Ndusụk N̄wed Emi Ẹsiakde ke N̄wed Mbono Esop Uwem ye Utom Nnyịn
SEPTEMBER 4-10
it-2 1082 ¶2
Temple
N̄kukụt temple oro Ezekiel okokụtde. Ke isua 593 B.C.E., oro edi, ke isua 14 ama ekebe tọn̄ọ ẹkesobo Jerusalem ye temple Solomon, Jehovah ama emen Ezekiel emi ekedide prọfet ye oku ke n̄kukụt okodori ke ata edikon̄ obot onyụn̄ owụt enye akwa temple Jehovah. (Eze 40:1, 2) Jehovah ama ọdọhọ Ezekiel etịn̄ kpukpru se enye okụtde ọnọ “ufọk Israel” man ẹsuene mme Jew emi ẹketan̄de ẹka ntan̄mfep ẹnyụn̄ ẹnam mmọ ẹkabade esịt, ndien n̄kukụt oro ama ọdọn̄ mme Jew oro ẹkesọn̄ọde ẹda ye Abasi, esịt. (Eze 40:4; 43:10, 11) N̄kukụt oro ama enen̄ede anam ẹfiọk uniọn̄ ye ubom temple oro. Ẹkeda “nnyanyan̄a” ye “cubit” ẹdomo temple oro; (anyan nnyanyan̄a kiet ekedi n̄kpọ nte ikpat 10, ndien anyan cubit kiet edi n̄kpọ nte centimita 52). (Eze 40:5) Nte ẹnen̄erede ẹtịn̄ ẹban̄a uniọn̄ ye ubom temple emi ke n̄kukụt oro anam ndusụk owo ẹkere ke anaedi n̄kukụt oro okowụt utọ temple oro Zerubbabel edibọpde ke ini mme Jew ẹfiakde ẹnyọn̄ obio mmọ. Edi n̄kpọ ndomokiet idụhe ndiwụt ke emi edi akpanikọ.
it-2 467 ¶4
Enyịn̄
Sia nditọ Israel ẹkekerede enyịn̄ Jehovah, mmọ ẹma ẹsuene enyịn̄ oro ke ini mmọ ẹketrede ndinịm ibet Jehovah. (Eze 43:8; Am 2:7) Nsọn̄ibuot mmọ ama anam Jehovah amia mmọ ufen, ndien emi ama anam mme idụt en̄wen ẹtiene ẹsuene enyịn̄ Abasi. (Men Ps 74:10, 18; Isa 52:5 domo.) Ke ini mme idụt oro ẹkekụtde nte nditọ Israel ẹbọde ufen, mmọ ẹkekere ke Jehovah ikemeke ndikpeme ikọt esie, edi mmọ ikakam idiọn̄ọke ke enye amia mmọ ufen idiọkn̄kpọ mmọ. Jehovah ama anam ndusụk nditọ Israel ẹfiak ẹnyọn̄ obio mmọ man enye anam enyịn̄ esie asana.—Eze 36:22-24.
it-2 140
Unenikpe
Ntre, Jehovah esiyom mbon oro ẹyomde imọ idiọn̄ mmọ ẹfiọk nte imọ isikpede ikpe ẹnyụn̄ ẹkpe unenikpe. (Isa 1:17, 18; 10:1, 2; Jer 7:5-7; 21:12; 22:3, 4; Eze 45:9, 10; Am 5:15; Mic 3:9-12; 6:8; Zec 7:9-12)
SEPTEMBER 11-17
it-2 1001
Eyen Owo
Ke ofụri N̄wed Abasi Usem Hebrew, n̄wed Ezekiel ke ikọ oro “eyen owo” awak akan, ndien do Jehovah okot prọfet Ezekiel “eyen owo” ebe utịm ike 90. (Eze 2:1, 3, 6, 8) Etie nte Jehovah okoyom prọfet emi eti ke enye edi owo, onyụn̄ okụt ke imọ emi inọde enye etop atan̄a imenen̄ede ikon̄ ikan enye. Jehovah okot prọfet Daniel ukem enyịn̄ emi ke Daniel 8:17.
SEPTEMBER 18-24
it-2 382
Meshach
Ekeme ndidi ntak ita emi akanam mmọ ẹkere ke udia edidem ‘ayasabade’ mmimọ: (1) Mbon Babylon ẹma ẹsita mme unam emi Ibet Moses ọkọdọhọde ke edehe; (2) mbon Babylon ikesiyomke ndidiọn̄ọ m̀mê ẹwot unam ọfọn, m̀mê ẹkam ẹfafian̄ade unam oro itọn̄ ẹwot; (3) mmọ ẹma ẹsiwa unam ẹnọ mme abasi mmọ mbemiso ẹtade, ndien mmọ ẹkesida ndita unam oro nte ndikpono mme abasi oro.—Da 1:8; men 1Co 10:18-20, 28 domo.
SEPTEMBER 25–OCTOBER 1
w88 10/1 30 ¶3-5
Mme Mbụme Ẹtọde Mme Andikot
Ke ini ẹkade eyen Hebrew oro ekekerede Daniel ẹdi ke akpatre, edidem oro ama afiak etịn̄ se enye ọn̄wọn̄ọde ndinọ—ndisịne Daniel purple ke idem, ndikọn̄ọ enye n̄kwaitọn̄ gold, ndinyụn̄ nnam enye edi andikara ọyọhọ ita ke obio ubon oro. Prọfet oro ama ọbọrọ ukpono ukpono ete: “Nịm enọ fo ke idemfo, nyụn̄ da utịp fo nọ owo en̄wen: edi nyekot n̄wed emi nnọ edidem, nnyụn̄ nsian enye nte n̄kpọ emi asan̄ade.”—Daniel 5:17.
Ntre ikoyomke ẹnọ Daniel ubọkedem m̀mê ndidi se ẹkpede-kpe man akabade se ubọkn̄wed oro ọkọwọrọde. Edidem ekenyene ndinịm enọ esie nnọ idemesie m̀mê ndida nnọ owo en̄wen ekededi. Daniel ekenyene ndinam se uwetn̄kpọ oro ọwọrọde an̄wan̄a, idịghe man ọbọ n̄kpọ eyenutom, edi koro Jehovah, kpa Abasi akpanikọ, emi ubiereikpe esie ke idem Babylon akasan̄ade ekpere, ọkọnọde enye odudu ndinam ntre.
Nte nnyịn ikotde ke Daniel 5:29, ke Daniel ama okokot onyụn̄ akabarede mme ikọ oro nte enye ọkọdọhọde ke imọ iyenam, edidem ama ọnọ uyo ete ẹda n̄kpọ eyenutom emi ẹsọk Daniel. Idịghe Daniel ke idemesie ekemen ọfọn̄ oro esịne onyụn̄ ọkọn̄ọ n̄kwaitọn̄ oro. Ẹkeda ewụhọ andikara oro ẹnyenede ọyọhọ odudu, kpa Edidem Belshazzar, ẹsịne enye mme n̄kpọ emi. Edi emi ituahake ye Daniel 5:17, ke ebiet emi prọfet emi akanamde an̄wan̄a nte ke ekikere mmọ ikedịghe eke ibụk.