Ndụn̄ọde Usen Akpan Mbono

Ẹdidụn̄ọde ibuotikọ emi mbemiso ẹkade usen akpan mbono ye ke ẹma ẹkenyọn̄ọ ẹdi ke 2005. Ibuotikọ oro, “Obufa Usụn̄ Ndidụn̄ọde Mme Ndutịm Mbono,” emi odude ke page 4 ke esịne-esịt emi, anam an̄wan̄a nte ẹdinamde emi. Ke ini ndụn̄ọde emi, bahade ini nte ekemde man ekeme ndibụp kpukpru mbụme. Ndụn̄ọde oro ekpenyene ndiwụk ntịn̄enyịn ke nte ikemede ndida ntọt oro ẹkenemede nsịn ke edinam.

EDINAM USENUBỌK

1. Ntak oyomde inen̄ede ikpan̄ utọn̄ inọ Jehovah? Nso ke ndikpan̄ utọn̄ ọwọrọ? (“Ntak Akpan̄de Utọn̄ Ọnọ Jehovah?”)

2. Didie ke mme ubon ẹkeme ndinyene eti ndutịm eke spirit? (“Mme Ubon Oro Ẹkpan̄de Utọn̄ Ẹnọ Ikọ Abasi ye Unana Ediwọn̄ọde Ntịn̄enyịn”)

3. Didie ke mbon oro ẹdude ke circuit emi ẹkeme ndida ifet oro ebererede nnọ ikọ ntiense ido nneme? (“Ndinam Kpukpru N̄kpọ Nnọ Abasi Ubọn̄”)

4. Nso ke ikeme ndikpep nto ntọt uwụtn̄kpọ oro ẹkụtde ke Mme Hebrew ibuot 3 ye 4? Didie ke Jehovah etịn̄ ikọ ọnọ nnyịn mfịn? (“Ndikpan̄ Utọn̄ ke Ini Abasi Etịn̄de Ikọ Ekpeme Nnyịn”)

5. Didie ke afo ọkọbọ ufọn oto utịn̄ikọ baptism? (“Uyakidem Nnọ ye Baptism”)

EDINAM UWEMEYO

6. Nso ke nnyịn ikeme ndifiọk mban̄a Jesus nte uyen, ndien didie ke mme uyen ke circuit emi ẹkpebe uwụtn̄kpọ esie? (“Nte Editịm N̄kpan̄ Utọn̄ Nnọ Ikọ Abasi Ọsọn̄ọde Mme Uyen Nnyịn Idem”)

7. Nso idi ndusụk usụn̄ emi mme ete ye eka ẹkemede nditọn̄ọ nnọ nseknditọ ye mme uyen ukpep mban̄a usụn̄ Jehovah? (“Nditọwọn̄ Oro Ẹkpan̄de Utọn̄ Ẹnọ Abasi Ẹnyụn̄ Ẹkpepde N̄kpọ”)

8. Nso idi ndusụk akpan usụn̄ emi oyomde nnyịn ikpan̄ utọn̄ inọ Jehovah, Eyen esie, ye “ofụn emi anamde akpanikọ onyụn̄ enyenede ọniọn̄”? (Matt. 24:45, NW) Ntak edide akpan n̄kpọ nnyịn ndinam ntre? (“Nọ Ntịn̄enyịn Kpukpru Ini ke Item Abasi”)