Axɔ́sú jixwe tɔn ɖe hɛn nyɔ̀ná lɛ wá ayikungban ji

41 Jehovah ze Jezu sɔ do ɖǒ axɔ́sú ɖo jixwe.—Isaïe 9:6; Daniel 7:13, 14; Mɛsɛ́dó 2:32-36

42 É na wá kpacɛ̀ do ayikungban ɔ bǐ ji.—Daniel 7:14; Matie 28:18

43 A ka flin nu e na wá jɛ́ dó mɛnyanya lɛ wu ɔ à?—Psaumes 37:9, 10; Luka 13:5

44 A ka flin nyikɔ wɛnsagún nukɔn tɔn ée hù hwɛ̀ ɔ tɔn à? Jezu na wá hù wɛnsagún nyanya ɖèlɛ kpó e kpó. Bocyɔ kpó yɛɖiɖe yé tɔn lɛ kpó na nyi kúnsúdǒ na.—Eble Lɛɛ 2:14; Nǔɖexlɛ́mɛ 20:2, 10

45 Jezu na wà nǔɖagbe gègé nú gbɛtɔ tónusetɔ lɛ.—Eble Lɛɛ 5:9

46 Mɛ ɖebu sɔ na jɛ̀ azɔ̀n à.—Isaïe 33:24; Nǔɖexlɛ́mɛ 22:1, 2

A flin ɖée Jezu nɔ gbɔ azɔ̀n nú mɛ lɛ gbɔ̌n à?

47 Mɛ lɛ bǐ na ɖó nǔɖagbe lɛ.—Isaïe 65:17, 21-23

48 Mawu na flin mɛ é ko kú lɛ é. É na yi Jezu zán bo na do hɛn yé wá gbɛ̀. Elɔ wɛ nɔ nyi fínfɔ́n sín kú wá gbɛ̀.—Jaan 5:28, 29; 11:25

49 Hwenu e è hù mɛnyanya lɛ wayi gudo é ɔ, mɛɖe sɔ na kú à. Gbèkanlin lɛ lɔ̀ mɔ̀ sɔ na nyi awòvínɔ̀ à. Mɛ bǐ na ɖò awàjíjɛ́ mɛ káká sɔyì.—Nǔɖexlɛ́mɛ 21:4; Isaïe 65:25; Psaumes 37:11, 29