Ndusụk N̄wed Emi Ẹsiakde ke N̄wed Mbono Esop Uwem ye Utom Nnyịn

DECEMBER 5-11

MME AKPAN N̄KPỌ KE IKỌ ABASI | ISAIAH 1-5

it-2 761 ¶3

Tie ke Emem ye Abasi

Se owo akpanamde man etie ke emem ye Abasi. Owo enyene ndinam emem ye Abasi sia idịghe Abasi ekedue owo, edi owo ekedue Abasi, ke ndiketre ndinịm ibet Esie. (Ps 51:​1-4) Imọfiọk ke Abasi ọdiọn̄ọ n̄kpọ akan owo ke kpukpru usụn̄. Enye ọkpọdọhọ ke n̄kpọ ọfọn, ọwọrọ n̄kpọ oro ọfọn, idịghe se ẹdọdọhọ ẹse m̀mê edi se ẹnamde afiak ọfọn. (Isa 55:​6-11; Mal 3:6; men Jas 1:17 domo.) Ntre, enye ọkpọdọhọ ke enyene se anade owo anam man etie ke emem ye imọ, ufọn idụhe nditie mfan̄a sia enye enen. (Men Job 40:​1, 2, 6-8; Isa 40:​13, 14 domo.) Kpa ye oro ediwak Bible ẹsịnde Isaiah 1:18 ntem, ‘ỌBỌN̄ ọdọhọ ete, mbufo ẹdi ndien yak ineme n̄kpọ emi,’ (KJ; AT; JP; RS), ata eti usụn̄ ndikabade itien̄wed emi edi: “Jehovah ọdọhọ ete: ‘Mbufo ẹdi nnyịn inen̄ede mme n̄kpọ ke ufọt nnyịn [m̀mê “yak inam emem,” Ro].’” Idịghe Abasi akada mfịna edi, owo akada edi.—Men Eze 18:​25, 29-32 domo.