Watchtower LIBRARY EKE INTANET
Watchtower
LIBRARY EKE INTANET
Efịk
Ẹ,Ê,Ị,Ọ,Ụ,Û,N̄
  • Ẹ
  • ẹ
  • Ê
  • ê
  • Ị
  • ị
  • Ọ
  • ọ
  • Ụ
  • ụ
  • Û
  • û
  • N̄
  • n̄
  • BIBLE
  • MME N̄WED
  • MBONO ESOP
  • w92 5/1 p. 30
  • Akpanikọ Bible Osio Nun ke Ufụn ke Bolivia

Vidio ndomokiet idụhe mi.

Kûyat esịt, n̄kpọ anam vidio emi okûbre.

  • Akpanikọ Bible Osio Nun ke Ufụn ke Bolivia
  • Enyọn̄-Ukpeme Ọnọ Ntọt Obio Ubọn̄ Jehovah—1992
  • Ukem Ibuot Nneme
  • Mme Ntiense Jehovah Ẹkwọrọ Ikọ ke Ido Nneme ye Nti Utịp
    Enyọn̄-Ukpeme Ọnọ Ntọt Obio Ubọn̄ Jehovah—1992
  • N̄wan N̄ka Ido Ukpono Kiet ke Isua 25 ke Akpatre Ekpep Akpanikọ
    Enyọn̄-Ukpeme Ọnọ Ntọt Obio Ubọn̄ Jehovah—1991
  • Bible Okpụhọde Mme Owo
    Enyọn̄-Ukpeme Ọnọ Ntọt Obio Ubọn̄ Jehovah—2014
  • Nditọeka Emi Ẹkedide Nun Ẹdidi Mme Ntiense Jehovah
    Enyọn̄-Ukpeme Ọnọ Ntọt Obio Ubọn̄ Jehovah (Eke Ukpepn̄kpọ)—2016
Se En̄wen En̄wen
Enyọn̄-Ukpeme Ọnọ Ntọt Obio Ubọn̄ Jehovah—1992
w92 5/1 p. 30

Ntọt M’ọkwọrọ Obio Ubọn̄

Akpanikọ Bible Osio Nun ke Ufụn ke Bolivia

EDIWAK mbon esịt akpanikọ ke ẹfehe ẹwọrọ ke nsunsu ido ukpono, ẹkpepde akpanikọ Bible, ẹnyụn̄ ẹdide ẹdituak ibuot ẹnọ Jehovah, kpa ata Abasi. Se iwakde ibe owo 7,600 ẹma ẹnam ntre ke Bolivia, ọkọrọ ye nun.

Ke ini ekedide isua usụkkiet kpọt ke emana, eyenan̄wan emi ekerede M—— ama osobo ke akpa ini ye kiet ke otu Mme Ntiense Jehovah. Enye ama ọwọrọ ediberede usụn̄ ke ini Ntiense emi akawahade ke ufọk mmọ, ndien enye ama okop ẹkotde enyịn̄ Abasi, Jehovah, ke akpa ini. Enye ikekemeke ndifre emi ke ediwak isua.

Sia enye ekedide n̄kukụre eyenan̄wan ke ubon oro, ẹma ẹbiere ẹte ke enye edidi nun. M—— ọdọhọ ete, “Ami n̄kokop inemesịt didie ntem nte ke ami mmọn̄ nnam utom Abasi—ke nsụhọde n̄kaha, se ami n̄kekerede edi oro.” Edi idara eyenan̄wan emi ama osụn̄ọ ke edikpu ke ini enye okokụtde ukwan̄ikpe ye asari ẹmi ẹkenamde ke ufọkidụn̄ mme nun. Enye ọdọhọ ete: “Ndusụk ami tutu amama ndifreke mme idomo edinam oro ẹkesinamde mi n̄kop mfụhọ ye ata ubiak ubiak umia eke obụk ye eke n̄kan̄ spirit, oro ẹkesinamde mi nse Abasi, idịghe nte Enyeemi enyenede ima, edi nte Enyeemi ọnọde ufen ye unana edikop mbọm.”

Eyenan̄wan emi akaiso ete: “Etisịm ini ami n̄kakabarede ndi nun, ami n̄kekemeke ndikụt enyịn̄ oro Jehovah ke Bible. Ami n̄kukụre n̄kokụt ‘Yahweh,’ ndien oro ama anam mi nnyene eyịghe. Usen kiet ami mma n̄kam n̄wọrọ n̄ka ndiyom mme owo oro ẹketịn̄de n̄kpọ ẹban̄a Jehovah, edi n̄kekwe mmọ.

“Ndusụk ini ama ebe, ndien usen kiet ke ini ami n̄kasan̄ade ke usụn̄ ndika ufọk nnyịn, ami mma n̄kụt idiọn̄ọ emi, ‘Kingdom Hall of Jehovah’s Witnesses.’ Ami n̄koyom ndisian mmọ nte ke mmọ ẹdi mme nsunsu prọfet, edi owo baba kiet ikodụhe ke ufọkmbono oro. Ami mma mfiak n̄ka ke Sunday. Mbonoesop ke akakaiso, ndien eketie nte idem ama akpa ediwak owo ndikụt nun ye ọfọn̄ ido ukpono etienede abuana. Ke mbonoesop ama akasuana, ami mma ndomo ndisọp n̄wọrọ. Edi, kiet ke otu Mme Ntiense ẹmi ama ọkọm mi, ntre ami mma mbụp n̄wan oro nte, ‘Ntak emi mbufo ẹsụn̄ide Enyeemi Edide Edisana ke ndikere enyịn̄ oro?’ Mbụme mi ama ada okosịm nneme Bible, ndien ami mma nnam ndutịm enye ndidi ndise mi ke ufọk nnyịn. Ete ye eka mi ẹma ẹbịn mi ẹsio. Nnyịn ima ifiak isobo, nte ededi, ọfiọn̄ iba ke ukperedem, ndien enye ama ọnọ mi ikot ndidi ukpepn̄kpọ Bible ke ufọk esie. Ntọt oro enye okowụtde mi ama enen̄ede otụk mi esịt, owụtde ete ke mme Christian ẹkpenyene ndida enyịn̄ Abasi. Uyarade oro ama ọnọ mi ukeme oro n̄koyomde ndiduọk kpukpru ikpîkpu n̄kpọ oro ẹkekpepde mi nte nun.

“Ami mmeti ediwak n̄kpọ mban̄a uwem mi ke ufọkidụn̄ mme nun. Ke uwụtn̄kpọ, ini kiet mma nyom udia efen efen ndidia. Ntre ami mma n̄wet mben̄e ete ye eka mi ndinọ ndusụk udia ẹsọk mi, n̄kam mfiọkke nte ke ẹsitat mme leta ẹkot ẹse ke ufọkidụn̄ mme nun. Ke ini udia efen, ẹma ẹbon ata ediwak bred ye n̄kpọ uta bred ke iso mi, ẹnyụn̄ ẹnyịk mi ẹte nta kpukpru. Idahaemi ami mma nnyene udia emi awakde akaha. Ami mma ntịn̄ n̄kpọ emi nnọ mme ufan mi, ndien kiet ama ọnọ ekikere ete n̄kpok bred oro ami mmen̄kemeke ndita aba n̄ken̄e n̄ken̄e nsuan ke isọn̄. Ke ini ami n̄kanamde ntre, nun kiet ama omụm mi inikiet inikiet onyụn̄ odịbede mi ọtọ ke isọn̄, aduari mi ete nda edeme mi ndei ofụri isọn̄ oro asana. Ubet oro ekedi akamba ubet. Ke adan̄aemi n̄kosụk nnamde se enye ọkọdọhọde, ami mma n̄kop ọkpọsọn̄ imam ye nsahi—owo ikowụtke mbọm ndomokiet.

“Ami mmekeme ndikụt idahaemi adan̄a nte edide utịbe utịbe n̄kpọ ndiwọrọ ke ufụn kpukpru oro. Nte ẹkemede ndikpodori enyịn mban̄a, ubọhọ-ufụn emi abuana n̄waidem. N̄kpọ kiet edi-o, ete mi ama ebịn mi osio ke ufọk. Edi, mbemiso n̄kpọn̄de ufọkidụn̄ mme nun, ami mma nnyene ifet ndin̄wam n̄kparawa nun eken ndikpep akpanikọ. Ami mmadat esịt nditịn̄ nte ke ndusụk nnyịn ima iyak uwem nnyịn inọ Jehovah Abasi!

“Ke mma n̄kọkpọn̄ ufọkidụn̄ mme nun, ama ọsọn̄ ete mi idem ndifiọk ntak emi ami n̄kesịnde mme utom ẹmi ẹkpede uwak okụk edi oro ẹkedade ekese ini. Nte ededi, ami n̄koyom ini okponde akan ndinam utom Abasi. Idahaemi ami nnam utom nte asiakusụn̄ ofụri ini, nnyụn̄ ndu mmemmem uwem oro otịmde akama utịp. Ndien akwa idatesịt mi edi, nte ke eka mi ye nditọeka mi iren ẹma ẹdidiana ye ami ke utom Jehovah.”

Ke akpanikọ, akpanikọ Bible esisio owo ke ufụn ndutịm nsunsu ido ukpono eke ererimbot emi, ndien enye esida nsinsi idatesịt ye inemesịt edi.—John 8:32.

    Mme N̄wed Ikọ Efịk (1982-2025)
    Wọrọ
    Dụk
    • Efịk
    • Share
    • Mek nte amade
    • Copyright © 2025 Watch Tower Bible and Tract Society of Pennsylvania
    • Nte Ẹkpedade Ikpehe Intanet Emi Ẹnam N̄kpọ
    • Ediomi
    • Privacy Settings
    • JW.ORG
    • Dụk
    Share