Ndiye Uduot N̄kpri N̄wed Ẹdinọde Mbon Oro Mîdịghe Mme Christian
Usụn̄ Oro Adade Esịm Nsinsi Uwem—Nte Afo Omokụt Enye?
Ke ini ọkwọrọde ikọ ọnọ owo ido ukpono mbon Africa, afo emekeme ndidọhọ:
“Ediwak owo ẹsituak ibuot ẹnọ mme ete ete mmọ. Ediwak edinam ubụkowo ẹsikọn̄ọ ke utuakibuot nnọ mme ete ete. Ntak emi mme owo ẹsituakde ibuot ẹnọ mme ete ete mmọ? [Bet ibọrọ. Ekem kot ikpehe ekikere 1 ye 2 ke page 12 ke ediye uduot ekpri n̄wed oro.] Ndi mme ete ete nnyịn oro ẹkekpan̄ade ẹfiọk se nnyịn inamde? [Bet ibọrọ. Ekem kot Ecclesiastes 9:5, 10.] Sia mmọ mîfiọkke baba n̄kpọ kiet, ikpọfọnke ẹtuak ibuot ẹnọ mmọ. Afo emekeme ndikot mme n̄kpọ efen ke ọyọhọ ukpepn̄kpọ 4 ke ediye uduot ekpri n̄wed emi.”
The Guidance of God—Our Way to Paradise
Ke ini enyenede nneme ye owo Muslim, afo emekeme ndidọhọ:
“Nsịn san̄asan̄a ukeme ndinyene nneme ye mbon Muslim. Mmọfiọk nte ke mbon Muslim ẹnịm ke ata Abasi kierakiet kpọt odu, ẹnyụn̄ ẹnịm akpaimọ prọfet ke akpanikọ. Ndi ntre? [Bet ibọrọ.] N̄kpama ndineme ye afo mban̄a ntịn̄nnịm ikọ eset emi aban̄ade edinam isọn̄ edi Paradise. Ndi mmekeme ndikot se prọfet kiet ekewetde? [Bet ibọrọ. Ekem kot Isaiah 11:6-9.] Ntịn̄nnịm ikọ emi anam n̄kere se ẹkotde ẹto Koran ẹsịn ke ediye uduot ekpri n̄wed emi.” Kụbọde ka page 9, nyụn̄ kot se ẹwetde ke ndodobi ubọkn̄wed. Edieke ẹwụtde udọn̄, ka iso ke ndineme ikpehe ekikere 7-9 ke page 10.