Sɔɔmɔ Kpee He Gbɛjianɔtoo
Otsi ni Jeɔ Shishi January 10
10 min: Asafoŋ adafitswai. Adafitswai ni ahala kɛjɛ Wɔ Maŋtsɛyeli Sɔɔmɔ lɛ mli.
15 min: “Ní Wɔɔha Ale Yehowa Gbɛi lɛ yɛ Shikpɔŋ lɛ nɔ Fɛɛ.” Sanebimɔi kɛ hetooi. Okɛ wiemɔi ni kɔɔ trukaa odaseyeli he, ni jɛ Our Ministry wolo lɛ baafai 93-94 lɛ afata he.
20 min: Mla Naa Yiŋkpɛɛ ni Afeɔ Kɛha Helatsamɔ ni Akɛ Lá Tsuuu Nii yɛ Mli. (Bɔf. 15:28, 29) Wiemɔ ni onukpa ko ni he esa kɛbaaha. Kɛ agbe kpee nɛɛ naa lɛ, abaaha Odasefoi ni abaptisi amɛ lɛ “Advance Medical Directive/Release” wolo hee lɛ eko, ni mɛi ni yɔɔ bii ni abaptisiko amɛ lɛ anine baashɛ “Identity Card” lɛ eko nɔ amɛha gbekɛ fɛɛ gbekɛ. Esaaa akɛ aŋmalaa woji nɛɛ anɔ nii gbɛkɛ nɛɛ. Esa akɛ aŋmala amɛnɔ nii jogbaŋŋ yɛ shia, shi akɛ waonaa gbɛi AKAWO shishi. Kɛ agbe Asafo Woloŋ Nikasemɔ ni baanyiɛ sɛɛ lɛ naa lɛ, abaatsu woji fɛɛ ni akɛ waonaa gbɛi baawo shishi, ehe odaseyeli, kɛ gbi ni abaaŋma yɛ nɔ lɛ he nii yɛ woloŋ nikasemɔ nɔkwɛlɔ lɛ gbɛtsɔɔmɔ shishi. Dani akɛ waonaa gbɛi aaawo shishi lɛ, esa akɛ akwɛ akɛ ani aŋmala woji lɛ anɔ nii fɛɛ lo. Esa akɛ mɛi ni kɛ amɛ waonaa gbɛi woɔ shishi akɛ mɛi ni yeɔ he odase lɛ akwɛ koni amɛna akɛ mɔ ni hiɛ wolo lɛ kɛ ewaonaa gbɛi miiwo wolo lɛ shishi lɛɛlɛŋ. Shiɛlɔi ni abaptisiko amɛ lɛ baanyɛ akwɛ wolo nɛɛ nɔ wiemɔi lɛ ni amɛfee lɛ bɔ ni baasa amɛ diɛŋtsɛ amɛshihilɛi kɛ amɛhemɔkɛyeli koni amɛkɛŋma amɛ diɛŋtsɛ amɛgbɛtsɔɔmɔ he wolo ni amɛkɛbaatsu nii amɛha amɛhe kɛ amɛbii. Esa akɛ woloŋ nikasemɔ nɔkwɛlɔi lɛ akwɛ ní mɛi fɛɛ ni yɔɔ amɛkuu lɛ mli lɛ aná yelikɛbuamɔ ni he hiaa amɛ koni amɛŋmala “Advance Medical Directive/Release” wolo lɛ nɔ nibii lɛ.
Lala 155 kɛ naagbee sɔlemɔ.
Otsi ni Jeɔ Shishi January 17
10 min: Asafoŋ adafitswai. Shika he akɔntaabuu.
15 min: Sanebimɔ ni Kɔɔ ‘Kadimɔ’ he lɛ Hetoo. Wiemɔ ni onukpa ko baaha ni damɔ July 15, 1999, Buu-Mɔɔ, baafai 29-31 lɛ nɔ.
20 min: “Okɛ Dɛhiɛmɔ Woji Atsu Nii ni Okɛje Sanegbai Ashishi.” Atĩ dɛhiɛmɔ woji lɛ ateŋ ejwɛ ni akɛfɔɔ nitsumɔ yɛ shikpɔŋkuku lɛ mli lɛ mli saji amli. Bi sane ni aha hetoo yɛ dɛhiɛmɔ wolo lɛ eko fɛɛ eko mli. Ha toibolɔi lɛ atsɔɔ bɔ ni abaanyɛ akɛ sanebimɔ lɛ atsu nii ni akɛje sanegbaa shishi, ni enyɛ etsa nɔ kɛtsɔ Biblia mli nikasemɔ. Afee bɔ ni aaafee ni akɛ dɛhiɛmɔ woji enyɔ aaafee enɛ lɛ he nɔkwɛmɔnɔ.
Lala 57 kɛ naagbee sɔlemɔ.
Otsi ni Jeɔ Shishi January 24
10 min: Asafoŋ adafitswai. Asusu “Kpokpaa nɔ Kpee He Gbɛjianɔtoo Hee” lɛ he, ni awo mɛi fɛɛ hewalɛ ni amɛya kpee lɛ fɛɛ.
13 min: “Susumɔ Yehowa Wiemɔ lɛ He Daa Gbi!” Wiemɔ kɛ toibolɔi kɛ sanegbaa. Awo mɔ fɛɛ mɔ hewalɛ ni ekɛ Ŋmalɛi lɛ Amli ni Wɔɔkwɛ Daa—2000 lɛ atsu nii jogbaŋŋ. Okɛ wiemɔi ni yɔɔ hiɛkpamɔ wiemɔ lɛ mli yɛ baafai 3-4 lɛ afata he. Ha shiɛlɔi agba bɔ ni amɛbɔɔ mɔdɛŋ ni amɛsusu ŋmalɛ lɛ kɛ wiemɔi lɛ ahe daa gbi.
22 min: “Internet lɛ Kɛ Nitsumɔ—Ha Ohiɛ Ahi Osharai ni Yɔɔ Mli lɛ Anɔ!” Sanebimɔ kɛ hetoo ní akɛaasusu kukuji 1-18 lɛ he. Kanemɔ kukuji 4-7, 12, 16, 17. Wo mɛi fɛɛ hewalɛ ni amɛsaa amɛhe jogbaŋŋ kɛha wɔsɛɛ otsi sanegbaa ni yɔɔ kukuji 19-36 lɛ.
Lala 223 kɛ naagbee sɔlemɔ.
Otsi ni Jeɔ Shishi January 31
10 min: Asafoŋ adafitswai. Kaimɔ shiɛlɔi fɛɛ koni amɛkɛ amɛshiɛmɔyaa he akɔntaabuu kɛha January aha. Tsĩi wolo ni akɛbaatsu nii yɛ February mli lɛ tã: Weku Miishɛɛ wolo lɛ. Feemɔ bɔ ni abaanyɛ akɛ sanebimɔi etɛ ni yɔɔ akrabatsa lɛ mli yɛ baafa 12 lɛ atsu nii ní akɛje sanegbaa shishi lɛ he nɔkwɛmɔnɔ.
22 min: “Internet lɛ Kɛ Nitsumɔ—Ha Ohiɛ Ahi Osharai ni Yɔɔ Mli lɛ Anɔ!” Sanebimɔ kɛ hetoo ní akɛaasusu kukuji 19-36 lɛ he. Kanemɔ kukuji 23-25 kɛ 34-36.
13 min: Bɔ ni Aaafee Aye Abua Mɛi Krokomɛi ni Amɛyɔse Anɔkwa Jamɔ Lɛ. Sanegbaa ni baakã asafoŋ sɔɔlɔ ni he esa kɛ shiɛlɔi enyɔ loo etɛ ni he esa ateŋ, ní miitsɔɔ bɔ ni mɛi náa Yehowa Odasefoi ahe miishɛɛ, shi amɛnuuu srɔtofeemɔ ni yɔɔ jamɔi krokomɛi lɛ kɛ wɔnɔ̃ lɛ teŋ lɛ shishi jogbaŋŋ. Atĩ otii nyɔŋma ni yɔɔ May 8, 1995, Awake! lɛ baafa 20 lɛ mli. Atsɔɔ bɔ ni otii nɛɛ ni aaale lɛ baanyɛ aye abua mɔ ko ni yeɔ anɔkwa, koni ena srɔtofeemɔ ni yɔɔ anɔkwa jamɔ kɛ apasa jamɔ teŋ, kɛ bɔ ni ehe ehia akɛ aaakase nii kɛjɛ Yehowa webii adɛŋ ni akɛ amɛ abɔ lɛ mli.
Lala 60 kɛ naagbee sɔlemɔ.
Otsi ni Jeɔ Shishi February 7
8 min: Asafoŋ adafitswai.
17 min: Agba Daniel Gbalɛ wolo lɛ mli sane. Wiemɔ kɛ toibolɔi kɛ sanegbaa. Atĩ otii ni yɔɔ wolo hee lɛ mli lɛ amli: saneyitsei ni sa kadimɔ, mfonirii ni mli kã shi faŋŋ, akrabatsai ni sanebimɔi ni akɛpɛiɔ saji amli yɔɔ mli yɛ sanegbaa fɛɛ sanegbaa naagbee, shikpɔji ahe mfonirii kɛ taoi ni haa nibii amlitsɔɔmɔ feɔ faŋŋ. Wiemɔ saji amlitsɔɔmɔ ni woɔ mɔ hewalɛ ni tsɔɔ bɔ ni Mikael ‘baadamɔ shi’ yɛ gbɛ krɛdɛɛ nɔ lɛ he (Baafai 288-290). Tsɔɔmɔ bɔ ni ehe hiaa ní wɔmia wɔhiɛ akɛ Nyɔŋmɔ Wiemɔ lɛ he tsɔɔlɔi (Baafai 311-312). Esa akɛ wɔ fɛɛ wɔkane wolo lɛ jogbaŋŋ ni wɔwo mɛi ni yɔɔ he miishɛɛ lɛ hewalɛ ni amɛ hu amɛfee nakai.
20 min: Amɛfee Halamɔ ni Nilee Yɔɔ Mli. Wiemɔ ni damɔ October 15, 1997, Buu-Mɔɔ, baafai 19-21, kukuji 3-16 lɛ nɔ. Gbaa nɔ ni gbɛgbalɔi ekɛɛ lɛ he sane, ni otsɔɔ nɔ hewɔ ni amɛnuɔ he akɛ amɛkɛ amɛshihilɛ etsu nii yɛ gbɛ ni nyɔmɔwoo kɛ sɛɛnamɔ yɔɔ mli fe fɛɛ nɔ. Awo mɛi fɛɛ ni eba lɛ hewalɛ ni amɛsusu hegbɛi ní amɛyɔɔ akɛ amɛ hu amɛaatsɔmɔ gbɛgbalɔi wɔsɛɛ lɛ he.
Lala 182 kɛ naagbee sɔlemɔ.