Usiakusụn̄

Esịt esinen̄ede enem nnyịn ima ida odudu nnyịn inam n̄kpọ Jehovah. (1Co 9:26) Utịt ererimbot emi enen̄ede ekpere, ntre ọfọn ibiere se idinamde inọ Jehovah man ikeme ndida ekpri ini emi osụhọde mi nnam nnennen n̄kpọ. (Eph 5:​15, 16) Da ini utuakibuot ubon mbufo neme se ekemede ndinam ke obufa isua utom emi edide. N̄wed mbono esop emi ọdọn̄ọ nsio nsio ibuotikọ emi ẹkemede ndin̄wam fi ọdiọn̄ọ se ekemede ndinam onyụn̄ ọbọn̄ akam eben̄e Jehovah an̄wam fi anam.​—Jas 1:5.

Ke uwụtn̄kpọ, ndi emekeme ndin̄wam owo kiet ke ubon mbufo ọtọn̄ọ usiakusụn̄ ofụri ini? Edieke ekerede ke etie nte udûkemeke unyene ibat hour oro mme asiakusụn̄ ẹsinọde, neme n̄kpọ emi ye asiakusụn̄ emi ekenyenede ukem mfịna fo. (N̄ke 15:22) Emekeme ndikot asiakusụn̄ etiene edidụk utuakibuot ubon mbufo ẹnyụn̄ ẹbụp enye n̄kpọ ifan̄. Ekem wet nte edisan̄ade inyene ibat hour oro oyomde. Edieke ekesidide asiakusụn̄, fiak se m̀mê nte n̄kpọ etiede ye afo idahaemi ayayak fi afiak ọtọn̄ọ usiakusụn̄.

Ndi owo ke ubon mbufo ekeme ndinam usiakusụn̄ unọ un̄wam ke ọfiọn̄ kiet m̀mê akande oro? Edieke mûnen̄ekede unyene odudu, emekeme ndisikwọrọ ikọ n̄kpri n̄kpri kpukpru usen man ekeme ndinam usiakusụn̄ unọ un̄wam. Edieke mûsukemeke uka ukwọrọ ikọ ke ufọturua ke ntak utom m̀mê ufọkn̄wed, emekeme ndinam usiakusụn̄ unọ un̄wam ke ini nduọkodudu m̀mê ke ọfiọn̄ emi enyenede utịturua ition. Wet ọfiọn̄ emi edinamde usiakusụn̄ unọ un̄wam ke calendar, nyụn̄ wet ibat hour oro edikwọrọde ke usen m̀mê ke urua.​—N̄ke 21:5.

ẸSE VIDIO ORO DI ASIAKUSỤN̄ EMI ENYENEDE UKO, EKEM ẸBỌRỌ MBỤME EMI:

• Didie ke Jehovah ekese aban̄a Sista Aamand, ndien nso ke emi ekpep nnyịn?