Nǔ mɛ ɖěvo lɛ́ tɔn ní nɔ ɖu ayi mɛ nú we

Nǔ e Jezu wa é

VIDEO: Jezu kpó nyɔ̌nu ɔ kpó ɖo sɛ́tɔ ɔ nu

1. Kpɔ́n VIDEO ɔ, alǒ xa Jaan 4:6-9. Énɛ́ gúdo hǔn, lin tamɛ dó nǔkanbyɔ́ élɔ́ lɛ́ jí:

1. Étɛ́ wú Jezu ka ɖ’ayi ɖo nyɔ̌nu ɔ wú cóbó jɛ xó ɖɔ xá ɛ jí?

2. Jezu ɖɔ: “Nǎ sin mì má nu.” Étɛ́wú wlɛnwín énɛ́ ka nyí wlɛnwín ɖagbe ɖé bɔ è ná zán dó bɛ́ xóɖɔɖókpɔ́?

Étɛ́ kpɔ́ndéwú Jezu tɔn ka sixú kplɔ́n mǐ?

2. Ényí mǐ jɛ xó ɖɔ xá mɛɖé jí dó xóta e nɔ ɖu ayi mɛ n’i é jí ɔ, xóɖɔɖókpɔ́ ɔ ná ɖibla nyí xóɖɔɖókpɔ́ ɖagbe.

Xwedó kpɔ́ndéwú Jezu tɔn

3. Nɔ húzú alɔ. Ma ɖɔ ɖɔ xóta e ɖo ayi towe mɛ é jí jɛ́n émí ná ɖɔ xó dó géé ó. Bɛ̌ xó towe kpó nǔ e jí mɛ lɛ́ ɖo tamɛ lin dó wɛ égbé é ɖé kpó. Kanbyɔ́ hwiɖée ɖɔ:

1. ‘Xó tɛ́ ka ɖo atɛ jí din?’

2. ‘Étɛ́ jí ɖɔ xó dó wɛ nɔzo ce lɛ́, azɔ̌gbɛ́ ce lɛ́, alǒ azɔ̌mɛvígbɛ́ ce lɛ́ ka ɖe?’

4. Nɔ ɖó ayi nǔ wú. Kanbyɔ́ hwiɖée ɖɔ:

1. ‘Étɛ́ wa wɛ mɛ ɔ ka ɖe? Étɛ́ jí lin tamɛ dó wɛ é ka sixú ko ɖe?’

2. ‘Étɛ́ nǔ e mɛ ɔ dó é, lěe é cí ɖo wěxo é, alǒ xwé tɔn ka xlɛ́ mì dó nǔ e é ɖi nǔ ná lɛ́ é, alǒ jɔtɛn tɔn wú?’

3. ‘Din wɛ nyí hwenu e é jɛxá ɖɔ má ɖɔ xó xá mɛ ɔ é a?’

5. Nɔ ɖótó mɛ.

1. Ma ɖɔ xó dín ó.

2. Dǒ wǔsyɛ́n lanmɛ nú mɛ ɔ ɖɔ é ní ɖɔ linlin tɔn. Nɔ kan nǔ byɔ́ hwenu e é ná jɛ gan dó é.