N̄wam Nditọ Ukpepn̄kpọ Bible Fo Ẹsidụk Mbono Esop

Mbono esop edi kiet ke otu usụn̄ emi isikponode Abasi. (Ps 22:22) Mbon oro ẹsisopde idem man ẹtuak ibuot ẹnọ Jehovah ẹsikop inemesịt, Jehovah esinyụn̄ ọdiọn̄ mmọ. (Ps 65:4) Nditọ ukpepn̄kpọ Bible emi ẹsidụkde mbono esop kpukpru ini ẹsisọp ẹtọn̄ọ ndinam n̄kpọ Abasi.

Didie ke ekeme ndin̄wam nditọ ukpepn̄kpọ Bible fo ẹsidụk mbono esop? Ka iso kot mmọ ẹtiene ẹdụk. Wụt mmọ vidio oro Nso ke Ẹsinam ke Ufọkmbono Obio Ubọn̄? Tịn̄ ufọn oro mmọ ẹdidiade mmọ ẹma ẹdụk mbono esop. (lff ukpepn̄kpọ 10) Emekeme nditịn̄ akpan n̄kpọ kiet emi ẹkekpepde ke mbono esop ọnọ mmọ, mîdịghe afo etịn̄ se ẹdinemede ke mbono esop en̄wen. Nọ mmọ mme n̄wed oro ẹdikpepde. N̄wam mmọ ẹtiene ẹdụk. Ke uwụtn̄kpọ, emekeme ndika n̄kemen mmọ mîdịghe ọnọ mmọ okụk ukpeusụn̄. Ofụri ukeme oro esịnde do iditakke-tak ke ini eyen ukpepn̄kpọ fo odụkde mbono esop. ​—1Co 14:​24, 25.

ẸSE VIDIO ORO N̄WAM MBON ORO AFO ESIKPEPDE BIBLE ẸSIDỤK MBONO ESOP, EKEM ẸBỌRỌ MME MBỤME EMI:

• 

  Ini ewe ke Anita okokot Jenny mbono esop?

• 

  Ntak emi esinemde nnyịn ke ini eyen ukpepn̄kpọ Bible nnyịn odụkde mbono esop?

• 

  Ẹketie Jenny didie ke idem akpa ini emi enye okodụkde mbono esop?