Ar Chnoc na nOlóg

SEO é Íosa ar Chnoc na nOlóg. Is iad a aspail an ceathrar atá in éineacht leis. Is iadsan na deartháireacha Aindrias agus Peadar, agus freisin na deartháireacha Séamus agus Eoin. Sin é teampall Dé i Iarusailéim a fheiceann tú uait.

Tá sé dhá lá ó chuaigh Íosa isteach go Iarusailéim ar an asal. Dé Máirt atá ann. Níos túisce sa lá, sa teampall, thriáil na sagairt breith ar Íosa chun é a mharú. Ach bhí faitíos orthu é seo a dhéanamh mar go dtaitníonn Íosa leis na daoine.

’A nathracha agus a mhic nathracha,’ a thug Íosa ar na ceannairí reiligiúnacha sin. Dúirt Íosa go gcuirfeadh Dia píonós orthu faoin olc ar fad a rinne siad. Ansin tháinig Íosa aníos go dtí Cnoc na nOlóg, agus thosaigh an ceathrar aspail seo á cheistiú. An bhfuil fhios agat céard atá siad a fhiafradh d’Íosa?

Tá na haspail ag fiafradh faoi rudaí atá le teacht. Tá fhios acu go gcuirdidh Íosa deireadh le gach olc ar an talamh. Ach tá siad ag iarraidh fáil amach cén uair a thárlóidh sé seo. Cén uair a thiocfaidh Íosa arís chun rialadh mar Rí?

Tá fhios ag Íosa nach mbéidh a lucht leanúna ar an talamh in ann é a fheiceáil nuair a thiocfaidh sé arís. Sé is cúis leis seo ná go mbéidh sé ar neamh. Mar sin insíonn Íosa dá chuid aspail faoi chuid de na rudaí a bhéidh ag tárladh ar an talamh nuair a bhéidh seisean ag rialadh ar neamh. Céard iad na rudaí seo?

Deireann Íosa go mbéidh cogaí móra ann, béidh a lán daoine tinn agus ocrach, béidh an choirpeacht go dona agus béidh creathanna móra talún ann. Deireann Íosa freisin go gcraobhscaoilfear deá scéala na ríochta ar fud an domhain. Mar go bhfaca muide na rudaí seo ag tárladh is féidir linn a bheith cinnte go bhfuil Íosa ag rialadh ar neamh. Go luath cuirdidh sé deireadh le gach olc ar an talamh.