Alɔdlɛndonǔ Kplé Gbɛzán kpo Sinsɛnzɔ́ kpo Tɔn Sín Azɔ̌wema Tɔn Lɛ

5-11 DÉCEMBRE

DƆKUN MAWUXÓ Ɔ TƆN ÐÉ LƐ | EZAYÍI 1-5

it-2-F 735 akpá. 1

Hwɛdogbɔ

Afɔ ɖěɖee ɖò dandan bɔ è na ɖè dó dóhwɛ gbɔ é. Ðó Mawu wɛ è dó xomɛsin na bɔ sɛ́n tɔn jí wɛ è ɖò afɔ tɛ wɛ wutu ɔ, gbɛtɔ́ wɛ ɖó na dóhwɛ gbɔ xá Mawu, enyi Mawu wɛ na dóhwɛ gbɔ xá gbɛtɔ́ ǎ. (Ðɛ 51:3-6) Gbɛtɔ́ kpo Mawu kpo ɖò hǎ jí ǎ, mɔ̌ jɛ nǔ e sɔgbe ɖò Mawu nukúnmɛ é ma nɔ huzu ǎ é nɛ. (Eza 55:6-11; Mal 3:6; sɔ́ jlɛ́ dó Ja 1:17 wu.) Enɛ wu ɔ, nǔ ɖěɖee é byɔ cobɔ è na dóhwɛ gbɔ xá ɛ lɛ é nɔ ɖyɔ ǎ, mɔ̌ jɛn è ma ka nɔ dó fɛ̀n kpá ǎ é nɛ. (Sɔ́ jlɛ dó Jɔb 40:1, 2, 6-8; Eza 40:13, 14 wu.) Lilɛdogbeɖevomɛ gègě lilɛ Ezayíi 1:18 dó lě, “Mi wá nú mǐ na sè nǔ jɛ mǐɖee gbè mɛ, wɛ AKLUNƆ ɖɔ” (KJ; AT; JP; RS), amɔ̌, lilɛdogbeɖevomɛ e sɔgbe bo lɛ́ xwè ali é wɛ nyí: “Gbɛtɔ́ lɛ emi, mi wá, bonu mǐ na vɔ́ nǔ lɛ jlaɖó [“mi nú mǐ ni ɖɔhwɛ ɔ gbò,” Ro] ɖò mǐɖée tɛntin,’ wɛ Jehovah ɖɔ.” Nùwanyido e dɔn hwɛgbe dó gbɛtɔ́ kpo Mawu kpo tɛntin é bǐ wɛ sín gbɛtɔ́ wu, ɖebǔ sín Mawu wu ǎ.​—Sɔ́ jlɛ dó Eze 18:25, 29-32 wu.