Sanebimɔ He

◼ Ani eja gbɛ akɛ mɔ aaabua saji ni abaasusu he yɛ Teokrase Sɔɔmɔ Skul lɛ mli lɛ anaa efee lɛ wolo ní eja eha mɛi krokomɛi?

Aŋmɛɔ gbɛ akɛ mɔ afee enɛ eha eweku lɛ mlibii kɛ enanemɛi enyɔoo ko ni esumɔɔ amɛsane jogbaŋŋ lɛ koni amɛkɛtsu nii. Kɛlɛ, esaaa akɛ afeɔ nɔ ko ni tamɔ nakai ni aja aha mɛi babaoo aloo ahɔ̃ɔ, ejaakɛ nakai feemɔ kuɔ copyright loo woji afeemɔ he mlai amli.—Rom. 13:1.

Teokrase Sɔɔmɔ Skul lɛ mli nifeemɔi lɛ ekomɛi yɛ ni saneyitso lɛ kɛkɛ akɛhaa; shi atsɔɔɔ he ni nifeemɔ lɛ jeɔ kpo yɛ. Kɛ́ aha mɔ ko nifeemɔ ni tamɔ nakai lɛ, ani ebaafee nɔ ni hi akɛ mɔ kroko aaaŋmala woji ni mɔ lɛ baanyɛ ekwɛ mli kɛha enifeemɔ lɛ eha lɛ aloo eŋmala nibii ni asafo lɛ woji wieɔ yɛ nakai saneyitso lɛ he lɛ eha lɛ? Dabi. Nakai nɔŋŋ ebafeŋ nɔ ni hi akɛ aaaŋmala sanebimɔi kɛha Teokrase Sɔɔmɔ Skul lɛ Mlitĩi lɛ ahetooi ni aja aha mɛi, ejaakɛ no feemɔ yeŋ ebuaŋ amɛ koni saji otii ni he hiaa lɛ aka amɛyitsoŋ. Esa akɛ mɛi ni kɛ amɛhe ewo skul lɛ mli lɛ diɛŋtsɛ agbɛlɛ shi kɛtao nibii amli. Enɛ fata gbɛ̀i ni he hiaa waa ni Yehowa tsɔɔ skul lɛ nɔ etsɔseɔ wɔ bɔni afee ni wɔkɛ “nikaselɔi alilɛi” awie lɛ ahe.—Yes. 50:4.