Ndusụk N̄wed Emi Ẹsiakde ke N̄wed Mbono Esop Uwem ye Utom Nnyịn

FEBRUARY 6-12

it-1 643 ¶4-5

Usiondọ

Ndamban̄a Usiondọ. Bible etịn̄ n̄kpọ aban̄a ndọ emi mîdịghe ata ndọ, edi adade aban̄a n̄kpọ. (Isa 54:​1, 5, 6; 62:​1-6) Bible etịn̄ n̄ko aban̄a usiondọ emi adade aban̄a n̄kpọ.​—⁠Jer 3:⁠8.

Mbon Babylon ẹma ẹsobo obio ubọn̄ Judah ye Jerusalem ke isua 607 B.C.E., ẹnyụn̄ ẹtan̄ mme Jew do ẹnyọn̄ Babylon. Jehovah ama obobụp mme Jew emi ediwak isua mbemiso nsobo emi ete: “Enye ndien n̄wed usiondọ eka mbufo, emi n̄kebịnde?” (Isa 50:⁠1) Jehovah ekebịn “eka” mmọ, oro edi idụt Israel, sia mmọ ẹkebiatde ediomi oro mmọ ẹkedụkde ye Jehovah. Idịghe Jehovah akabiat ediomi oro osio mmọ ndọ, mmọ ẹkebiat. Edi nsụhọ nditọ Israel ẹma ẹkabade esịt ẹkpe Jehovah ubọk ẹte afiak ada mmimọ enyene nte ebe, onyụn̄ ada mmimọ afiak ọnyọn̄ obio emana mmimọ. Jehovah ama okop akam mmọ ke ntak enyịn̄ esie, onyụn̄ afiak ada mmọ ọnyọn̄ obio emana mmọ ke isua 537 B.C.E nte enye ọkọn̄wọn̄de. Obio mmọ akana ndon ofụri isua 70.​—⁠Ps 137:​1-9; se NDỌ.