Ndusụk N̄wed Emi Ẹsiakde ke N̄wed Mbono Esop Uwem ye Utom Nnyịn

OCTOBER 3-9

MME AKPAN N̄KPỌ KE IKỌ ABASI | MME N̄KE 1-6

“Buọt Idem ye Jehovah ke Ofụri Esịt Fo”

it-2 180

Ifiọk

Ntọn̄ọ Ifiọk. Jehovah edi Ntọn̄ọ ifiọk. Enye ọnọ nnyịn uwem, ndien uwem mîdụhe ifiọk idụhe. (Ps 36:9; Ut 17:25, 28) Abasi okobot kpukpru n̄kpọ, ntre kpukpru se mme owo ẹfiọkde, mmọ ẹkpep ẹto se Abasi okobotde. (Edi 4:11; Ps 19:1, 2) Abasi okonyụn̄ ọnọ mme owo spirit esie ẹda ẹwet Bible, emi anamde nnyịn ifiọk se Abasi oyomde ye se enye aduakde. (2Ti 3:16, 17) Kpukpru emi owụt ke Jehovah edi ntọn̄ọ ata ifiọk, ntre, ana owo ekededi emi oyomde ndinyene ata ifiọk enen̄ede abak Abasi. Mbak emi idiyakke enye anam n̄kpọ emi ediyatde Abasi esịt. Utọ mbak emi edi ntọn̄ọ ifiọk. (N̄ke 1:7) Owo emi abakde Abasi ntem ọyọsọp ọfiọk Abasi, edi mbon emi mîbakke Abasi ididiọn̄ọke enye kpa ye oro mmọ ẹtienede ẹkụt kpukpru se enye obotde, mmọ idinyeneke ata ifiọk.

OCTOBER 31–NOVEMBER 6

MME AKPAN N̄KPỌ KE IKỌ ABASI | MME N̄KE 22-26

“Teme Eyenọwọn̄ ke Usụn̄ Emi Odotde ye Enye”

it-2 818 ¶4

Eto

Odudu ete ye eka. “Eto” n̄ko ada aban̄a odudu emi ete ye eka ẹnyenede ke idem nditọ mmọ. N̄wed Mme N̄ke etịn̄ aban̄a odudu emi ediwak ini. Enye owụt ke eto ada aban̄a nsio nsio usụn̄ emi ete ye eka ẹsitụnọde nditọ, emi esịnede edimia ke ikpa. Abasi oyom mme ete ye eka ẹtụnọ nditọ mmọ, ẹkûyak mmọ ẹnam se ẹmama. Edieke ete ye eka mîtụnọke nditọ mmọ, ọwọrọ mmọ iyomke nditọ mmọ ẹdu uwem, ndien emi ayada esuene ọsọk mmọ, mmọ idinyụn̄ ibọhọke ufen Abasi. (N̄ke 10:1; 15:20; 17:25; 19:13) Bible ọdọhọ ete: “Ndisịme ido eyịre ke esịt eyenọwọn̄; eto ntụnọ oyosio emi ke esịt esie ọduọk anyan usụn̄.” “Kûtre nditụnọ eyenọwọn̄. Idem edieke afo amiade enye ke ikpa, enye idikpaha. Mia enye ke ikpa, man afo akpanyan̄a ukpọn̄ esie osio ke Udi.” (N̄ke 22:15; 23:13, 14) Omokụt do ke “owo eke osụkde eto asasua eyen esie, edi owo emi amade eyen esie otụnọ enye.”—N̄ke 13:24; 19:18; 29:15; 1Sa 2:27-36.