ምሳሌ

23 ከንጉሥ ጋር ለመመገብ ስትቀመጥ፣

በፊትህ ያለውን በሚገባ አስተውል፤

 2 ለመብላት ብትቋምጥ* እንኳ

በጉሮሮህ ላይ ቢላ አስቀምጥ።*

 3 የእሱ ጣፋጭ ምግብ አያስጎምጅህ፤

ምግቡ አታላይ ነውና።

 5 ዓይንህን ስትጥልበት በዚያ አታገኘውም፤+

የንስር ዓይነት ክንፎች አውጥቶ ወደ ሰማይ ይበርራልና።+

 6 የስስታምን* ምግብ አትብላ፤

ጣፋጭ ምግቡ አያስጎምጅህ፤

 7 እሱ ሒሳብ እንደሚይዝ* ሰው ነውና።

 8 የበላሃትን ቁራሽ ምግብ ታስመልሳለህ፤

የተናገርካቸው የምስጋና ቃላትም ከንቱ ይሆናሉ።

 9 የምትናገራቸውን ጥበብ ያዘሉ ቃላት ስለሚንቅ+

ለሞኝ ሰው ምንም አትናገር።+

10 የጥንቱን የወሰን ምልክት ከቦታው አታንቀሳቅስ፤+

ደግሞም አባት የሌላቸውን ልጆች መሬት አትያዝ።

11 የሚከራከርላቸው* ብርቱ ነውና፤

እሱ ራሱ ከአንተ ጋር ይሟገትላቸዋል።+

12 ልብህን ለተግሣጽ፣

ጆሮህንም ለእውቀት ቃል ስጥ።

14 ከመቃብር* ታድነው ዘንድ*

በበትር ምታው።

15 ልጄ ሆይ፣ ልብህ ጥበበኛ ቢሆን፣

የእኔ ልብ ሐሴት ያደርጋል።+

16 ከንፈሮችህ ትክክል የሆነውን ሲናገሩ

ውስጤ ደስ ይለዋል።*

17 ልብህ በኃጢአተኞች አይቅና፤+

ከዚህ ይልቅ ቀኑን ሙሉ ይሖዋን በመፍራት ተመላለስ፤+

18 እንዲህ ብታደርግ የወደፊት ሕይወትህ የተሳካ ይሆናል፤+

ተስፋህም ከንቱ አይሆንም።

19 ልጄ ሆይ፣ አዳምጥ፤ ጥበበኛም ሁን፤

ልብህንም በትክክለኛው መንገድ ምራ።

20 ብዙ የወይን ጠጅ እንደሚጠጡ፣+

ሥጋም ያለልክ እንደሚሰለቅጡ ሰዎች አትሁን፤*+

21 ሰካራምና ሆዳም ይደኸያሉና፤+

ድብታ ሰውን የተቦጫጨቀ ልብስ ያስለብሰዋል።

22 የወለደህን አባትህን ስማ፤

እናትህንም ስላረጀች አትናቃት።+

23 እውነትን ግዛ፤* ፈጽሞም አትሽጣት፤+

ጥበብን፣ ተግሣጽንና ማስተዋልን ገንዘብህ አድርግ።+

24 የጻድቅ አባት ደስ ይለዋል፤

ጥበበኛ ልጅ የወለደ ሁሉ በልጁ ሐሴት ያደርጋል።

25 አባትህና እናትህ ሐሴት ያደርጋሉ፤

አንተን የወለደችም ደስ ይላታል።

26 ልጄ ሆይ፣ ልብህን ስጠኝ፤

ዓይኖችህም መንገዴን ይውደዱ።+

27 ዝሙት አዳሪ ጥልቅ ጉድጓድ፣

ባለጌ* ሴትም ጠባብ ጉድጓድ ናትና።+

28 እንደ ዘራፊ ታደባለች፤+

ታማኝ ያልሆኑ ወንዶችን ቁጥር ታበዛለች።

30 ይህ ሁሉ የሚደርሰው የወይን ጠጅ በመጠጣት ረጅም ጊዜ በሚያሳልፉ፣+

የተደባለቀም ወይን ጠጅ ፍለጋ በሚዞሩ* ሰዎች ላይ ነው።

31 በብርጭቆ ውስጥ ሲያንጸባርቅ፣

እየጣፈጠም ሲወርድ በወይን ጠጅ ቅላት ዓይንህ አይማረክ፤

32 በመጨረሻ እንደ እባብ ይናደፋልና፤

እንደ እፉኝትም መርዙን ይረጫል።

33 ዓይኖችህ እንግዳ ነገር ያያሉ፤

ልብህም ጠማማ ነገር ይናገራል።+

34 በባሕር መካከል እንደተኛ፣

በመርከብ ምሰሶም ጫፍ ላይ እንደተጋደመ ሰው ትሆናለህ።