Mme N̄wed Emi Ẹsiakde ke N̄wed Mbono Esop Uwem ye Utom Nnyịn
NOVEMBER 4-10
it-1-E 862 ¶5
Edifen Nnọ
Ọfọn isibọn̄ akam idọhọ Abasi efen idiọkn̄kpọ mbon en̄wen; imakam ikeme ndiben̄e Abasi efen idiọkn̄kpọ ofụri esop. Se Moses akanamde ye ofụri idụt Israel edi oro. Enye ama eben̄e Jehovah ete efen idiọkn̄kpọ emi idụt mmimọ ẹkenamde, ndien Jehovah ama okop akam esie. (Nu 14:19, 20) N̄ko, ke ini ẹkeyakde temple ẹnọ Jehovah, Solomon ama ọbọn̄ akam ete Jehovah efen idiọkn̄kpọ ikọt esie ke ini mmọ ẹkabarede esịt. (1Nd 8:30, 33-40, 46-52) Ezra ama ayarade idiọkn̄kpọ mme Jew oro ẹkenyọn̄de ntan̄mfep ẹdi. Enye ama ọbọn̄ akam ke ofụri esịt onyụn̄ etịn̄ se mmọ ẹkpenamde. Emi ama otụk mme Jew tutu mmọ ẹnam se akanade ẹnam man Jehovah efen ọnọ mmọ. (Ezr 9:13–10:4, 10-19, 44) James ama ọdọhọ owo emi ọdọn̄ọde aka ebịne mbiowo esop man ẹkebọn̄ akam ẹnọ enye, ndien “edieke enye akanamde idiọkn̄kpọ, ẹyefen enye.” (Jas 5:14-16) Edi, enyene “idiọkn̄kpọ oro adade n̄kpa edi,” oro edi, ndinam idiọkn̄kpọ ndian edisana spirit. Idiọkn̄kpọ enye oro edi n̄koinnam idiọkn̄kpọ, ndien Abasi isifenke utọ idiọkn̄kpọ oro. Inaha ibọn̄ akam iben̄e Abasi efen mbon oro ẹnamde utọ idiọkn̄kpọ oro.—1Jo 5:16; Mt 12:31; Heb 10:26, 27.
NOVEMBER 11-17
it-2-E 279
Mme Usọrọ Ima
Bible itịn̄ke nte mme usọrọ ima emi ẹkesitiede inyụn̄ itịn̄ke m̀mê ẹkesinam ikafan̄. (Jude 12) Idịghe Ọbọn̄ Jesus Christ m̀mê mme apostle esie ẹkedọhọ ẹsinịm usọrọ emi, onyụn̄ etie nte ikedịghe n̄kpọ emi akanade ẹka iso ẹnam. Ndusụk owo ẹdọhọ ke mme Christian emi ẹkedide imọ ẹkesinịm usọrọ emi ẹnyụn̄ ẹkot nditọete mmọ emi ẹkedide ubuene. Nditọakpa, mme ebeakpa, mme imọ ye mme ubuene ẹma ẹsitie kiet ẹdia udia nte nditọeka.
it-2-E 816
Itiat
Ikọ Greek en̄wen emi ẹkabarede “itiat” edi spi·lasʹ, ndien enye aban̄a itiat emi edịbede ke esịt mmọn̄. Jude ọkọdọhọ ke mbon emi ẹkedọn̄de ikpat ndịbe ndịbe ẹdụk esop mme Christian ẹketie nte utọ itiat oro sia mmọ ẹkedi ndinam idiọk uduak mmọ. Kpa nte itiat emi edịbede ke isọn̄ mmọn̄ ekemede ndinam nsụn̄ikan̄ esịp, kpa ntre n̄ko ke utọ mbon oro ẹkekeme ndinam owo ọkpọn̄ Abasi. Jude ọkọdọhọ ete: “Mmọ ẹdi mme itiat emi ẹdịbede ke isọn̄ mmọn̄ ke mme usọrọ ima mbufo ke adan̄aemi mmọ ẹdiade udia ye mbufo.”—Jude 12.