Nɔ vɔ́ nǔ tají lɛ́ jí gbɔn

A ka ko kplɔ́n nǔɖé bɔ é lín ɖěbǔ ǎ bɔ flínflín tɔn vɛ́ wǔ nú we kpɔ́n a? Mǐ bǐ wɛ nǔ mɔ̌hun nɔ xá hweɖélɛ́nu. Étɛ́ ka sixú d’alɔ? Nɔ vɔ́ nǔ tají lɛ́ jí gbɔn.

A ɖo nǔ kplɔ́n wɛ hǔn, nɔ yi agbɔ̌n jí sín hweɖénu jɛ hweɖénu dó lin tamɛ dó nǔ tají hú gǎn lɛ́ jí. Nǔ e mɛsɛ́dó Pɔ́lu dó wǔsyɛ́n lanmɛ nú nɔví súnnu kpó nɔví nyɔ̌nu kpó tɔn lɛ́ ɖɔ yě ní nɔ wa hwenu e yě ná nɔ ɖo wěmasɛ́dómɛ tɔn kplɔ́n wɛ é nɛ́. É ɖɔ: “Din ɔ, nǔ e ɖo tají . . . é ɖíe.” (Ebl. 8:1) Kpó xógbe énɛ́ lɛ́ kpó ɔ, é d’alɔ tóɖóetɔ́ lɛ́ bɔ yě tuun fí e xó tɔn xwe é, bo lɛ́ mɔ lěe nǔ tají ɖokpó ɖokpó cá kan xá xóta tɔn gbɔn é.

A sixú nɔ ɖe hwenu ɖó vo, é sixú nyí cɛ́jú wǒ ɖo nǔkplɔ́nkplɔ́n towe gúdo, dó lin tamɛ dó nǔ tají e ɖo nǔ e a kplɔ́n é mɛ lɛ́ é jí. Ényí a ma sixú flín nǔ tají lɛ́ ganjí ǎ hǔn, lɛ̌ nyi kɔ kpɔ́n xótala lɛ́, alǒ xa nukɛgbe nukɔntɔn akpáxwé ɖokpó ɖokpó tɔn dó flín yě. Ényí a kplɔ́n nǔ yɔ̌yɔ́ ɖé hǔn, tɛ́n kpɔ́n bo tínmɛ dó xógbe hwiɖésúnɔ tɔn lɛ́ mɛ. Ényí nǔ kɛ́ɖɛ́ wɛ nǔ tají lɛ́ jí vívɔ́ gbɔn ná d’alɔ we bɔ a ná flín ǎ, loɔ, é ná lɛ́ d’alɔ we bɔ a ná mɔ lěe nǔ e a kplɔ́n é kunkplá gbɛzán towe gbɔn é.