Jehovah Yí Wǎn nú Mɛ E Nɔ Fɛ́wǔ lɛ É

“Klɔ́ alɔ towe lɛ. Jlǎ xɔ towe mɛ ɖó. Súnsún kɔ́mɛ. Bɛ̌ zunkɔ́ kɔn nyi gbě.” Mɛjitɔ́ gegě nɔ kplɔ́n lee vǐ yetɔn lɛ na nɔ mimɛ̌ jí ɖò agbaza lixo gbɔn é ye. Amɔ̌, Mawu mǐtɔn e mɛ́ é wɛ nyí dǒwatɔ́ nǔgbododó e kúnkplá mimɛ̌jininɔ é tɔn. (Tí 30:18-20; Sɛ́ 23:15; 2Kɔ 7:1) Nú mǐ hɛn agbaza mǐtɔn kpo nǔ e ɖò mǐ sí lɛ é kpo ɖó mimɛ̌ jí ɔ, mǐ nɔ kpa susu nú Jehovah. (1Pi 1:14-16) Xwé mǐtɔn kpo fí e lɛlɛ̌ dó è lɛ é kpo ka lo? Klisanwun lɛ gbɔn vo nú gbɛtɔ́ kpaa ɖěɖee nɔ kɔn zunkɔ́ nyi ali lɛ jí alǒ jikpá lɛ mɛ lɛ é, ɖó ye nɔ wà nǔ e wu ye kpé é bǐ bo nɔ hɛn ayikúngban ɔ ɖó mimɛ̌ jí. (Ðɛ 115:16; Nǔ 11:18) É na bo tlɛ nyí nǔ kpɛví lɛ, ɖi bɔnwunbɔnwunfló lɛ, sisɛ́tigannú lɛ, alǒ cígɔ̌mu lɛ ɔ, ye sixu ɖè lee mǐ nɔ wà nǔ gbɔn ɖò mimɛ̌jininɔ linu é xlɛ́. Ðò akpáxwé gbɛzán mǐtɔn tɔn lɛ bǐ mɛ ɔ, mǐ jló na “ɖexlɛ́” ɖɔ “mǐ nyí azɔ̌watɔ́ Mawu tɔn” lɛ.​—2Kɔ 6:3, 4.

KPƆ́N VIDEO MAWU YÍ WǍN NÚ MƐ E NƆ FƐ́WǓ LƐ É Ɔ, ENƐ GUDO HǓN, NǍ XÓSIN NÚ NǓKANBYƆ ELƆ LƐ:

• Hwɛjijɔ tɛ mɛɖé lɛ ka nɔ ba bo nɔ gbɛ́ nǔ yetɔn lɛ hɛn ɖó mimɛ̌ jí?

• Nɛ̌ Mɔyizisɛ́n ɔ ka ɖè linlin e Jehovah nɔ ɖó dó mimɛ̌jininɔ wu é xlɛ́ gbɔn?

• Nɛ̌ mǐ ka sixu nɔ numakɛ bo kpa susu nú Jehovah gbɔn?