wed Utom Ukara Abasi. Dụn̄ọde ndusụk mbufa n̄kpọ ke ufọkn̄wed emi mbio mbio. Sio mme ufọn oro ibọde kan̄a ke emi wụt. Nte mme owo efen efen ẹsịn enyịn̄ ke ufọkn̄wed emi? Nte ediwak owo ẹnyịme nditiene mbuana? Didie ke nditọ ufọkn̄wed ẹbọ ufọn ẹto mbufa ndutịm unọ item. Dọhọ otuowo ẹbụk mme ufọn oro mmọ ẹbọde kan̄a ke emi ye nte mmọ ẹkerede ke obufa ndutịm emi ayan̄wam mmimọ ke ini iso.

Ikwọ 225 ye akam ediberi.

[Mme ikọ idakisọn̄]