Ko honno pottital amen ngal woniri ?

Ka teeminannde aranere, ka pottital almasiiyaaɓe ɓen hari ko juulugol, jannga Deftere Allah nden, sifagol ko janngaa kon e jaarugol (1 Korenti 14:26). Ko sifa ɗun feƴƴata ka pottital amen.

Ko Deftere Allah nden men janngata. Ka lannitoode yontere, moftal kala mooɓondiray fii janngugol Deftere Allah nden e heɗagol waaju e nder minitaaji 30 ko wallata men e oo saa’i ɗoo. Mo kala janngay ka Deftere mun. Si waaju ngun gasi, men waɗay jannde deftere “ Suudu Aynirdu ” fii leere gooto. Ko e nder ɗun, mo kala ka moftal sifotoo ko o janngi kon. Nden jannde wallay men no men ɗoftora sariyaaji Allah ɗin. Nden deftere no janngeede e mofte ɓuruɗe 110 000 e nder aduna on fow.

Jannde fii jannugol. Meɗen yaha kadi ka Fottirde amen kiikiiɗe e nder yontere nden fii porogaraam sennditaaɗo e pecce tati noddaaɗo Ngurndan Almasiyaaɓe ɓen e golle waajagol ngol, ko waɗaa ka Deftere gollirde ka pottital ko yaltata lewru kala. Ko adii kon e ngal pottital, Keyeeji iwruɗi ka Daaluyee Allah, wallay men no faamira senngo Deftere Allah nden ko moftal ngal janngi kon ado pottital ngal. Ɓawto ɗun, Huutor ka golle waajagol, ɗun no tawaa e hollugol honno Deftere Allah nden jannirtee. Waajotooɗo goo waɗay waajuuji ko wallata men waawude janngugol e haalugol moƴƴa. (1 Timotee 4:13) Ka lannitoode, Wuurirgol wa almasiyaaɓe, hollay honno tugaale Deftere Allah nden huutortee e nder ngurndan amen ɗan. Ko tawaa e ɗun ko lanndagol e jaabagol ko wallata men ɓurta faamugol Deftere Allah nden.

Si on ari ka pottital amen, jannde ko men wona e janneede kon ŋalɗinay on. — Isaaya 54:13, TMN.

• Ko honɗun nanoton ka pottital Seedeeɓe Yahuwah ɓen ?

• Ko e pottital amen honngal faalaɗon taweede ?