Ẹditọn̄ọ Ndinọ N̄wedikot Editi ke March 22
Isua emi iditọn̄ọ ke Saturday, March 22, inọ mme owo n̄wedikot Editi. Imesịn udọn̄ inọ kpukpru owo ite ẹtiene ẹbuana. Iyọnọ mme magazine n̄ko ke mme utịturua ke ini odotde ndinam oro. Ke akpa Saturday ke April, idinọ ntịn̄enyịn ke ndideme n̄wedikot utu ke nditọn̄ọ ukpepn̄kpọ Bible. Edi edieke ikụtde owo emi enen̄erede enyene udọn̄, imekeme ndisụk ntọn̄ọ ukpepn̄kpọ Bible ye enye. Esenyịn utom eyebiere m̀mê ndideme n̄wedikot ke ini ẹnọde an̄wan̄wa ikọ ntiense ayanam esop ẹkeme ndikot ediwak owo ke efakutom mmọ. Wet enyịn̄ mme iman fo, mbonutom, nditọ ufọkn̄wed, mbon oro esinyenede nneme Bible ye mmọ, ye mbon eken oro afo ọdiọn̄ọde, emi edimade ndikot, man ọkpọnọ mmọ n̄wedikot ke ini ẹditọn̄ọde ndideme. Imenịm ke ediwak owo ẹyetiene nnyịn ẹdụk edinam emi idade iti n̄kponn̄kan ima iba oro akanam ẹwụtde nnyịn.—John 3:16; 15:13.