“ይሖዋ ከሰማይ በሚወርዱ ምርጥ ነገሮች፣

በጤዛና ከታች በሚመነጩ ውኃዎች+

ምድሩን ይባርክ፤+

14 እንዲሁም ፀሐይ በምታስገኛቸው ምርጥ ነገሮች፣

በየወሩ በሚገኝ ምርጥ ፍሬ፣+

15 ጥንታዊ ከሆኑ ተራሮች* በሚገኙ ምርጥ ነገሮች፣+

ጸንተው ከሚኖሩት ኮረብቶች በሚገኙ ምርጥ ነገሮች፣

16 ከምድር በሚገኙ ምርጥ ነገሮችና ምድርን በሞሉ ምርጥ ነገሮች፣+

በቁጥቋጦው ውስጥ በተገለጠው በእሱ ሞገስ ይባርክ።+

እነዚህ ሁሉ በዮሴፍ ራስ ላይ፣

ከወንድሞቹ መካከል ተነጥሎ በወጣው አናት ላይ ይውረዱ።+

17 ግርማው እንደ በኩር በሬ ነው፤

ቀንዶቹም የዱር በሬ ቀንድ ናቸው።

በእነሱም ሰዎችን፣

ሕዝቦችን ሁሉ እስከ ምድር ዳርቻ ይገፋል።*

እነሱ የኤፍሬም አሥር ሺዎች ናቸው፤+

የምናሴም ሺዎች ናቸው።”