Lěe è ná zán akpomɛwéma élɔ́ gbɔn é

Ðo wěxwɛ e bɔ d’é wú lɛ́ é jí ɔ, a ná mɔ wěmafɔ ɖé nú azǎn ɖokpó ɖokpó, gɔ́ nú tínmɛ e kúnkplá wěmafɔ ɔ lɛ́ é. Nǔgbó wɛ ɖɔ è sixú xa wěmafɔ ɔ kpó tínmɛ e ɖ’é jí lɛ́ é kpó ɖo hweɖébǔnu, amɔ̌, mɛ gěgé mɔ ɖɔ ényí è gbéjé kpɔ́n zǎnzǎn lɛ́ ɔ, é nɔ nyɔ́ hú gǎn. Mɔ̌ mɛ ɔ, yě sixú lin tamɛ dó linlin e yě gbéjé kpɔ́n lɛ́ é jí ɖo kéze ɔ bǐ mɛ. Ényí xwédo ɔ bǐ nɔ nɔ kpɔ́ bo ɖɔ xó ɖó kpɔ́ dó wěmafɔ ɔ jí ɔ, é nɔ ɖó le tawun. Xwédo Betɛ́li tɔn e gbɔn gbɛ ɔ mɛ lɛ́ é nɔ wa mɔ̌ ɖo nǔɖuɖu zǎnzǎn tɔn hwenu.

Atɔxwɛ (w) avril 2021 jɛ mars 2022 tɔn lɛ́ mɛ wɛ è ɖe tínmɛ lɛ́ sín. Kɛ́n ɖěɖěe bɔ dó Atɔxwɛ ɔ sín azǎn wú é nɔ dó gesí Atɔxwɛ ɔ sín wěxwɛ nabí gɔ́ e wɛ é jɛ nukɔn, bɔ éé bɔ d’é wú é nɔ dó gesí akpáxwé ɖěɖěe mɛ è ɖe tínmɛ lɛ́ sín é. (Kpɔ́n kpɔ́ndéwú e ɖo do é.) A sixú mɔ mɔjɛmɛ ɖěvo lɛ́ ɖo xóta ɔ ɖésú mɛ.