Kato Ni Taro

◼ Meda taura mai vei na noda ilavelave yadua ni Vale ni Vakatawa kei na Yadra!?

Ni sa sega ni vakaikeretaki ena gauna oqo Na Vale ni Vakatawa kei na Yadra! e tabaki ena vosa kece, mera taura gona mai na ivavakoso na dautukutuku kece na nodra ilavelave kei na kaseti. Vakavo ga na nodra ivoladraudrau kei na nodra kaseti na mataboko, e vakau wale ena meli vei ira ga e ganiti ira. Na ivavakoso e vinakata na ivoladraudrau e katoni ena kaseti, me kerei ena Congregation Requests (M-202) fomu. Me vakayagataki na fomu oqo ke kerei e dua tale na vosa, se na ivola e tabaki ena matanivola levu ena vosa vakavalagi.

Ke dua ena yalava e dau taleitaka na ilavelave vouvou ni Vale ni Vakatawa kei na Yadra!, me kau vua na ilavelave vovou kece, me kua ni calati e dua. O ira na vakasivoi e rawa nira taura nodra ivola kei na ivoladraudrau ena Kingdom Hall. Ia mera kua ni okati na vakasivoi ena noda yalava ni soli ivoladraudrau.

Ena vakadonuya ga na valenivolavola ni tabana nodra vakaikere o ira na tiko ena vanua e dredre ni kau vei ira na ilavelave vovou kece. Ke ratou kerea na Komiti ni Cakacaka ni iVavakoso me vakaikere e dua e dredre ni kau tiko vua na ilavelave vovou kece, me dua na nona ivola na vunivola me vakadeitaka kina ni ratou sa dikeva vinaka, eratou sa vakadonuya tale ga na Komiti ni Cakacaka ni iVavakoso.

Sa sega ni rawa vua e dua na dautukutuku me kerea ina valenivolavola ni tabana me vakaikere. Ke dua na dautukutuku e kerekere mai ena vakau lesu ina nona ivavakoso na nona kerekere.

◼ Era na taura vakacava nodra ilavelave ni ivoladraudrau o ira na curu tu e valeniveivesu?

Na ivavakoso e qarava tiko na yalava e tiko kina na valeniveivesu e rawa ni lesia e dua me kauta tiko na ilavelave vovou kece ni Vale ni Vakatawa kei na Yadra! vua na kaivesu. Ke sega ni rawa oqo, me dua na nona ivola ni kerekere na kaivesu ina valenivolavola ni tabana. E rawa tale ga ni taura na nona ilavelave vovou me vaka e vakamacalataki tiko ena parakaravu oqo, e dua e curu tiko e valeniveivesu ia e sa vakasivoi tu.