Ndutịm Esoputom

Urua Ọtọn̄ọde October 11

Ikwọ 53

Min. 10: Mme ntọt n̄kann̄kụk. Mme Ntọt ẹsatde-sat ẹto Utom Obio Ubọn̄ Nnyịn. Ti mme asuanetop ẹnọ ibatutom an̄wautom ufọt ọfiọn̄ October. Da mme ekikere oro ẹnọde ke page 8 (edieke ẹdotde ye efakutom mbufo) nam wụt nte ẹkpenọde Enyọn̄-Ukpeme eke October 15 ye Awake! eke October 22. Sịn udọn̄ nọ mme asuanetop ndisịn itie N̄wed Abasi kiet ke nneme mmọ. Ẹkeme ndinam mme nnamn̄wụt en̄wen oro ẹdide ata idem n̄kpọ.

Min. 20: Nnyịn Ikanam Didie Isua Oko? Utịn̄ikọ emi ebiowo ọnọde ọkọn̄ọde ke ibatutom esop eke isua utom 2004. Wụk ntịn̄enyịn ke mme ikpehe oro ẹkenamde ọfọn, nyụn̄ toro esop ke nti n̄kpọ oro ẹkenamde. Tịn̄ ban̄a ọkpọsọn̄ utom oro mme asiakusụn̄ ẹkenamde. Siak n̄kpọ kiet m̀mê iba oro oyomde esop ọnọ ntịn̄enyịn ke isua emi.

Min. 15: Dat Esịt ke Ndin̄wam Mbon En̄wen. (John 4:34) Mme Ndụn̄ọde. Edi n̄kpọ idatesịt ndikụt nte iso owo ayamade ke ini enye ekpepde akpanikọ otode Ikọ Abasi. (w94-EF 3/1 p. 29 ikp. eki. 5-6) Nam ndụn̄ọde ye mme asuanetop m̀mê mme asiakusụn̄ ofụri ini iba m̀mê ita emi ẹkụtde unen ke ndida Bible nnam n̄kpọ ke utom ukwọrọikọ ye ke nditọn̄ọ nnyụn̄ nnịm mme ukpepn̄kpọ Bible. Didie ke mmọ ẹsikọri udọn̄ oro mmọ ẹkụtde? Nso idatesịt ke mmọ ẹnyene ke ndinam ntre? Dọhọ mmọ ẹtịn̄ mîdịghe ẹfiak ẹnam mme ifiọkutom ukwọrọikọ mmọ ẹwụt.

Ikwọ 69 ye akam ediberi.

Urua Ọtọn̄ọde October 18

Ikwọ 127

Min. 5: Mme ntọt n̄kann̄kụk.

Min. 18: Mme Andikụt Nti Ido Nnyịn. (1 Pet. 2:12) Utịn̄ikọ ye nneme otuowo ọkọn̄ọde ke Enyọn̄-Ukpeme eke November 1, 2002, page 12-14, ikpehe ekikere 14-20. Dọhọ otuowo ẹtịn̄ nte mme owo ke n̄kann̄kụk ẹnamde n̄kpọ ẹban̄a nti ido nnyịn.

Min. 22: “Nọ Andibot Fi Ubọn̄ Ebe ke Ndinịm Mme Utịtmbuba eke Spirit.”a Da mme mbụme oro ẹnọde.

Ikwọ 165 ye akam ediberi.

Urua Ọtọn̄ọde October 25

Ikwọ 56

Min. 12: Mme ntọt n̄kann̄kụk. Ntọt ibatokụk. Ti mme asuanetop ndinọ ibatutom an̄wautom eke utịt ọfiọn̄ October. Ke adade mme ekikere oro ẹnọde ke page 8 (edieke ẹdotde ye efakutom mbufo), nam wụt nte ẹkpenọde Enyọn̄-Ukpeme eke November 1 ye Awake! eke November 8. Ke nnamn̄wụt kiet kiet, wụt nsio nsio usụn̄ nte ẹkpebọrọde ikọ utre nneme oro “Ami Nnyeneke Udọn̄ ke Mme Ntiense Jehovah.”—Se ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible, page 9-10.

Min. 15: Mme udọn̄ n̄kann̄kụk.

Min. 18: Nọ Uyarade Ndida Nsọn̄ọ Ikọ Abasi. Nneme otuowo emi ọkọn̄ọde ke n̄wed Ufọkn̄wed Utom, page 256-257. Didie ke ikeme ndida mme uyarade ẹtode ebiet efen ke ebede Bible n̄n̄wam mme owo ẹkụt ọniọn̄ oro odude ke N̄wed Abasi? Dọhọ otuowo ẹbọrọ mme mbụme oro ẹtienede mi: Mme uwụtn̄kpọ ewe ke ekondo oro ẹkụtde ke enyịn ke nnyịn ikeme ndida n̄wụt nte ke Andibot odu? (pr-EF p. 6-10) Didie ke nnyịn ikpada se nditọ ukpepn̄kpọ m̀mê ntaifiọk ẹtịn̄de n̄n̄wam mbon en̄wen ẹkụt ke Bible enen̄ede edi Ikọ Abasi? (pr-EF p. 10-16) Nso uwụtn̄kpọ ke nnyịn ikeme ndida n̄n̄wam mbon en̄wen ẹkụt ntak oro Abasi ayakde idiọkido odu? (kl-EF p. 75-76) Mme ifiọkutom m̀mê uwụtn̄kpọ ewe ke afo esida man an̄wam mbon en̄wen ẹkụt ọniọn̄ oro odude ke nditiene item Bible?

Ikwọ 62 ye akam ediberi.

Urua Ọtọn̄ọde November 1

Ikwọ 15

Min. 10: Mme ntọt n̄kann̄kụk. Ke November nnyịn idinọ Kpep N̄kpọ to Akwa Andikpep. Nam mbio mbio ndụn̄ọde ke mme ekikere oro ẹnọde ke nte ẹkpenọde n̄wed oro ke Utom Obio Ubọn̄ Nnyịn eke May 2004, page 7, nyụn̄ nam kiet ke otu mme ekikere oro wụt. Edieke usụn̄ efen edifọnde ke n̄kann̄kụk, emekeme ndineme emi nnyụn̄ nnam n̄wụt. Edieke ini odude, dọhọ otuowo ẹtịn̄ nte mmọ ẹdade n̄wed emi ẹnam n̄kpọ ke an̄wautom.

Min. 15: “Utom Oro Abasi Ọnọde Ibetedem.”b Sịn se ẹnemede ke n̄wed Proclaimers, page 547-548.

Min. 20: “Nen̄ede San̄a Kpere Mbon Oro Afo Amade.”c Nte ini ayakde, dọhọ otuowo ẹtịn̄ n̄kpọ ẹban̄a mme itie N̄wed Abasi oro ẹsiakde ẹsịn.

Ikwọ 115 ye akam ediberi.

[Mme ikọ idakisọn̄]