Ani Obaanyɛ Oka Okwɛ Afi Kome?

Oka mɛni? Gbɛgbamɔ nitsumɔ lɛ! Kɛ́ ofee nakai lɛ, obaaná jɔɔmɔi babaoo!—Abɛ 10:22.

KƐ́ OTSU GBƐGBAMƆ NITSUMƆ LƐ, OBAANYƐ . . .

• oná hesai akɛ sane kpakpa shiɛlɔ, ni obaanya shiɛmɔ nitsumɔ lɛ he waa

• owaje wekukpaa ni yɔɔ okɛ Yehowa teŋ lɛ. Babaoo ni owieɔ ehe otsɔɔ mɛi krokomɛi lɛ, babaoo ni okaiɔ esui ni nɔ bɛ lɛ ji no

• oná miishɛɛ ní mɛi ni kɛ Maŋtsɛyeli lɛ yeɔ klɛŋklɛŋ gbɛhe yɛ amɛshihilɛ mli, kɛ miishɛɛ ni mɛi ni kɛ amɛhe hãa kɛyeɔ buaa mɛi krokomɛi lɛ náa lɛ eko.—Mat 6:33; Bɔf 20:35

• oya kpee ni kpokpaa nɔkwɛlɔ lɛ kɛ gbɛgbalɔi lɛ feɔ kɛ́ ebasɔmɔ asafo lɛ, kpee krɛdɛɛ ni akɛ gbɛgbalɔi lɛ feɔ kɛ́ abaaya kpokpaa nɔ kpee lɛ, kɛ Gbɛgbamɔ Sɔɔmɔ Skul lɛ eko

• oná hegbɛi pii kɛje Biblia mli nikasemɔ shishi, ni ofee Biblia mli nikasemɔi babaoo hu

• oná bei babaoo ni okɛ shiɛlɔi krokomɛi atsu nii, ni nyɛbaawowoo nyɛhe hewalɛ.—Ro 1:11, 12