Geallann Dia Párthas

TÁ COSÚLACHT ag an bpictiúr seo de phárthas leis an gceann a thaispeáin Dia dá fháidh Íseáia. Mhair Íseáia i ndiaidh Io’na.

Ciallaíonn párthas “gáirdín” nó “páirc.” An gcuireann sé rud éicint i gcuimhne duit atá feicthe cheanna againn sa leabhar seo? Nach bhfuil sé cosúil leis an ngáirdín a thug Iehobhah d’Ádhamh agus Éabha? Ach an mbéidh an domhan go léir ina phárthas go deo?

Dúirt Iehobhah le Íseáia scríobh faoin bpárthas nua atá le teacht do phobal Dé. Dúirt sé: ‘Cónóidh mictíre agus caoire le chéile go síochánta. Beathóidh laonna agus leoin óga le chéile, agus tabharfaidh páistí óga aire dóibh. Ní ghortófar an páiste má bhíonn sé ag súgradh in aice le nathar nimhe fiú.’

‘Ní thárlóidh sé seo go deo,’ déarfaidh daoine. ‘Bhí trioblóid ar an domhan riamh agus béidh sé ann go deo.’ Ach cuimhnigh: Cén sórt áit cónaithe a thug Dia d’Ádhamh agus Éabha?

Chuir Dia Ádhamh agus Éabha i bpárthas. Is mar go raibh siad easumhal do Dhia a cháill siad a mbaile, a fuair siad sean agus a fuair siad bás. Geallann Dia do na daoine a bhfuil grá acu dó go dtabharfaidh sé dóibh gach ar cháill Ádhamh agus Éabha.

Ins an bpárthas atá le teacht ní dhéanfaidh aon ní gortú ná scrios. Béidh síocháin buan ann. Béidh gach duine folláin agus sonasach. Béidh sé mar a theastaigh ó Dhia é a bheith ón tús. Ach foghlaimeoimid níos deireanaí faoin gcaoi a ndéanfaidh Dia é seo.