Céard a Rinne Íosa Nuair a Bhí Sé ar an Talamh?

Samhlaíonn go leor daoine Íosa mar leanbh, mar fháidh ciallmhar nó mar fhear ag fáil bháis. Ach an bhfuil tuilleadh le foghlaim óna shaol ar an talamh? Sa gceacht seo, breathnóidh muid ar chuid de na rudaí ba thábhachtaí a rinne Íosa agus a dtionchar ortsa.

1. Cén príomhobair a rinne Íosa?

Ba í “dea-scéal ríocht Dé a fhógairt” príomhobair Íosa. (Léigh Lúcás 4:43a.) Chraobhscaoil sé go mbunódh Dia ríocht, nó rialtas, a réiteodh fadhbanna an chine dhaonna.a Scaip Íosa an teachtaireacht spreagúil seo go fonnmhar ar feadh trí bliana go leith.—Matha 9:35.

2. Cén cuspóir a bhí le míorúiltí Íosa?

Déanann an Bíobla cur síos ar go leor de “na míorúiltí agus na héachtaí agus na fearta a rinne Dia tríd [Íosa].” (Gníomhartha 2:22) Bhí Íosa in ann an aimsir a cheansú, mílte a bheathú, daoine tinne a leigheas, agus na mairbh a thógáil ón mbás le cumhacht Dé. (Matha 8:23-27; 14:15-21; Marcas 6:56; Lúcás 7:11-17) Léirigh míorúiltí Íosa gurbh é Dia a chuir chun na talún é. Léirigh siad freisin go bhfuil an chumhacht ag Iehova ár gcuid fadhbanna go léir a réiteach.

3. Céard atá le foghlaim againn ón mbealach a chaith Íosa a shaol?

Bhí Íosa umhal d’Iehova i gcónaí. (Léigh Eoin 8:29.) D’ainneoin géarleanúint, rinne Íosa gach a d’iarr a Athair air agus d’fhan sé dílis go bás. Chruthaigh sé gurbh fhéidir le daoine fanacht umhal do Dhia fiú nuair a thagann anró an tsaoil sa mullach orthu. Mar sin, ‛d’fhág Íosa sampla againn le go leanfadh muid é.ʼ—1 Peadar 2:21.

5. Mhúin Íosa ceachtanna luachmhara

Chomh maith leis an dea-scéal a scaipeadh, mhúin Íosa ceachtanna praiticiúla. Féach ar roinnt samplaí ón Seanmóir ar an Sliabh. Léigh Matha 6:14, 34 agus 7:12, ansin pléigh na ceisteanna seo:

• Cén chomhairle phraiticiúil a thug Íosa sna véarsaí sin?

• An gceapann tú gur féidir leis an gcomhairle seo cabhrú le daoine inniu?

6. Rinne Íosa míorúiltí

Chuir Iehova ar chumas Íosa go leor míorúiltí a dhéanamh. Chun sampla amháin a fheiceáil, léigh Marcas 5:25-34 nó seinn an FÍSEÁN. Ansin pléigh na ceisteanna a leanann.

FÍSEÁN: A Sick Woman Is Cured (5:10)

• Cár chuir an bhean tinn sa bhfíseán a muinín?

• Céard a chuaigh i bhfeidhm ort faoin míorúilt seo?

Léigh Eoin 5:36, ansin pléigh an cheist seo:

• Céard a chruthaigh na míorúiltí a rinne Íosa faoi féin?

ACHOIMRE

Chraobhscaoil Íosa faoi Ríocht Dé, rinne sé míorúiltí, agus bhí sé umhal d’Iehova i gcónaí.

Súil Siar

• Cén príomhobair a rinne Íosa nuair a bhí sé ar an talamh?

• Céard a chruthaíonn míorúiltí Íosa?

• Cé na ceachtanna praiticiúla a mhúin Íosa?

FIOSRAIGH

Cén t-ábhar is mó a labhair Íosa faoi?

“God’s Kingdom—What It Means to Jesus” (The Watchtower, 1 Deireadh Fómhair, 2014)

Déan machnamh ar an gcúis ar féidir linn muinín a chur i míorúiltí Íosa.

“The Miracles of Jesus—What Can You Learn?” (The Watchtower, 15 Iúil, 2004)

Léigh mar a chuaigh dea-shampla Íosa i gcion ar fhear amháin.

“My Life Was All About Me” (The Watchtower, 1 Deireadh Fómhair, 2014)

Féach liosta de phríomh-imeachtaí mhinistreacht Íosa san ord inar tharla siad.

“Main Events of Jesus’ Earthly Life” (New World Translation of the Holy Scriptures, Appendix A7)