TOƁƁERE 45
Wota en wonan hay gooto maa hay huunde si wonaa laamu Alla ngun
Annabi Iisaa wi’uno taalibaaɓe makko ɓen ‘ɓe haanaa taweede e oo aduna’ (Yuuhanna 15:19). Ɗun no firi en wonantaa hay gooto maa hay huunde si hinaa laamu Alla ngun. E piide misal, en tawetaake e piiji aduna ɗin wano politiki maa gere. Tigi tigi on, waɗugol ɗun wonnde welaa fii. No gasa yimɓe ɓen jalay en fii mun. Ko honno wakkilorten wonangol laamu Alla ngun tun e wonanen Yahuwah Alla sella-finndeeɓe ?
1. Ko honno almasiiyaaɓe goongaaɓe ɓen yiiri laamuuji aduna ɗin ?
Seedeeɓe Yahuwah ɓen no teddina laamuuji ɗin. Wano annabi Iisaa wi’irnoo non, hiɗen haani « jonnit[ude] lanɗo mawɗo Roomu on ko makko kon ». En ɗoftoto sariyaaji leydi ndin wano yoɓugol sagalle (Markuusa 12:17). Deftere Alla nden wi’i laamuuji wooduɗi ɗin ko Alla newnani ɗi (Roomu 13:1). Ko ɗun waɗi, bawgal laamuuji aduna ɗin no mari kattudi. Ko Alla e Laamu makko ngun ka kammu hoolortoɗen fii jittugol satteendeeji aduna.
2. Ko honno hollirten ko laamu Alla ngun tun wonanɗen ?
Wano annabi Iisaa, Seedeeɓe Yahuwah ɓen tawetaake e politiki. Ɲannde goo, ɓay yimɓe ɓen yi’ii kawakke annabi Iisaa goo, ɓe faalano mo waɗude lanɗo, kono o salino (Yuuhanna 6:15). Fii honɗun ? Ko fii ɓawto ɗun o wi’i : « Laamateeri an ndin hinaa jeyaandi e oo aduna » (Yuuhanna 18:36). Wa taalibaaɓe annabi Iisaa ɓen, meɗen holla ko laamu Alla ngun tun men wonani. E piide misal, men tawetaake e gere (janngee Mikaa 4:3). Meɗen teddina darapoo e al’alaamaaji leydi, kono men rewataa ɗi (1 Yuuhanna 5:21). E men hollataa si meɗen wonani maa si men wonanaa faalaaɗo laamaade maa fedde politiki. Ko laamu wootu tun men wonani, ɗun ko laamu Alla ngun.
LUGGINEE
Ndaaree ko piiji honɗi sattanta on fii wonugol sella-finndeeɓe laamu Alla ngun tun e ndaaron no fewjirton no moƴƴiri fii weltingol Yahuwah Alla.
3. Almasiiyaaɓe goongaaɓe ɓen tawetaake e piiji aduna
Annabi Iisaa e taalibaaɓe makko ɓen no accani en misal. Janngee Roomu 13:1, 5-7 e 1 Petruusu 2:13, 14. Ɓawto ɗun, fijinee VIDIO on e yewton fii lanndaale jokkituɗe ɗen.
Fii honɗun hiɗen haani teddinde laamuuji aduna ?
Ko honno hollirten hiɗen yankinanii ɗii laamuuji ?
E saa’i gere, leyɗe goo no wi’a ɗe alanaa hay gooto, kono kuuɗe maɓɓe no holli wonaa non woniri. Ko honɗun almasiiyaaɓe goongaaɓe ɓen haani waɗude ? Janngee Yuuhanna 17:16. Ɓawto ɗun, fijinee VIDIO on e yewton fii lanndal jokkitungal ngal.
Ko honno hollirten en wonantaa hay gooto maa hay huunde si wonaa laamu Alla ngun tun ?
E si hooreeɓe laamuuji ɗin yamirii en waɗugol huunde nde yaadaa e sariya Alla on ? Janngee Kuuɗe sahaabaaɓe ɓen 5:28, 29. Ɓawto ɗun, fijinee VIDIO on e yewton fii lanndaale jokkituɗe ɗen.
Si sariya neɗɗanke yaadaa e sariya Alla on, ko sariya hommbo haanuɗen ɗoftaade ?
Ko fii piiji honɗi almasiiyaajo haanaa ɗoftaade sariya neɗɗanke ?
4. Wonanee laamu Alla ngun ka miijo e ka kuuɗe
Janngee 1 Yuuhanna 5:21. Ɓawto ɗun, fijinee VIDIO on e yewton fii lanndaale jokkituɗe ɗen.
Fii honɗun Ayenge salii tawegol e fedde politiki maa mawningol ɲalaande nde leydi hettii, wano salmingol darapoo ?
Hiɗon miijii o fewjuno ko moƴƴi ?
Ko honɗun waɗata kadi fii wota en tawe e piiji aduna ? Fijinee VIDIO on e yewton fii lanndaale jokkituɗe ɗen.
Ko honno hollirten en wonanaa hay gooto si balon no fijeede maa piiji wano non hakkunde leyɗe ?
Ko honno hollirten en tawetaake e politiki hay si ko ɓe fewjata kon no nafa en maa nafataa en ?
Ko honno ko yi’eten ka telewisiyon e ko naneten ka radiyoo maa ɓe wonduɗen ɓen battinirta en fii wonangol goɗɗo ?
Ko e ɓaŋŋeeji honɗi almasiiyaaɓe ɓen hollata hiɓe wonani laamu Alla ngun tun ka miijo e ka kuuɗe ?
NO GASA WOƁƁE NO LANNDOO : « Fii honɗun on salmintaa darapoo on e on yimataa lim nasional on ? »
Ko honno jaabortoɗon ?
RAWNOODE
Almasiiyaaɓe ɓen no wakkilaade moƴƴa fii wota ɓe tawe e politiki, e ɗun no yi’oo e miijooji maɓɓe ɗin, konnguɗi maɓɓe ɗin e kuuɗe maɓɓe ɗen.
Ndartannde
Ko honno haanuɗen yiirude laamu tagaaɗo ?
Fii honɗun en tawetaake e politiki ?
Fii honɗun no sattani en fii wota en tawe e piiji aduna ?
TASKEE
Ko honɗun haanuɗen waɗude fii wota en wonan hay gooto ?
Ko honɗun ɓeynguureeji waɗata fii hebilagol hara ɓe tawetaake e piiji aduna ?
Fii honɗun hiwugol leydi mun wonaa teddungal ɓurngal hittude ngal goɗɗo heɓata ?
Hollee on tawetaake e piiji aduna si hiɗon fewjude fii golle mon ɗen.
« Mo kala no haani rondaade dongal mun ngal » (Suudu Aynirdu ndun, 15 marsi 2006)