“Axɔ́suɖuɖu Towe Ni Wá”: Ðɛ E Gbɛtɔ́ Livi Mɔkpan Nɔ Vɔ́ Xò É Ðé
A ka ko xoɖɛ bo ɖɔ Axɔ́suɖuto Mawu tɔn ni wá kpɔ́n à? Nú xwè kanweko mɔkpan ɔ, gbɛtɔ́ livi mɔkpan vɔ́ ɖɛ elɔ xò: “Axɔ́suɖuɖu towe ni wá.” Etɛwu ye ka nɔ vɔ́ ɖɛ enɛ xò? Ðó Jezu ɖɔ nú ahwanvu tɔn lɛ ɖɔ ye ni nɔ xoɖɛ bo byɔ Axɔ́suɖuto Mawu tɔn.
Tlolo ɔ, ahwanvu Jezu tɔn lɛ mɔ nǔ jɛ nǔ e Jezu ɖɔ dó Axɔ́suɖuto ɔ wu lɛ é bǐ wu ǎ. Ye kanbyɔ ɛ gbè ɖokpo ɖɔ: “Aklunɔ, hwenɛnu wɛ a na lɛ́vɔ axɔ́suɖuɖu Izlayɛli tɔn ɔ sɔ́ dó alɔ mɛ nú Izlayɛli à?” Xósin e Jezu ma na ye tlɔlɔ ǎ é sixu ko kpaca ye. (Mɛsɛ́dó 1:6, 7) Enɛ xlɛ́ ɖɔ mǐ kún sixu tuùn nǔ e Axɔ́suɖuto Mawu tɔn nyí é kpo hwenu e é na wá dó é kpo ó wɛ à? Ðebǔ ǎ!
Atɔxwɛ elɔ na na xósin nú nǔkanbyɔ elɔ lɛ:
Etɛwu mǐ ka ɖó hudo Axɔ́suɖuto Mawu tɔn tɔn?
Mɛ̌ ka nyí Axɔ́su nú Axɔ́suɖuto Mawu tɔn?
Hwetɛnu Axɔ́suɖuto Mawu tɔn ka na kp’acɛ dó ayikúngban ɔ jí?
Etɛ lɛ Axɔ́suɖuto Mawu tɔn ka na wà?
Etɛwu mǐ ka ɖó na wá gbeta ɔ kɔn bo nɔ gudo nú Axɔ́suɖuto Mawu tɔn dìn?
Etɛ ka nyí Axɔ́suɖuto Mawu tɔn?