Owo Idinemeke Aba Itie N̄wed Abasi eke Usen ke Usen ke Mbono An̄wautom

Ke ini edem, ẹma ẹsineme itie N̄wed Abasi eke usen ibio ibio ke mbono an̄wautom edieke enye enyenede ebuana ye an̄wautom. Ẹnam ukpụhọde ke afan̄ emi. Owo ikpenyeneke ndineme aba Ẹdụn̄ọde N̄wed Abasi ke Usen ke Usen ke ini ẹnịmde mme mbono an̄wautom. Nte ekesidide ke akpa, mbon oro ẹnịmde mbono emi ẹkeme ndikama Bible, Utom Obio Ubọn̄ Nnyịn, n̄wed Ufọkn̄wed Utom, ekpri n̄wed Nte Ẹkpetọn̄ọde Ẹnyụn̄ Ẹkade Iso ke Nneme Bible, ye mme n̄wed eken oro ẹnyenede ebuana ye utom an̄wautom. Mbon oro ẹdọhọde ẹnịm mbono emi ẹkpenyene nditịm idem man ẹbuana n̄kpọ oro enyenede ufọn ọnọ mbon oro ẹwọrọde an̄wautom usen oro. Nte ekesidide ke akpa, mbono emi ekpenyene ndidi minit 10 esịm 15, okponyụn̄ enyene ndisụhọde n̄kan oro edieke ẹnịmde enye ke mbono esop ama akasuana.