Wallooɓe hatonjiniiɓe heɓay baraaji

Yimɓe buy e nder aduna on alaa heɓude ko be ɲaama e ka ɓe hoɗa. Woɓɓe alaa tanƴinaare fii ko aroyta. Ndaaren honno wakkilaare men nden fii wallugol ɓe okkirta en sulfu e baraaji Alla.

KO BINNDI SENIIƊI ƊIN WI’I KON

« Kala yurminɗo baaso, ko Alla o waɗani ; ko Alla woni yoɓoowo » (TINDI 19:17, VPFJ).

KO HONƊUN FIRI WALLUGOL HATONJINIIƊO ?

Annabi Iisaa haaluno fii taariika gorko mo wuyɓe sakkino, ɓe piyi mo haa moggo mayde (Luuka 10:29-37). Gorko goo ari tawi gorko barminaaɗo on, o dankii mo. O waɗuno ɗun fii kala hari ɓe wonaa leɲol gootol.

Oo gorko moƴƴo dankanooki mo e hoore wallitagol mo tun, kono o wakkilinno mo e o multi mo.

Ko honɗun jannguɗen e oo taariika ? Annabi Iisaa hollii hiɗen haani wallude hatonjiniiɓe no waawirɗen woo (Tindi 14:31, VPFJ). Binndi seniiɗi ɗin no janni wonndema neeɓataa Alla lanna baasal e sonnjaa. Kono no gasa hiɗen lanndoo, ko honno e ko honnde tuma Alla waɗoyta ɗun ? Winndannde jokkitunde nden hollay baraaji ɗi Taguɗo mo giggol on marani on.