KLISÁNWUN GBƐ ZÍNZÁN
Lɛ̌ngbɔ́nyitɔ́ ɖěɖěe nɔ w’azɔ̌ nú ɖagbe togun Jexóva tɔn tɔn lɛ́ é
Mɛ gěgé nɔ ɖó linlin ɖagbe dó mɛ e ɖo tɛn acɛkpikpa tɔn mɛ lɛ́ é wú ǎ. Yǎyá wú ka wɛ ǎ. Mɛ gěgé wɛ ko zán acɛ e yě ɖó é nyi do bo xo ɖagbe yěɖésúnɔ tɔn sín kan. (Mi 7:3) É víví nú mǐ tawun ɖɔ è kplɔ́n azɔ̌ mɛxó agun tɔn mǐtɔn lɛ́ bɔ yě nɔ zán acɛ e yě ɖó é nú ɖagbe togun Jexóva tɔn tɔn.—Ɛst 10:3; Mt 20:25, 26.
Mɛxó agun tɔn lɛ́ gbɔn vo nú mɛ e ɖó acɛ ɖo gbɛ élɔ́ mɛ lɛ́ é. Yě nɔ wa nukúnkpénǔwútɔ́zɔ́ yětɔn ɖó wǎn e yě yí nú Jexóva kpó togun tɔn kpó é wútu. (Jn 21:16; 1Pi 5:1-3) Jezu nɔ xlɛ́ ali lɛ̌ngbɔ́nyitɔ́ énɛ́ lɛ́ bɔ yě nɔ d’alɔ wɛnjlátɔ́ ɖokpó ɖokpó, bɔ yě nɔ mɔ ɖɔ xwégbe wɛ émí ɖe ɖo xwédo Jexóva tɔn mɛ, bo nɔ lɛ́ vɛ́ kpó Jexóva kpó. Yě nɔ ɖo gbesisɔmɛ bo nɔ yá wǔ dó wǔsyɛ́n lanmɛ nú lɛ̌ngbɔ́ Jexóva tɔn lɛ́ ɖo gbigbɔ lixo, lobo nɔ lɛ́ d’alɔ yě hwenu e dotóoxwéxó xwetɔ́n ajijimɛ alǒ adla j’ayǐ gba nǔ é. Ényí a ɖó hudó alɔdó tɔn ɔ, étɛ́wú a ma ka ná ɖe afɔ nukɔntɔn ɔ bo ylɔ́ mɛxó agun tɔn towe ɖé ǎ?—Ja 5:14.
KPƆ́N VIDEO LƐ̌NGBƆ́NYITƆ́ ÐĚÐĚE NƆ KPÉ NUKÚN DÓ LƐ̌NGBƆ́KPÓ Ɔ WÚ LƐ́ É Ɔ, ÉNƐ́ GÚDO HǓN, NǍ XÓSIN NÚ NǓKANBYƆ́ ÉLƆ́ LƐ́:
Nɛ̌ Mariana ka ɖu alɔ e mɛxó agun tɔn lɛ́ dó è é sín le gbɔn?
Nɛ̌ Elias ka ɖu alɔ e mɛxó agun tɔn lɛ́ dó è é sín le gbɔn?
Ée a kpɔ́n video élɔ́ fó gúdo é ɔ, nɛ̌ nǔ ka cí nú we dó azɔ̌ e mɛxó agun tɔn lɛ́ nɔ wa é wú?