UKPEPN̄KPỌ 19
Ndi Mme Ntiense Jehovah Ẹdi Ata Mme Christian?
Nnyịn Mme Ntiense Jehovah imọdiọn̄ọ ke idi ata mme Christian. Nso iwụt ke idi ata mme Christian? Da ke uwụtn̄kpọ se nnyịn isikpepde, enyịn̄ emi nnyịn ikerede, ye ima emi odude ke otu nnyịn.
1. Mme Ntiense Jehovah ẹsida se mmọ ẹkpepde ẹto m̀mọ̀n̄?
Jesus ọkọdọhọ ete: “Ikọ [Abasi] edi akpanikọ.” (John 17:17) Ukem nte Jesus, Mme Ntiense Jehovah toto ke eset ẹsida se mmọ ẹkpepde ẹto Ikọ Abasi. Se uwụtn̄kpọ eke eyo nnyịn mi. Ke n̄kpọ nte ọyọhọ isua 1870, ndusụk owo emi ẹkemade Ikọ Abasi ẹma ẹtọn̄ọ ndisitie kiet ntre ndụn̄ọde Bible man ẹdiọn̄ọ akpanikọ. Kpa ye oro ndusụk se mmọ ẹkedikụtde ke Bible mîkedịghe ukem ye se ẹsikpepde ke ufọkabasi, mmọ ẹma ẹnịm ke se Bible etịn̄de edi akpanikọ. Ekem mmọ ẹma ẹtọn̄ọ ndisan̄a nnam mme owo ẹdiọn̄ọ akpanikọ oro.a
2. Nso inam isikot idem nnyịn Mme Ntiense Jehovah?
Jehovah ọdọhọ ke mbon oro ẹtuakde ibuot ẹnọ imọ ẹdi ntiense imọ, sia mmọ ẹsitịn̄ akpanikọ ẹban̄a enye. (Mme Hebrew 11:4–12:1) Ti ke Abasi ọkọdọhọ ikọt esie toto ke ata eset ete: “Mbufo ẹdi mme ntiense mi.” (Kot Isaiah 43:10.) Bible okot Jesus “Ntiense Akpanikọ.” (Ediyarade 1:5) Ntre, toto ke 1931, ima inyịme ndikere Mme Ntiense Jehovah. Enem nnyịn tutu ndikere enyịn̄ oro.
3. Nso iwụt ke Mme Ntiense Jehovah ẹkpebe ima emi Jesus ekenyenede?
Jesus ama ama mme mbet esie tutu enye ada mmọ nte ata nditọeka esie. (Kot Mark 3:35.) Mme Ntiense Jehovah ke ofụri ererimbot ẹnyụn̄ ẹda idemmọ nte nditọeka. Oro anam isikot idem nnyịn brọda ye sista. (Philemon 1, 2) Imesinyụn̄ inam item Bible emi: “Ẹnyene ima ẹnọ ofụri otu nditọete.” (1 Peter 2:17) Mme Ntiense Jehovah ẹsin̄wam nditọete mmọ ke nsio nsio itie ke ofụri ererimbot ke ini afanikọn̄. N̄kpọ en̄wen emi owụtde ke mmọ ẹma nditọete mmọ ke ofụri ererimbot edi oro.
SỊN IDEM KPEP
Se mbụk Mme Ntiense Jehovah ye n̄kpọ en̄wen oro owụtde ke idi ata mme Christian.
Ata mme Christian ẹsida kpukpru se mmọ ẹkpepde ẹto Bible; mmọ ẹsinyụn̄ ẹnam mbon en̄wen ẹdiọn̄ọ se Bible ekpepde
4. Isida kpukpru se ikpepde ito Bible
Jehovah ama etetịn̄ ke nte ini akade, ke ntre ke akpanikọ emi ọdọn̄ọde ke Bible edinen̄ede an̄wan̄a ikọt esie. Kot Daniel 12:4, ekem ẹbọrọ mbụme emi ẹnyụn̄ ẹneme ẹban̄a enye:
Nso ke ata ikọt Abasi ẹsinyene nte mmọ ẹsụk ẹdụn̄ọrede Bible, ẹyọrọde ẹdi ẹnyụn̄ ẹyọrọde ẹka ke N̄wed Abasi?
Se nte otu emi ẹkesidiọn̄ọde nte Nditọ Ukpepn̄kpọ Bible, emi Charles Russell ekesịnede ke otu mmọ, ẹkesikpepde Ikọ Abasi. Se VIDIO emi, ekem ẹbọrọ mbụme emi ẹnyụn̄ ẹneme ẹban̄a enye.
Didie ke Charles Russell ye Nditọ Ukpepn̄kpọ Bible eken ẹkesikpep Bible?
Ndi ọmọdiọn̄ọ?
Ndusụk ini imesikpụhọ se ikesinịmde. Ntak-a? Sia kpa nte eyo esisierede sụn̄sụn̄, Abasi esinam Ikọ esie an̄wan̄a ikọt esie sụn̄sụn̄. (Kot Mme N̄ke 4:18.) Bible ikpụhọkede. Edi nte Bible an̄wan̄ade nnyịn aka, imesikpụhọde se ikesinịmde.
5. Imesiwụt ke idi Mme Ntiense Jehovah
Ntak emi inyịmede ndikere Mme Ntiense Jehovah? Se VIDIO emi, ekem ẹbọrọ mbụme oro etienede ẹnyụn̄ ẹneme ẹban̄a enye.
Nso inam enyịn̄ oro Mme Ntiense Jehovah odot nnyịn?
Ntak emi Jehovah Abasi emekde mme owo ete ẹdi ntiense esie? Enye oyom mmọ ẹnam mbon en̄wen ẹdiọn̄ọ ke enye edi ata Abasi, enye onyụn̄ oyom mmọ ẹyarade nsu emi ẹsude edori enye. Se nsu iba mi ke otu nsu oro ẹsude ẹdori Abasi.
Ediwak ufọkabasi ẹdọhọ ke Abasi ikpanke owo ndida edisọi mbiet n̄kpono enye. Kot Leviticus 26:1, ekem ẹbọrọ mbụme emi ẹnyụn̄ ẹneme ẹban̄a mmọ:
Nso idi ata akpanikọ? Abasi ada didie ndisọi n̄kpọ ye mbiet nsio nsio n̄kpọ emi mme owo ẹsikamade ẹkpono enye?
Ndusụk ikpọ owo ufọkabasi ẹdọhọ ke Jesus edi Abasi. Kot John 20:17, ekem ẹbọrọ mbụme emi ẹnyụn̄ ẹneme ẹban̄a mmọ:
Nso idi ata akpanikọ? Ndi Abasi ye Jesus edi ukem owo m̀mê nsio nsio owo?
Etie fi didie ndidiọn̄ọ ke Jehovah ọnọ Mme Ntiense esie utom ete ẹnam mme owo ẹnen̄ede ẹdiọn̄ọ owo emi Enye ye Eyen esie ẹdide?
6. Ima odu ke otu nnyịn
Bible ọdọhọ ke ata mme Christian ẹtie nte nsio nsio ndido idem. Kot 1 Corinth 12:25, 26, ekem ẹbọrọ mbụme emi ẹnyụn̄ ẹneme ẹban̄a mmọ:
Ata Christian akpanam nso ke ini n̄kpọ etịbede ọnọ Christian nte enye?
Nso inam fi enịm ke ima odu ke otu Mme Ntiense Jehovah?
Ke ini afanikọn̄ esịmde Mme Ntiense Jehovah ke ebiet ekededi ke ererimbot, Mme Ntiense Jehovah ke ofụri ererimbot ẹsisọp ẹn̄wam. Ke uwụtn̄kpọ, se VIDIO emi. Ekem ẹbọrọ mbụme oro etienede ẹnyụn̄ ẹneme ẹban̄a enye.
Didie ke Mme Ntiense Jehovah ẹsiwụt ima emi mmọ ẹnyenede ke ini n̄kpọ etịbede?
Ima esinam ata mme Christian ẹn̄wam mbon oro afanikọn̄ ẹsịmde
NDUSỤK OWO ẸSIDỌHỌ ẸTE: “Mbufo ẹnam didie ẹdi Ntiense Jehovah, ẹmekụt Abasi akpa?”
Tọn̄ọ ini ewe ke Jehovah ọkọtọn̄ọ ndikot mbon emi ẹnamde n̄kpọ esie mme ntiense esie?
SE IKPEPDE
Mme Ntiense Jehovah ẹdi ata mme Christian. Idu ke ofụri ererimbot, kpukpru se isikpepde oto Bible, imesinyụn̄ inam mme owo ẹnen̄ede ẹdiọn̄ọ Jehovah.
Se M̀mê Emeti
Ntak emi nnyịn inyịmede ndikere Mme Ntiense Jehovah?
Isinam n̄kpọ didie ye Mme Ntiense Jehovah eken?
Ndi emekere ke Mme Ntiense Jehovah ẹdi ata mme Christian?
KPEP N̄KPỌ EN̄WEN
Kpep n̄kpọ en̄wen ban̄a nnyịn.
Mme Ntiense Jehovah—Ẹwụt ke Imenyene Mbuọtidem, Akpa Ikpehe: Mmọ Ẹwọrọ ke Ekịm (1:00:53)
Se nte Mme Ntiense Jehovah ẹkeyararede nsio nsio nsu.
Se ibọrọ nsio nsio n̄kpọ emi mme owo ẹsibụpde ẹban̄a Mme Ntiense Jehovah.
“Mbụme Emi Ẹsiwakde Ndibụp Mban̄a Mme Ntiense Jehovah” (Odu ke jw.org)
Stephen ama esinam mme owo ibak ke ntak usua. Se enye okokụtde ke otu Mme Ntiense Jehovah ama okpụhọde enye.
a Ke 1879, ikọt Jehovah ẹma ẹtọn̄ọ ndisio Enyọn̄-Ukpeme man ẹnam mme owo ẹdiọn̄ọ akpanikọ oro.