NTE CHRISTIAN OKPODUDE UWEM
Mmọ Ẹsisịn Idem Ẹnam Utom ke Ufọn Nnyịn
Mme esenyịn circuit ye iban mmọ ẹsinen̄ede ẹma nditọete. Ukem nte nnyịn, mmọ ẹsinyene nsio nsio mfịna, esikak mmọ ke idem ndusụk ini, idem esimem mmọ, esịt esinyụn̄ etịmede mmọ. (Jas 5:17) Kpa oro, kpukpru urua mmọ ẹsinen̄ede ẹsọn̄ọ nditọete idem ke mme esop oro mmọ ẹkade. Mme esenyịn circuit “ẹdot se ẹnen̄erede ẹkpono.”—1Ti 5:17.
Ini apostle Paul okoyomde ndika n̄kese nditọete ke Rome man ọsọn̄ọ mmọ idem, enye ama ọdiọn̄ọ ke mmọ n̄ko ẹyesọn̄ọ imọ idem. (Ro 1:11, 12) Ndi akanam emekere se akpanamde man ọsọn̄ọ esenyịn circuit mbufo ye n̄wan esie idem, ekpedi enye ọdọ ndọ?
ẸSE VIDIO ORO NTE N̄KPỌ ESITIEDE YE ESENYỊN CIRCUIT KE OBIO IN̄WAN̄, EKEM ẸBỌRỌ MME MBỤME EMI:
Didie ke mme esenyịn circuit ye iban mmọ ẹsiwụt ke imama nditọete ke mme esop emi mmọ ẹkade?
Nso ufọn ke esidia ini esenyịn circuit edide esop mbufo?
Nso ke ikeme ndinam nsọn̄ọ mmọ idem?