Ufen ọyọyọhọ ererimbot emi, edi ndi Abasi esinam nnyịn ibọ ufen?
Bible Ọdọhọ Didie?
Ndi Abasi esinam nnyịn ibọ ufen?
Didie ke ọkpọbọrọ?
Ih
Ihih
Ekeme ndidi
Se Bible ọdọhọde
“Nsa-o ata Abasi ndinam se idiọkde, Ata Ọkpọsọn̄ ndinyụn̄ nnam se mînenke!” (Job 34:10) Sia Abasi mîkemeke ndinam se idiọkde, idịghe enye anam nnyịn ibọ ufen.
Nso en̄wen ke Bible ọdọhọ?
Satan emi edide “andikara ererimbot emi” enen̄ede anam nnyịn ibọ ufen.—John 14:30.
N̄kpọ en̄wen emi esinamde ibọ ufen edi idiọk n̄kpọ oro ikanamde.—James 1:14, 15.
Ndi ufen eyetre tutu amama?
Ndusụk owo ẹnịm ke mme owo ẹkeme ndidian ubọk nnam ufen etre ke ererimbot emi, edi mbon en̄wen ẹdọhọ ke idụhe se idinamde ufen etre. Afo ekere didie?
Se Bible ọdọhọde
Abasi ayanam ufen etre. “N̄kpa idinyụn̄ idụhe aba, mfụhọ m̀mê ntuan̄a m̀mê ubiak idinyụn̄ idụhe aba.”—Ediyarade 21:3, 4.
Nso en̄wen ke Bible ọdọhọ?
Abasi ayanam Jesus etre ufen emi Satan adade edi.—1 John 3:8.
Nti owo ẹyedụn̄ ke isọn̄ ke emem ke nsinsi.—Psalm 37:9-11, 29.