Ko honno welo-welo heɓorta ka ɓeynguure men ?

KO DEFTERE ALLA NDEN WI’I KON

« Maloore wonanii kan ɓen heɗotooɓe daaluyee Alla on, ɗoftoo mo ! » (Luuka 11:28, VPFJ).

KO HONNO ƊUN NAFIRTA EN ?

Giggol laaɓungol (Efeesi 5:28, 29).

Teddungal timmungal (Efeesi 5:33).

En hoolondiray (Markuusa 10:6-9).

HIƊEN WAAWI HOOLAADE KO DEFTERE ALLA NDEN WI’I KON

Fii piiji ɗiɗi :

• Ko Alla woni jooma ɓeynguure. Deftere Alla nden wi’i ko Yahuwah woni « Baabaajo on, on mo ɓeynguureeji wonɗi ka kammu e ka leydi ɗin fow inniraa » (Efeesi 3:14, 15, VPFJ). Si ɓeynguure no woodi, ko fii Yahuwah tagi. Ko moƴƴere honnde ɗun wondani en ?

  Wano si hiɗon ɲaamude maafe weluko, hiɗon faalaa anndude ko honɗun e honɗun waɗa fii defugol on maafe, ko hommbo landotoɗon ? Ko defuɗo on.

  Ko wano non, si hiɗon faalaa anndude ko honno welo-welo heɓorta ka nder ɓeynguure, ko ɓuri moƴƴande en, ko y’en jento Yahuwah jooma ɓeynguure (Fuɗɗoode nden 2:18-24).

• Alla no dankii en. Ɓeynguure ɗoftiinde no haani jentaade Yahuwah. Fii honɗun ? Ɓayri « o kippay fii mon » (1 Petruusu 5:6, 7, VPFJ). Yahuwah no miijani en ko moƴƴi e ko o waajii en kon fow no moƴƴi ! (Tindi 3:5, 6 ; Isaaya 48:17, 18).