Ndutịm Esoputom

Tịm Fiọk: Utom Obio Ubọn̄ Nnyịn oyodiomi Esoputom ọnọ urua kiet kiet ke ini akamba mbono. Mme esop ẹkeme ndinam mme ukpụhọde nte oyomde man ẹyak ufan̄ ẹnọ edidụk Mbono District “Ẹsan̄a ye Abasi.” Ke ebiet odotde, ẹda minit 15 ke akpatre Esoputom mbemiso ẹdụkde mbono ẹfiak ẹdụn̄ọde akpan item oro ẹkpedade ẹnam n̄kpọ ke n̄kann̄kụk ke esịne-esịt ọfiọn̄ emi. Ke ọfiọn̄ February, ẹyediomi Esoputom kiet oro ẹdidade ofụri ikpehe ẹdụn̄ọde mme akpan n̄kpọ ke ndutịm akamba mbono oro. Ke nditịm idem nnọ nneme oro, kpukpru nnyịn imekeme ndiwet mme akpan n̄kpọ ke mbono, esịnede mme akpan n̄kpọ oro nnyịn iyomde ndida nsịn ke edinam ke uwem nnyịn ye ke an̄wautom. Do nnyịn iyekeme ndisịn udọn̄ nnọ mbon en̄wen ebe ke ndinam an̄wan̄a nte nnyịn idade mme ekikere oro ẹkenọde isịn ke edinam.

Urua Ọtọn̄ọde September 13

Ikwọ 43

Min. 12: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Edieke mme ekikere oro ẹnọde ke page 8 ẹdotde ye efakutom esop mbufo, da mmọ nam wụt nte ẹkpenọde Enyọn̄-Ukpeme eke September 15 ye Awake! eke September 22. Ẹkeme ndida mme usụn̄ nneme efen. Ke ẹma ẹkekụre nnamn̄wụt kiet kiet, tịn̄ ibio ibio ban̄a akpan n̄kpọ kiet oro ẹkenamde ẹwụt.

Min. 15: “Nam Enyịn Fo Enen̄ede Ese.”a Da mme mbụme oro ẹnọde. Nte ini ayakde, sio akpan n̄kpọ wụt ke mme itie N̄wed Abasi oro ẹsiakde ẹsịn.

Min. 18: ‘Ẹyak Nnyịn Itoro Enyịn̄ Esie Ọtọkiet.’b Ewetn̄wed esop edise aban̄a, adade mme mbụme oro ẹnọde. Kot ikpehe ekikere 4. Siak mbono oro ẹdemede esop mbufo ẹsịn. Ẹwet mme ini edinam ke esịne-esịt Utom Obio Ubọn̄ Nnyịn eke May 2004. Ẹkeme ndisio mme akpan n̄kpọ eken ke esịne-esịt oro n̄wụt nte oyomde. Beri ke ndibụp mbụme iba m̀mê ita ke ibuotikọ oro “Udia eke Spirit ke Edikem Ini,” emi ẹdinemede ke Esoputom urua en̄wen.

Ikwọ 91 ye akam ediberi.

Urua Ọtọn̄ọde September 20

Ikwọ 88

Min. 10: Mme ntọt n̄kann̄kụk. Dụn̄ọde mme akpan n̄kpọ ke leta n̄kọk itieutom emi odude ke akpa page Utom Obio Ubọn̄ Nnyịn eke ọfiọn̄ emi. Sịn udọn̄ nọ kpukpru owo ndikot Numbers 16:1-35 nnyụn̄ nse vidio Respect Jehovah’s Authority ke nditịm idem nnọ Esoputom eke urua October 4.

Min. 15: Ikọ Jehovah Enyene Uwem. Utịn̄ikọ. Man ẹn̄wam nnyịn ibọ ufọn ọyọhọ ọyọhọ ito ndutịm edikot Bible eke urua ke urua oro ẹtịmde ẹnọ Ufọkn̄wed Utom Ukara Abasi, ibuotikọ oro “Ikọ Jehovah Enyene Uwem” ọtọn̄ọ ndidu ke ndusụk nsiondi Enyọn̄-Ukpeme. Ke adade Enyọn̄-Ukpeme September 15, 2004, page 24-27, sio mme akpan n̄kpọ oro ẹdude ke ibuotikọ emi wụt. Ke ẹma ẹketịn̄ ibio ibio se idude, ikpehe oro “Mme Mbụme N̄wed Abasi Oro Ẹbọrọde” anam ndusụk itie N̄wed Abasi oro ẹsọn̄de ndifiọk ẹn̄wan̄a. Se ẹtịn̄de ke idak “Mme Ukpepn̄kpọ Ẹdude ẹnọ Nnyịn” odụri ntịn̄enyịn nnyịn owụt ke ntọt oro ikotde enen̄ede enyene ufọn. Da ibat ibat akpan uwụtn̄kpọ nam an̄wan̄a nte ikpehe emi edin̄wamde nnyịn ndinyene ntotụn̄ọ ifiọk Ikọ Abasi. Sịn udọn̄ nọ kpukpru owo ndida obufa ikpehe emi nnam n̄kpọ ọyọhọ ọyọhọ nte nnyịn iditọn̄ọde ndikot n̄wed Deuteronomy ke urua iba en̄wen.

Min. 20: “Udia eke Spirit ke Edikem Ini.”c Da mme mbụme oro ẹnọde. Ke ini enemede ikpehe ekikere 2, dọhọ owo kiet m̀mê iba ke otuowo ẹtịn̄ ibio ibio ẹban̄a se mmọ ẹtide ke enịm-mbụk mbono kiet oro mmọ ẹkedụkde. Kot ikpehe ekikere 3 ye 4. Beri ke ndibụp mbụme iba m̀mê ita ke ibuotikọ oro “Ẹsana ke Ofụri Edu Uwem Mbufo,” emi ẹdinemede ke Esoputom urua en̄wen.

Ikwọ 80 ye akam ediberi.

Urua Ọtọn̄ọde September 27

Ikwọ 221

Min. 10: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom eke September. Nam wụt nte ẹkemede ndinọ Enyọn̄-Ukpeme eke October 1 ye Awake! eke October 8.

Min. 20: “Ẹsana ke Ofụri Edu Uwem Mbufo.”d Da mme mbụme oro ẹnọde. Kot ikpehe ekikere 4, 6, ye 7. Dọhọ otuowo ẹtịn̄ nte ediwụt nti edu uwem ke mme mbono ẹdade itoro ẹsọk Jehovah. Beri ke ndibụp mbụme iba m̀mê ita ke ibuotikọ oro “Ndikama Idem Nte Asanade, Onyụn̄ Odotde Itoro,” emi ẹdinemede ke Esoputom urua en̄wen.

Min. 15: “Da Bible Nam N̄kpọ Nte Ọfọnde.”e Da mme mbụme oro ẹnọde. Da ntọn̄ọikọ fo to n̄wed Ufọkn̄wed Utom page 145, ikpehe ekikere 2-3. Sịn mbio mbio nnamn̄wụt iba, ẹwụtde nte ẹkpedade mme ekikere oro ẹnọde ẹnam n̄kpọ, kiet edide ukwọrọikọ ke akpa ediwaha ndien enye eken edi mfiakn̄ka.

Ikwọ 38 ye akam ediberi.

Urua Ọtọn̄ọde October 4

Ikwọ 5

Min. 5: Mme ntọt n̄kann̄kụk.

Min. 20: “Ndikama Idem Nte Asanade, Onyụn̄ Odotde Itoro.”f Da mme mbụme oro ẹnọde. Nte ini ayakde, kot nyụn̄ neme mme itie N̄wed Abasi oro ẹsiakde ẹsịn.

Min. 20: “Ana Nnyịn Ikpono Odudu Ukara Jehovah.” Kot Jude 11, kûyak ntọn̄ọikọ fo ebe minit iba. Ekem tọn̄ọ nneme nnennen nnennen ye otuowo adade kpukpru mbụme oro ẹdude ke ibuotikọ oro. Wụt ke man inyene unyịme Jehovah, ana nnyịn ifep edu nsọn̄ibuot Korah inyụn̄ ikpebe uwụtn̄kpọ nditọ esie, oro mîkayakke n̄kpọ ndomokiet ọbiọn̄ọ mmọ ndinam akpanikọ nnọ Jehovah.

Mîdịghe, “Sụk Ibuot Nọ Odudu Ukara Abasi Ke Edinam Akpanikọ.” Utịn̄ikọ emi ebiowo ọnọde oro ọkọn̄ọde ke Enyọn̄-Ukpeme August 1, 2002, page 9-14.

Ikwọ 99 ye akam ediberi.

[Mme ikọ idakisọn̄]