Mme N̄wed Emi Ẹsiakde ke N̄wed Mbono Esop Uwem ye Utom Nnyịn

OCTOBER 14-20

it-2-E 565 ¶3

Andikpeme

Akakan Andikpeme. Ke ini apostle Peter eketịn̄de aban̄a mbon emi ẹtiede nte “mme erọn̄ eke ẹsopde usụn̄” ke 1 Peter 2:25, enye okokot oto Isaiah 53:6. Enye ama adian do ete: “Edi idahaemi mbufo ẹmenyọn̄ ẹtiene andikpeme ye andise mban̄a ukpọn̄ mbufo.” Anaedi Peter eketịn̄ aban̄a Jehovah Abasi, sia mbon oro enye eketịn̄de aban̄a ikọkpọn̄ke Jesus Christ, edi Jesus akakam anam mmọ ẹfiak ẹtiene Jehovah emi edide Akakan Andikpeme ikọt esie. (Ps 23:1, ikọ idakisọn̄; 80:1, ikọ idakisọn̄; Jer 23:3; Eze 34:12) Jehovah edi andikpeme, kpa enye emi esidụn̄ọrede ese nte mme owo ẹtiede. (Ps 17:3) Ke ini Jehovah odụn̄ọrede owo ese (Greek, e·pi·sko·peʹ), se enye okụtde ekeme ndinam enye ebiere ndisobo owo oro, nte enye okosobode Jerusalem ke eyo mme apostle, sia mbon oro ẹkedụn̄de do ikọfiọkke ini oro ‘ẹkedide ndidụn̄ọde mmọ [Greek, e·pi·sko·pesʹ].’ (Lu 19:44) Se enye okụtde onyụn̄ ekeme ndida ufọn nsọk owo, nte edidide ye mbon oro ẹnọde Abasi ubọn̄ ke usen oro “enye edidide ndinam ndụn̄ọde [Greek, e·pi·sko·pesʹ].”—1Pe 2:12.