Usụn̄ Ndin̄wam Mmọ

Ata mme Christian ẹsibuana ke an̄wan̄wa utom ukwọrọikọ eke edisuan eti mbụk. (Phil. 2:17) Man mmọ ẹnam emi, ẹsịn mme akpan ndiye uduot n̄kpri n̄wed, mme tract, ye mme ibuotikọ ke usem 20 ke Intanet ke www.watchtower.org. Owo itịmke ikpehe Ndutịm Intanet emi ndisuan mbufa n̄wed nnọ Mme Ntiense Jehovah. Uduak Ndutịm Intanet emi edi ndinam mbonan̄wa ẹnyene nnennen ifiọk ẹban̄a se Mme Ntiense Jehovah ẹkpepde ẹto Bible.

Ke ndondo emi, ẹsịn ediwak n̄wed efen efen ke Ndutịm Intanet nnyịn. Ẹsịn ediye uduot ekpri n̄wed Nso ke Abasi Oyom Oto Nnyịn?, odude ke usem awakde ebe 220. N̄ko, ọtọn̄ọde ye nsiondi Enyọn̄-Ukpeme ye Awake! eke January 1 ye January 8, 2004, kpukpru usem ẹma ẹnyene adres Ndutịm Intanet nnyịn ke akpatre ikpaedem magazine nnyịn.

Didie ke afo edida n̄kpọutom emi anam n̄kpọ? Nte ededi, afo emekeme ndisobo ye owo oro enyenede udọn̄ edi mîkopke usem fo. Edieke enye esidade Intanet anam n̄kpọ, afo emekeme ndiwụt enye adres oro ke akpatre ikpaedem Enyọn̄-Ukpeme m̀mê Awake! Ke usụn̄ oro, enye ekeme ndika ikpehe Ndutịm Intanet nnyịn n̄kokot ediye uduot ekpri n̄wed Oyom ke usem emana esie, tutu afo ekeme ndida n̄wed emi ke usem esie nsọk enye. Mîdịghe afo emekeme ndinam esop m̀mê otu oro ẹsede ẹban̄a usem oro ẹfiọk ẹban̄a emi.