È ná jlá nǔ bǔnɔ ɖé ɖo septembre mɛ bá dó jlá Axɔ́súɖuto Mawu tɔn!

Ðo septembre mɛ ɔ, mǐ ná dó gǎn bá jlá ɖɔ Axɔ́súɖuto Mawu tɔn kɛ́ɖɛ́ wɛ sixú ɖe ɖɛ tagba gbɛtɔ́ tɔn lɛ́. (Mt 24:14) Nɛ̌ a ka sixú ɖ’alɔ ɖ’é mɛ gbɔn? Xa wěmafɔ Biblu tɔn e ɖɔ xó dó Axɔ́súɖuto Mawu tɔn wú é ɖé nú mɛ gěgé lěe a kpé wú gbɔn é ɖo sun ɔ mɛ. Ényí mɛɖé ɖó jlǒ hǔn, nǎ ɛ Atɔxwɛ mɛ bǐ tɔn n^o 2 2020 tɔn ɖokpó. Énɛ́ gúdo hǔn, yǎ wǔ yi ba mɛ ɔ kpɔ́n lěe é nyɔ́ bló gbɔn é, bo tɛ́n kpɔ́n bo bɛ́ Biblu kplɔ́nkplɔ́n xá ɛ ɖo alɔnuwéma Ðu gbɛ víví káká sɔ́yi! mɛ. Mɛ e ɖo sinsɛnzɔ́ gběxosín-alijítɔ́ alɔgɔ́tɔ́ tɔn wa wɛ lɛ́ é bǐ sixú ná ganxixo 15 alǒ 30 e è nɔ ɖó nukún ɖɔ gběxosín-alijítɔ́ lɛ́ ní ná é ɖo septembre mɛ.

Zaanɖé din ɔ, Axɔ́súɖuto Mawu tɔn ná sú kún dó nú acɛkpikpa e nɔ klán gbe xá ɛ lɛ́ é bǐ. (Da 2:44; 1Kɔ 15:24, 25) Mi nú mǐ ní ɖ’alɔ ɖo nǔjlájlá bǔnɔ énɛ́ mɛ bǐ mlɛ́mlɛ́ bá dó ɖe xlɛ́ ɖɔ Jexóva kpó Axɔ́súɖuto tɔn kpó sín akpáxwé wɛ mǐ ɖe!