Mme Uyen—Nso ke Ẹdida Uwem Mbufo Ẹnam? (Ikpehe 1)

Nte mme uyen ẹkọride ẹkponi, ana mmọ ẹnam mme akpan ubiere ke uwem. Bible etie nte n̄wed usụn̄isan̄ oro ekemede ndin̄wam mme uyen ẹfiọk afan̄ oro mmọ ẹkpemekde. (N̄ke 3:5, 6) Edieke ẹtịmde ẹnọ ubieresịt mme uyen ukpep, emi ekeme ndinen̄ede n̄n̄wam mmọ ẹka iso ẹsan̄a ke nnennen usụn̄. (Rome 2:15) Emi ekeme ndinọ mmọ ndausụn̄. Ndidụn̄ọde ibuotikọ ukpepn̄kpọ oro ọdọhọde, “Mme Uyen—Nso ke Ẹdida Uwem Mbufo Ẹnam?” emi odude ke Enyọn̄-Ukpeme eke November 15, 2010, ayan̄wam mme uyen ẹnam mme akpan ubiere ke uwem. Ẹse m̀mê ẹyekeme ndibọrọ mbụme 1-11 ke ibuotikọ ukpepn̄kpọ emi.

Mbọk ẹdụn̄ọde mme ikpehe ekikere oro ẹsụhọde ke ibuotikọ emi, ẹnyụn̄ ẹben̄e idem ndinọ ibọrọ ke ini ẹdinemede mmọ ke Esoputom urua efen. N̄ko, ẹkot tract emi, Mme Uyen—Nso ke Mbufo Ẹdida Uwem Mbufo Ẹnam? ẹnyụn̄ ẹse vidio Young People Ask—What Will I Do With My Life? Nti n̄kpọ ẹdu ke tract ye vidio emi ẹnọ mme uyen.