CEACHT 37

An Méid atá Ráite sa mBíobla Faoi Obair agus Airgead

Eagrán Priontáilte

An raibh tú riamh faoi bhrú ag obair nó ag airgead? Is féidir leis a bheith dúshlánach aire a thabhairt dár ngnóthaí féin agus an t-adhradh atá tuillte aige a thabhairt d’Iehova. Tá comhairle phraiticiúil ar fáil sa mBíobla chun cabhrú linn.

1. Céard a deir an Bíobla faoi obair?

Tá Dia ag iarraidh go mbainfidh muid sásamh as ár gcuid oibre. Deir an Bíobla: “Níl aon ní ann is fearr do dhuine ná . . . aoibhneas a bhaint as a shaothar.” (Cóheilit 2:24) Oibríonn Iehova go crua. Nuair a dhéanann muid aithris air trí oibriú go díograiseach, bíonn muid féin sásta agus bíonn Iehova sásta linn.

Tá obair tábhachtach. Ach níor cheart go mbeadh tús áite aige ar ár n-adhradh. (Eoin 6:27) Geallann Iehova má thugann muid tús áite dá adhradh go dtabharfaidh sé aire dúinn.

2. Céard é dearcadh an Bhíobla ar airgead?

Cé go gcuirtear síos sa mBíobla ar “cosaint an airgid,” tugtar foláireamh ann freisin nach féidir le hairgead muid a shásamh. (Cóheilit 7:12) Mar sin, deir sé gan grá a bheith againn don airgead ach a bheith “sásta lena bhfuil agaibh.” (Léigh Eabhraigh 13:5.) Nuair a bhíonn muid sásta leis an méid atá againn, bíonn muid saor ón bhfrustrachas a bhaineann le bheith ag bailiú maoine. Seachnóidh muid fiacha agus an chontúirt a bhaineann le cearrbhachas agus le scéimeanna chun airgead éasca a dhéanamh.—Seanfhocail 22:7

3. Cén chaoi ar féidir linn a bheith flaithiúil?

Tá Iehova flaithiúil agus déanann muid aithris air nuair a bhíonn muid “fial flaithiúil lena gcuid.” (1 Tiomóid 6:18) Is féidir linn a bheith flaithiúil lena gcuid airgid trí thacú leis an bpobal agus cabhrú le daoine atá i gcruachás, go háirithe ár mbráithre. Tá níos mó suime ag Iehova sa gcúis a dtugann muid rud ná mar atá aige sa méid a thugann muid. Nuair a thugann muid go fial flaithiúil ó chroí, beidh muid féin sásta agus beidh Iehova sásta freisin.—Léigh Gníomhartha 20:35.

DÉAN TAIGHDE

Féach ar na buntáistí a bhaineann le hobair a choinneáil ina háit féin agus a bheith sásta.

4. Léirigh onóir d’Iehova i do chuid oibre

Ba cheart go mbeadh tionchar ag ár gcairdeas le hIehova ar an dearcadh atá againn ar obair. Seinn an FÍSEÁN, ansin plé na ceisteanna a leanann.

FÍSEÁN: Work Whole-Souled for Jehovah (4:39)

Sa bhfíseán, céard a chuaigh i bhfeidhm ort faoin dearcadh a bhí ag Jason ar a chuid oibre?
Céard a rinne sé chun an obair a choinneáil ina háit?

Léigh Colosaigh 3:23, 24, ansin plé an cheist seo:

Cén fáth a bhfuil tábhacht lenár ndearcadh ar obair?

Colláis: Fear ag tabhairt tús áite dá chuid oibre. 1. Oibríonn sé in oifig i rith an lae. 2. Fanann sé ag obair ar feadh an tráthnóna. 3. Leanann sé air ag obair tar éis dá chomhoibrithe dul abhaile. 4. Itheann sé suipéar leis féin sa mbaile.

Tá obair tábhachtach. Ach ba cheart dúinn tús áite a thabhairt dár n-adhradh d’Iehova

Colláis: An fear céanna ag tabhairt tús áite do na rudaí is tábhachtaí. 1. Oibríonn sé san oifig i rith an lae. 2. Téann sé abhaile tráthnóna. 3. Tá sé ag tabhairt freagra ag cruinniú pobail. 4. Itheann sé suipéar lena bhean agus a bheirt pháistí.

5. Ná cuir do shúil thar do chuid agus beidh tú sásta

Déanann go leor daoine iarracht an méid airgid agus is féidir leo a bhailiú ach cuireann an Bíobla a mhalairt de chomhairle orainn. Léigh 1 Tiomóid 6:6-8, ansin plé an cheist seo:

Cén chomhairle a chuireann an Bíobla orainn?

Fiú mura bhfuil mórán againn, is féidir linn a bheith sásta. Seinn an FÍSEÁN, ansin plé an cheist a leanann.

FÍSEÁN: Be “Content With the Present Things” (3:20)

Cé nach bhfuil mórán airgid acu, cén fáth a bhfuil na teaghlaigh seo sásta?

Ach céard faoi má tá ndóthain againn agus muid fós ag iarraidh tuilleadh? Léirigh Íosa an chontúirt a bhaineann leis sin. Léigh Lúcás 12:15-21, ansin plé an cheist seo:

Céard atá foghlamtha agat ó pharabail Íosa? —Féach véarsa 15.

Léigh agus cuir i gcomparáid Seanfhocail 10:22 agus 1 Tiomóid 6:10. Ansin plé na ceisteanna seo:

Cé acu is tábhachtaí, cairdeas le hIehova nó neart airgid a bheith agat? Cén fáth?
Cé na fadhbanna a bhaineann le bheith ag sodar i ndiaidh airgid?

6. Déanfaidh Iehova cúram dár riachtanais

Is féidir le fadhbanna airgid agus oibre ár gcreideamh i Iehova a thástáil. Seinn an FÍSEÁN le fáil amach faoin gcaoi ar féidir linn déileáil le tástálacha creideamh, ansin plé na ceisteanna a leanann.

FÍSEÁN: Jehovah Will Care for Our Needs (6:21)

Céard iad na dúshláin a bhí ag ár ndeartháir sa bhfíseán?
Céard a rinne sé chun déileáil leis na dúshláin?

Léigh Matha 6:25-34, ansin plé an cheist seo:

Céard a dhéanfaidh Iehova dóibh siúd a thugann tús áite do?

DEIR DAOINE ÁIRITHE: “Caithfidh mé oibriú go crua chun aire a thabhairt do mo theaghlach. Ní féidir liom dul chuig cruinnithe pobail gach seachtain.”

Cén scrioptúir a chuireann ina luí ortsa gur fearr go mór tús áite a thabhairt d’adhradh Iehova i gcónaí?

ACHOIMRE

Teastaíonn obair agus airgead uainn, ach níor cheart go gcuirfidís bac orainn freastal ar Iehova.

Súil Siar

Céard a chabhróidh leat an dearcadh ceart a bheith agat ar obair?
Cén chaoi a dtéann sé chun tairbhe duit a bheith sásta?
Cén chaoi ar féidir leat a léiriú go bhfuil muinín agat go mbreathnóidh Iehova amach do do theaghlach?

Ceacht críochnaithe ar:

Sprioc

Más rud é gur chuir do chuid oibre bac ort a bheith ag cruinnithe go rialta le cúpla mí anuas, déan plean chun rudaí a chur ina gceart.

Tuilleadh:

Sprioc eile

FIOSRAIGH

Faigh amach an ndeir an Bíobla gur é an t-airgead is cúis le gach olc.

“An é an tAirgead Is Cúis le Gach Olc?” (Alt ar líne)

Foghlaim faoin gcineál flaithiúlacht a thaitníonn le Dia.

“Céard atá Ráite sa mBíobla Faoina Bheith Flaithiúil?” (Alt ar líne)

An bhfuil aon dochar i gcearrbhachas?

“The Bible’s Viewpoint—Gambling” (Awake!, Márta 2015)

Féach an chabhair a fuair duine a bhí gafa le cearrbhachas agus goid chun a shaol a athrú.

“I Was Passionate About Racehorses” (The Watchtower, 1 Samhain, 2011)